ਆਲੂ ਇੱਕ ਅਜਿਹੀ ਸਬਜ਼ੀ ਹੈ ਜਿਸਦਾ ਇਸਤੇਮਾਲ ਹਰ ਘਰ ‘ਚ ਹੁੰਦਾ ਹੈ। ਆਲੂਆਂ ਵਿਚ ਫਾਈਬਰ, ਜ਼ਿੰਕ, ਆਇਰਨ, ਕੈਲਸ਼ੀਅਮ, ਪੋਟਾਸ਼ੀਅਮ, ਫਾਸਫੋਰਸ, ਬੀ-ਕੰਪਲੈਕਸ, ਵਿਟਾਮਿਨ ਸੀ ਭਰਪੂਰ ਮਾਤਰਾ ਵਿੱਚ ਹੁੰਦਾ ਹੈ, ਜੋ ਸਿਹਤ ਲਈ ਬਹੁਤ ਫਾਇਦੇਮੰਦ ਹੁੰਦੇ ਹਨ। ਇਸ ਦੇ ਨਾਲ ਹੀ ਭੁੰਨੇ ਹੋਏ ਆਲੂ ਖਾਣ ਨਾਲ ਪਾਚਨ ਕਿਿਰਆ ਵਿੱਚ ਸੁਧਾਰ ਹੁੰਦਾ ਹੈ। ਇੰਨਾ ਹੀ ਨਹੀਂ ਭੁੰਨੇ ਹੋਏ ਆਲੂ ਖਾਣ ਨਾਲ ਮੋਟਾਪਾ ਵੀ ਘੱਟਦਾ ਹੈ।
ਇਸ ਦੇ ਨਾਲ ਹੀ ਇਹ ਭਾਰ ਘੱਟ ਕਰਨ ‘ਚ ਵੀ ਮਦਦ ਕਰਦੇ ਹਨ। ਜੇ ਤੁਸੀਂ ਆਪਣੇ ਵਧੇ ਹੋਏ ਭਾਰ ਤੋਂ ਪਰੇਸ਼ਾਨ ਹੋ ਤਾਂ ਨਿਸ਼ਚਤ ਤੌਰ ‘ਤੇ ਆਪਣੀ ਖੁਰਾਕ ਵਿੱਚ ਭੁੰਨੇ ਹੋਏ ਆਲੂਆਂ ਨੂੰ ਸ਼ਾਮਲ ਕਰੋ। ਆਓ ਜਾਣਦੇ ਹਾਂ ਭੁੰਨੇ ਹੋਏ ਆਲੂ ਖਾਣ ਨਾਲ ਕਿਹੜੇ-ਕਿਹੜੇ ਫਾਇਦੇ ਮਿਲਦੇ ਹਨ।
ਇਹ ਪਾਚਨ ਕਿਰਿਆ ਨੂੰ ਸਹੀ ਰੱਖਦੇ ਹਨ। ਭੁੰਨੇ ਹੋਏ ਆਲੂਆਂ ਵਿੱਚ ਫਾਈਬਰ ਬਹੁਤ ਜ਼ਿਆਦਾ ਹੁੰਦਾ ਹੈ, ਜੋ ਪਾਚਨ ਕਿਰਿਆ ਨੂੰ ਬਿਹਤਰ ਰੱਖਣ ਵਿੱਚ ਮਦਦ ਕਰਦਾ ਹੈ। ਭੁੰਨੇ ਹੋਏ ਆਲੂਆਂ ਦੀ ਖਪਤ ਲੂਜ਼ ਮੋਸ਼ਨ ਅਤੇ ਕਬਜ਼ ਦੀ ਸਮੱਸਿਆ ਤੋਂ ਰਾਹਤ ਦੇ ਸਕਦੀ ਹੈ।
ਭੁੰਨੇ ਹੋਏ ਆਲੂਆਂ ਦਾ ਸੇਵਨ ਉਨ੍ਹਾਂ ਲੋਕਾਂ ਲਈ ਬਹੁਤ ਲਾਭਦਾਇਕ ਹੋ ਸਕਦਾ ਹੈ ਜਿੰਨ੍ਹਾਂ ਨੂੰ ਸੋਜਸ਼ ਦੀ ਸਮੱਸਿਆ ਹੁੰਦੀ ਹੈ। ਭੁੰਨੇ ਹੋਏ ਆਲੂਆਂ ਵਿੱਚ ਕੋਲੀਨ ਪਾਇਆ ਜਾਂਦਾ ਹੈ ਜੋ ਸਰੀਰ ਲਈ ਇੱਕ ਪੋਸ਼ਕ ਤੱਤ ਹੁੰਦਾ ਹੈ, ਜੋ ਸਰੀਰ ਦੀ ਸੋਜਸ਼ ਨੂੰ ਘੱਟ ਕਰ ਸਕਦਾ ਹੈ।
ਆਲੂਆਂ ਨੂੰ ਪੋਟਾਸ਼ੀਅਮ ਦਾ ਇੱਕ ਵਧੀਆ ਸਰੋਤ ਮੰਨਿਆ ਜਾਂਦਾ ਹੈ। ਭੁੰਨੇ ਹੋਏ ਆਲੂਆਂ ਦੀ ਖਪਤ ਦਿਲ ਨੂੰ ਸਿਹਤਮੰਦ ਰੱਖ ਸਕਦੀ ਹੈ। ਭੁੰਨੇ ਹੋਏ ਆਲੂਆਂ ਦੀ ਖਪਤ ਕੋਲੈਸਟਰੋਲ, ਦਿਲ ਦੇ ਦੌਰੇ ਅਤੇ ਦਿਮਾਗੀ ਦੌਰੇ ਦੇ ਖਤਰੇ ਨੂੰ ਘੱਟ ਕਰ ਸਕਦੀ ਹੈ।
ਭੁੰਨੇ ਹੋਏ ਆਲੂਆਂ ਵਿੱਚ ਮੌਜੂਦ ਰੇਸ਼ੇ ਅਤੇ ਵਿਟਾਮਿਨ ਬੀ 6 ਪਾਚਕ ਕਿਿਰਆ ਵਿੱਚ ਸੁਧਾਰ ਕਰਦੇ ਹਨ। ਖੁਰਾਕ ਵਿੱਚ ਭੁੰਨੇ ਹੋਏ ਆਲੂਆਂ ਨੂੰ ਸ਼ਾਮਲ ਕਰਕੇ ਵਧੇ ਹੋਏ ਭਾਰ ਨੂੰ ਆਸਾਨੀ ਨਾਲ ਘਟਾਇਆ ਜਾ ਸਕਦਾ ਹੈ।
