AIMIM ਦੇ ਮੁਖੀ ਅਸਦੁਦੀਨ ਓਵੈਸੀ ਨੇ ਐਲਏਸੀ ‘ਤੇ ਚੀਨ ਦੀ ਘੁਸਪੈਠ ਨੂੰ ਲੈ ਕੇ ਪ੍ਰਧਾਨਮੰਤਰੀ ਨਰਿੰਦਰ ਮੋਦੀ ਨੂੰ ਆਪਣੇ ਨਿਸ਼ਾਨੇ ‘ਤੇ ਲੈਂਦੇ ਹੋਏ ਹਮਲਾ ਬੋਲਿਆ ਹੈ। ਓਵੈਸੀ ਨੇ ਚੀਨ ਦੇ ਨਾਮ ਨਾਲ ਮੋਦੀ ‘ਤੇ ਤੰਜ ਕੱਸਦੇ ਹੋਏ ਕਿਹਾ ਕਿ ਪੀਐਮ ਚੀਨ ‘ਤੇ ਬੋਲਣ ਨਾਲ ਹਮੇਸ਼ਾ ਡਰਦੇ ਹਨ। ਇੱਥੇ ਤੱਕ ਕਿ ਚਾਹ ਵਿੱਚ ਚੀਨੀ ਤੱਕ ਵੀ ਨਹੀਂ ਪਹੁੰਦੇ ਕਿ ਕਿਤੇ ਚੀਨ ਨਹੀਂ ਨਿਕਲ ਆਏ।
ਇਸ ਤੋਂ ਇਲਾਵਾ ਓਵੈਸੀ ਨੇ ਪੈਟਰੋਲ ਅਤੇ ਡੀਜ਼ਲ ਦੀਆਂ ਕੀਮਤਾਂ ਨੂੰ ਲੈ ਕੇ ਵੀ ਉਨ੍ਹਾਂ ਨੂੰ ਨਿਸ਼ਾਨਾ ਸਾਧਿਆ। ਉਨ੍ਹਾਂ ਕਿਹਾ ਕਿ ਸਾਡੇ ਪ੍ਰਧਾਨ ਮੰਤਰੀ ਦੋ ਗੱਲਾਂ ‘ਤੇ ਕਦੇ ਮੂੰਹ ਨਹੀਂ ਖੋਲ੍ਹਦੇ। ਇੱਕ ਹੈ ਪੈਟਰੋਲ ਅਤੇ ਡੀਜ਼ਲ ਦੀ ਮਹਿੰਗਾਈ ਅਤੇ ਦੂਜਾ ਹੈ ਚੀਨ ਦੀ ਘੁਸਪੈਠ। ਚੀਨ ਸਾਡੇ ਦੇਸ਼ ਵਿੱਚ ਦਾਖਲ ਹੋ ਗਿਆ ਹੈ ਅਤੇ ਬੈਠ ਗਿਆ ਹੈ। ਜਦੋਂ ਪਾਕਿਸਤਾਨ ਨੇ ਪੁਲਵਾਮਾ ‘ਤੇ ਹਮਲਾ ਕੀਤਾ ਤਾਂ ਮੋਦੀ ਨੇ ਕਿਹਾ ਕਿ ਅਸੀਂ ਘਰ ਵਿੱਚ ਵੜ ਕੇ ਮਾਰ ਦੇਵਾਂਗੇ, ਫਿਰ ਅਸੀਂ ਕਿਹਾ ਮਾਰੋ। ਪਰ ਹੁਣ ਜਦੋਂ ਚੀਨ ਡੋਕਲਾਮ, ਦੇਪਸਾਂਗ ਵਿੱਚ ਬੈਠਾ ਹੈ ਅਤੇ ਭਾਰਤ ਦੇ ਪ੍ਰਧਾਨ ਮੰਤਰੀ ਹੱਥ ਜੋੜ ਕੇ ਬੈਠੇ ਹਨ। ਸਾਡੇ ਬਿਹਾਰ ਦੇ ਲੋਕਾਂ ‘ਤੇ ਹਮਲਾ ਹੋਇਆ ਪਰ ਪੀਐਮ ਮੋਦੀ ਚੁੱਪ ਰਹੇ। ਇਸ ਦੇ ਨਾਲ ਹੀ ਓਵੈਸੀ ਨੇ 24 ਅਕਤੂਬਰ ਨੂੰ ਹੋਣ ਵਾਲੇ ਭਾਰਤ-ਪਾਕਿ ਮੈਚ ਦਾ ਵਿਰੋਧ ਕੀਤਾ।