ਚੰਡੀਗੜ੍ਹ : ਪੰਜਾਬ ਕਾਂਗਰਸ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਦੇ ਰਾਜਨੀਤਿਕ ਸਲਾਹਕਾਰ ਮੋਹੰਮਦ ਮੁਸਤਫਾ ਨੇ ਇੱਕ ਵਾਰ ਫਿਰ ਸਾਬਕਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ‘ਤੇ ਵੱਡਾ ਹਮਲਾ ਬੋਲਿਆ ਹੈ। ਉਨ੍ਹਾਂ ਨੇ ਇਲਜ਼ਾਮ ਲਗਾਇਆ ਕਿ ਜ਼ਿਲ੍ਹੇ ‘ਚ ਇੱਕ ਅਧਿਕਾਰੀ ਨੂੰ ਐਸਐਸਪੀ ਬਣਾਉਣ ਦੇ ਮਾਮਲੇ ‘ਚ ਕੈਪਟਨ ਦੇ ਕਰੀਬੀ ਮੰਤਰੀ ਨੇ 40 ਲੱਖ ਰੁਪਏ ਲਏ ਸਨ। ਮੁਸਤਫਾ ਨੇ ਕੈਪਟਨ ਨੂੰ 72 ਘੰਟਿਆਂ ਦਾ ਅਲਟੀਮੇਟਮ ਦਿੱਤਾ ਹੈ ਕਿ ਉਹ ਤੁਰੰਤ ਮੰਤਰੀ ਨੂੰ ਪੈਸੇ ਵਾਪਸ ਕਰਨ ਲਈ ਕਹਿਣ। ਉਨ੍ਹਾਂ ਨੇ ਕਿਹਾ ਕਿ ਜੇਕਰ ਅਜਿਹਾ ਨਾ ਕੀਤਾ ਗਿਆ ਤਾਂ ਉਹ ਪੰਜਾਬ ਦੇ ਗ੍ਰਹਿ ਮੰਤਰੀ ਅਤੇ ਵਿਜੀਲੈਂਸ ਵਿਭਾਗ ਨੂੰ ਇਸ ਮਾਮਲੇ ਦੀ ਸ਼ਿਕਾਇਤ ਕਰਨਗੇ।
ਮੁਸਤਫਾ ਨੇ ਕਿਹਾ ਕਿ ਇੱਕ ਐਸਐਸਪੀ ਰੋਂਦੇ ਹੋਏ ਬਾਹਰ ਆਇਆ। ਉਸਨੇ ਦੱਸਿਆ ਕਿ ਕੈਪਟਨ ਦੇ ਕਰੀਬੀ ਮੰਤਰੀ ਨੇ ਉਸਨੂੰ ਜ਼ਿਲ੍ਹੇ ‘ਚ ਐਸਐਸਪੀ ਲਗਾਉਣ ਦੇ ਮਾਮਲੇ ‘ਚ ਲੱਖਾਂ ਰੁਪਏ ਲਏ ਹਨ। ਇਹ ਪੈਸੇ ਉਸਨੇ ਸਰਕਾਰੀ ਰਿਹਾਇਸ਼ ‘ਚ ਰਿਸ਼ਤੇਦਾਰ ਦੀ ਹਾਜ਼ਰੀ ‘ਚ ਦਿੱਤੇ ਸਨ। ਇਸਤੋਂ ਬਾਅਦ ਉਹ ਇਹ ਮਾਮਲਾ ਡੀਜੀਪੀ ਦੇ ਕੋਲ ਲੈ ਕੇ ਪੁੱਜੇ ਪਰ ਕੋਈ ਕਾਰਵਾਈ ਨਹੀਂ ਹੋਈ। ਮੁਸਤਫਾ ਨੇ ਕਿਹਾ ਕਿ ਕੈਪਟਨ ਦੀ ਸਰਕਾਰ ਸਾਫ਼ – ਸੁਥਰੀ ਛਵੀ ਵਾਲੀ ਸੀ, ਜਿਸਦੇ ਬਾਰੇ ‘ਚ ਉਨ੍ਹਾਂ ਨੇ ਸੋਨੀਆ ਗਾਂਧੀ ਨੂੰ ਭੇਜੇ ਆਪਣੇ ਅਸਤੀਫੇ ‘ਚ ਵੀ ਲਿਖਿਆ ਸੀ। ਉਨ੍ਹਾਂ ਨੇ ਕਿਹਾ ਕਿ ਮੈਂ ਕੈਪਟਨ ਨੂੰ ਉਨ੍ਹਾਂ ਦਾ ਪ੍ਰਭਾਵ ਇਸਤੇਮਾਲ ਕਰਨ ਦੀ ਅਪੀਲ ਕਰਦਾ ਹਾਂ।
APPEAL TO CAS 2USE HIS INFLUENCE 2GT MONY RTRND. WILL WAIT 72 HRS WITH AFIDAVT IN HAND,ELSE WILL APROCH HM PB & STATE VGLANCE CHIEF, FOR FRTHR ACTION.
— MOHD MUSTAFA, FORMER IPS (@MohdMustafaips) November 4, 2021
