ਦੇਸ਼ ‘ਚ SpiceJet 16 ਨਵੀਆਂ ਉਡਾਣਾਂ ਸ਼ੁਰੂ ਕਰਨ ਜਾ ਰਹੀ ਹੈ। ਇਸ ’ਚ ਗੁਜਰਾਤ ਦੇ ਭਾਵਨਗਰ ਨੂੰ ਦਿੱਲੀ, ਮੁੰਬਈ ਤੇ ਸੂਰਤ ਨਾਲ ਜੋੜਨ ਵਾਲੀਆਂ ਸਿੱਧੀਆਂ ਉਡਾਣਾਂ ਵੀ ਸ਼ਾਮਲ ਹਨ। ਇਸ ਤੋਂ ਇਲਾਵਾ 10 ਹੋਰ ਉਡਾਣਾਂ ਵੀ ਸ਼ੁਰੂ ਹੋਣਗੀਆਂ ਜੋ ਗਵਾਲੀਅਰ ਨੂੰ ਜੈਪੁਰ, ਕਿਸ਼ਨਗੜ੍ਹ (ਅਜਮੇਰ) ਨੂੰ ਮੁੰਬਈ, ਬੇਲਾਗਵੀ ਨੂੰ ਦਿੱਲੀ ਤੇ ਵਿਸ਼ਾਖਾਪੱਟਨਮ ਨੂੰ ਬੇਂਗਲੁਰੂ ਨਾਲ ਜੋੜੇਗੀ। ਇਸ ਦੇ ਨਾਲ ਹੀ ਦਿੱਲੀ-ਜੰਮੂ ਦੇ ਵਿਚਕਾਰ ਇੱਕ ਵਾਧੂ ਉਡਾਣ ਵੀ ਜੋੜੀ ਜਾਵੇਗੀ।
ਇਸ ਸੰਬੰਧੀ ਕੰਪਨੀ ਵੱਲੋਂ ਇਕ ਬਿਆਨ ’ਚ ਕਿਹਾ ਗਿਆ ਹੈ ਕਿ ਉਹ ਆਪਣੇ ਘਰੇਲੂ ਨੈੱਟਵਰਕ ’ਚ ਭਾਵਨਗਰ (ਗੁਜਰਾਤ) ਨੂੰ ਜੋੜਨ ਸਮੇਤ 16 ਨਵੀਆਂ ਉਡਾਣਾਂ ਸ਼ੁਰੂ ਕਰੇਗੀ। ਭਾਵਨਗਰ ਨੂੰ ਦਿੱਲੀ, ਮੁੰਬਈ ਤੇ ਸੂਰਤ ਨਾਲ ਜੋੜਨ ਵਾਲੀਆਂ ਇਹ ਸਿੱਧੀਆਂ ਉਡਾਣਾਂ 20 ਅਗਸਤ ਤੋਂ ਸ਼ੁਰੂ ਹੋਣਗੀਆਂ। ਦੱਸਣਯੋਗ ਹੈ ਕਿ ਕਿਸ਼ਨਗੜ੍ਹ (ਅਜਮੇਰ) ਮੁੰਬਈ ਸੈਕਟਰ ਦੀਆਂ ਉਡਾਣਾਂ ਸੋਮਵਾਰ, ਬੁੱਧਵਾਰ, ਸ਼ੁੱਕਰਵਾਰ ਤੇ ਐਤਵਾਰ ਨੂੰ ਚੱਲਣਗੀਆਂ, ਭਾਵਨਗਰ-ਸੂਰਤ ਉਡਾਣਾਂ ਵੀਰਵਾਰ, ਸ਼ਨੀਵਾਰ ਤੇ ਐਤਵਾਰ ਨੂੰ ਸ਼ੁਰੂ ਹੋਣਗੀਆਂ।
