ਬਹੁਤ ਸਾਰੇ ਲੋਕ ਅਜਿਹੇ ਹਨ ਜਿਨ੍ਹਾਂ ਨੂੰ ਥਾਇਰਾਇਡ ਸਮੱਸਿਆ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਥਾਇਰਾਇਡ ਗਲੈਂਡ ਇੱਕ ਤਿਤਲੀ ਦੇ ਆਕਾਰ ਦਾ ਅੰਗ ਹੈ, ਜੋ ਕਿ ਇੱਕ ਖਾਸ ਮਾਤਰਾ ਵਿੱਚ ਥਾਇਰਾਇਡ ਹਾਰਮੋਨ ਪੈਦਾ ਕਰਦਾ ਹੈ। ਇਹ ਹਾਰਮੋਨ ਬਹੁਤ ਸਾਰੇ ਸਰੀਰਕ ਕਾਰਜਾਂ ਨੂੰ ਨਿਯੰਤਰਿਤ ਕਰਦਾ ਹੈ।
ਇਸ ਵਿੱਚ ਅਸੰਤੁਲਨ ਦੇ ਕਾਰਨ ਸਾਡੇ ਸਰੀਰ ਵਿੱਚ ਕਈ ਪ੍ਰਕਾਰ ਦੀਆਂ ਸਮੱਸਿਆਵਾਂ ਪੈਦਾ ਹੋ ਸਕਦੀਆਂ ਹਨ। ਇਨ੍ਹਾਂ ਹਾਰਮੋਨਸ ਦੇ ਵਧੇਰੇ ਉਤਪਾਦਨ ਨਾਲ ਹਾਈਪਰਥਾਈਰਾਇਡਿਜ਼ਮ ਹੁੰਦਾ ਹੈ ਅਤੇ ਘੱਟ ਉਤਪਾਦਨ ਨਾਲ ਹਾਈਪੋਥਾਈਰੋਡਿਜਮ ਹੁੰਦਾ ਹੈ। ਮਾਹਿਰਾਂ ਨੇ ਥਾਇਰਾਇਡ ਅਸੰਤੁਲਨ ਦੇ ਕੁੱਝ ਮਹੱਤਵਪੂਰਨ ਕਾਰਨਾਂ ਅਤੇ ਲੱਛਣਾਂ ਬਾਰੇ ਦੱਸਿਆ ਹੈ।
ਡਾ: ਦੀਕਸ਼ਾ ਨੇ ਲਿਖਿਆ ਹੈ ਕਿ ਥਾਇਰਾਇਡ ਤੁਹਾਡੇ ਐਂਡੋਕ੍ਰਾਈਨ ਸਿਸਟਮ ਦੀ ਰੂਹ ਹੈ। ਅਸੀਂ ਅਕਸਰ ਇਸ ਦੇ ਅਸੰਤੁਲਨ ਨੂੰ ਨਜ਼ਰ ਅੰਦਾਜ਼ ਕਰਦੇ ਹਾਂ, ਜਿਸ ਕਾਰਨ ਥਾਇਰਾਇਡ ਵਿੱਚ ਅਸੰਤੁਲਨ ਗੰਭੀਰ ਪੱਧਰ ‘ਤੇ ਪਹੁੰਚ ਜਾਂਦਾ ਹੈ। ਇਸ ਲਈ ਇਨ੍ਹਾਂ ਲੱਛਣਾਂ ਵੱਲ ਧਿਆਨ ਦੇਣਾ ਜ਼ਰੂਰੀ ਹੈ। ਥਾਈਰੋਇਡ ਗਲੈਂਡ ਦਾ ਮੁੱਖ ਕਾਰਜ ਪਾਚਕ ਕਿਰਿਆ ਹੈ। ਇਹ ਤੁਹਾਡੇ ਵੱਲੋਂ ਖਾਧੇ ਭੋਜਨ ਨੂੰ ਹਜ਼ਮ ਕਰਨ ਵਿੱਚ ਸਹਾਇਤਾ ਕਰਦਾ ਹੈ ਅਤੇ ਸਰੀਰ ਦੁਆਰਾ ਲੋੜੀਂਦੇ ਪੌਸ਼ਟਿਕ ਤੱਤਾਂ ਨੂੰ ਸੋਖ ਲੈਂਦਾ ਹੈ।
ਸਰੀਰ ਦਾ ਤਾਪਮਾਨ : ਇੱਕ ਅਸੰਤੁਲਿਤ ਥਾਈਰੋਇਡ ਤੁਹਾਡੇ ਸਰੀਰ ਦਾ ਤਾਪਮਾਨ ਘਟਾ ਸਕਦਾ ਹੈ ਅਤੇ ਇਸ ਸਥਿਤੀ ਵਿੱਚ ਤੁਸੀਂ ਕੋਲਡ ਇੰਟੋਲਰੈਂਸ ਦੇ ਸ਼ਿਕਾਰ ਹੋ ਸਕਦੇ ਹੋ। ਆਸਾਨ ਸ਼ਬਦਾਂ ਵਿੱਚ, ਥਾਇਰਾਇਡ ਦੇ ਅਸੰਤੁਲਨ ਦੇ ਕਾਰਨ ਤੁਸੀਂ ਠੰਡ ਮਹਿਸੂਸ ਕਰ ਸਕਦੇ ਹੋ।
ਭਾਰ ਘਟਣਾ ਅਤੇ ਵਧਣਾ : ਜੇ ਤੁਹਾਡਾ ਭਾਰ ਬਿਨਾਂ ਕਿਸੇ ਖੁਰਾਕ ਅਤੇ ਕਸਰਤ ਦੇ ਅਚਾਨਕ ਘੱਟ ਰਿਹਾ ਹੈ, ਜਾਂ ਘੱਟ ਖਾਣ ਦੇ ਬਾਅਦ ਵੀ ਭਾਰ ਤੇਜ਼ੀ ਨਾਲ ਵੱਧ ਰਿਹਾ ਹੈ, ਤਾਂ ਤੁਹਾਨੂੰ ਥਾਇਰਾਇਡ ਦੀ ਜਾਂਚ ਕਰਵਾਉਣੀ ਚਾਹੀਦੀ ਹੈ। ਕਿਉਂਕਿ ਥਾਈਰੋਇਡ ਅਸੰਤੁਲਨ ਨਾਲ ਜਾਂ ਤਾਂ ਭਾਰ ਬਹੁਤ ਜ਼ਿਆਦਾ ਹੋ ਜਾਂਦਾ ਹੈ ਤੇ ਜਾਂ ਭਾਰ ਬਿਲਕੁਲ ਹੀ ਘੱਟ ਜਾਂਦਾ ਹੈ।
ਵਾਲਾਂ ‘ਤੇ ਪ੍ਰਭਾਵ: ਇਸ ਦੇ ਨਾਲ ਹੀ ਜਦੋਂ ਤੁਹਾਡਾ ਥਾਇਰਾਇਡ ਅਸੰਤੁਲਿਤ ਹੋ ਜਾਂਦਾ ਹੈ ਤਾਂ ਵਾਲਾਂ ਦਾ ਝੜਨਾ ਵੀ ਸ਼ੁਰੂ ਹੋ ਜਾਂਦਾ ਹੈ। ਇਸ ਬਿਮਾਰੀ ਦਾ ਸ਼ਿਕਾਰ ਹੋਣ ਤੋਂ ਬਾਅਦ ਨਾ ਸਿਰਫ ਸਿਰ ਦੇ ਵਾਲ ਝੜਦੇ ਹਨ, ਬਲਕਿ ਪਲਕਾਂ ਅਤੇ ਆਈਬ੍ਰੋਜ਼ ਵੀ ਪਤਲੇ ਹੋ ਜਾਂਦੇ ਹਨ।
ਦਿਲ ਨੂੂੰ ਪ੍ਰਭਾਵਿਤ: ਥਾਇਰਾਇਡ ਤੁਹਾਡੇ ਦਿਲ ਦੀ ਗਤੀ ਨੂੰ ਕੰਟਰੋਲ ਕਰਨ ਵਿੱਚ ਵੀ ਮਦਦ ਕਰਦਾ ਹੈ। ਪਰ ਅਸੰਤੁਲਿਤ ਹੋਣ ਤੋਂ ਬਾਅਦ ਇਹ ਦਿਲ ਦੀ ਗਤੀ ਨੂੰ ਵੀ ਪ੍ਰਭਾਵਤ ਕਰਦਾ ਹੈ। ਇਸ ਤੋਂ ਇਲਾਵਾ ਥਾਇਰਾਇਡ ਦੇ ਪੱਧਰ ਵਿੱਚ ਅਸੰਤੁਲਨ ਦੇ ਕਾਰਨ, ਤੁਹਾਡੇ ਸਰੀਰ ਵਿੱਚ ਕੋਰਟੀਸੋਲ ਦਾ ਪੱਧਰ ਵੀ ਵਧਦਾ ਹੈ, ਜੋ ਮਾਨਸਿਕ ਸਿਹਤ ਨੂੰ ਖਰਾਬ ਕਰਦਾ ਹੈ। ਤੁਸੀਂ ਅਜਿਹੀ ਸਥਿਤੀ ਵਿੱਚ ਤਣਾਅ ਅਤੇ ਉਦਾਸੀ ਦੀ ਸਥਿਤੀ ਵਿੱਚ ਜਾ ਸਕਦੇ ਹੋ।
ਪੀਰੀਅਡ ਦੀ ਸਮੱਸਿਆ : ਬਹੁਤ ਸਾਰੀਆਂ ਮਹਿਲਾਵਾਂ ਨੂੰ ਪੀਰੀਅਡ ਸਹੀ ਸਮੇਂ ‘ਤੇ ਨਹੀਂ ਆਉਂਦੇ। ਜੇ ਇਹ ਹਰ ਵਾਰ ਹੁੰਦਾ ਹੈ ਤਾਂ ਇਸ ਨੂੰ ਨਜ਼ਰ ਅੰਦਾਜ਼ ਨਹੀਂ ਕੀਤਾ ਜਾਣਾ ਚਾਹੀਦਾ। ਕਿਉਂਕਿ ਅਨਿਯਮਿਤ ਪੀਰੀਅਡ ਵੀ ਥਾਇਰਾਇਡ ਅਸੰਤੁਲਨ ਦਾ ਕਾਰਨ ਹੋ ਸਕਦੀ ਹੈ। ਇਸ ਲਈ ਤੁਹਾਨੂੰ ਇਸ ਦੀ ਜਾਂਚ ਕਰਾਉਣੀ ਚਾਹੀਦੀ ਹੈ।
