ਲੁਧਿਆਣਾ ‘ਚ ਪਿਕਅੱਪ ਗੱਡੀ (ਛੋਟਾ ਹਾਥੀ) ਨੂੰ ਲੱਗੀ ਅੱ/ਗ, ਡਰਾਈਵਰ ਨੇ ਚੱਲਦੀ ਗੱਡੀ ‘ਚੋ ਛਾਲ ਮਾਰ ਕੇ ਬਚਾਈ ਜਾਨ
ਲੁਧਿਆਣਾ, 8 ਫਰਵਰੀ: ਲੁਧਿਆਣਾ ਵਿੱਚ ਆਤਮਾ ਪਾਰਕ ਪੁਲ ਦੇ ਹੇਠਾਂ ਇੱਕ ਚੱਲਦੇ ਪਿਕਅੱਪ ਟਰੱਕ (ਛੋਟਾ ਹਾਥੀ) ਨੂੰ ਅਚਾਨਕ ਅੱਗ ਲੱਗ ਗਈ। ਟਰੱਕ ਦੇ ਇੰਜਣ ‘ਚੋਂ ਅੱਗ ਦੀਆਂ ਲਪਟਾਂ ਦੇਖ ਡਰਾਈਵਰ ਨੇ ਤੁਰੰਤ ਛਾਲ ਮਾਰ ਦਿੱਤੀ ਅਤੇ ਗੱਡੀ ‘ਚੋਂ ਬਾਹਰ ਆ ਗਿਆ। ਅੱਗ ਲੱਗਣ ਕਾਰਨ ਪਿਕਅੱਪ ਟਰੱਕ ਬੁਰੀ ਤਰ੍ਹਾਂ ਨੁਕਸਾਨਿਆ ਗਿਆ।
Plane Crash: ਐਮਰਜੈਂਸੀ ਲੈਂਡਿੰਗ ਦੌਰਾਨ ਜਹਾਜ਼ ਦੀ ਬੱਸ ਨਾਲ ਟੱਕਰ, ਹਾਦਸੇ ‘ਚ 2 ਦੀ ਮੌਤ, 6 ਜ਼ਖਮੀ
ਅੱਗ ਦੀਆਂ ਲਪਟਾਂ ਦੇਖ ਕੇ ਆਸ ਪਾਸ ਦੇ ਲੋਕ ਇਕੱਠੇ ਹੋ ਗਏ। ਲੋਕਾਂ ਨੇ ਪੁਲਿਸ ਨੂੰ ਸੂਚਨਾ ਦਿੱਤੀ। ਲੋਕਾਂ ਨੇ ਖੁਦ ਅੱਗ ਬੁਝਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਅੱਗ ਕਾਫੀ ਵਧ ਗਈ। ਗੱਡੀ ਦਾ ਡਰਾਈਵਰ ਬੱਸ ਸਟੈਂਡ ਤੋਂ ਸਾਮਾਨ ਉਤਾਰ ਕੇ ਐਕਸਿਸ ਲਾਈਨ ’ਤੇ ਆਪਣੇ ਘਰ ਨੂੰ ਪਰਤ ਰਿਹਾ ਸੀ। ਜਾਣਕਾਰੀ ਦਿੰਦਿਆਂ ਏ.ਐਸ.ਆਈ ਨੇ ਦੱਸਿਆ ਕਿ ਅੱਗ ਲੱਗਣ ਕਾਰਨ ਪਿਕਅੱਪ ਗੱਡੀ ਬੁਰੀ ਤਰ੍ਹਾਂ ਸੜ ਗਈ। ਫਿਲਹਾਲ ਡਰਾਈਵਰ ਸੁਰੱਖਿਅਤ ਹੈ। ਫਾਇਰ ਬ੍ਰਿਗੇਡ ਨੂੰ ਸੂਚਨਾ ਦਿੱਤੀ ਗਈ ਪਰ ਅੱਧੇ ਘੰਟੇ ਬਾਅਦ ਫਾਇਰ ਬ੍ਰਿਗੇਡ ਪਹੁੰਚੀ। ਅੱਗ ਬੁਝਾਉਣ ਲਈ ਪੁਲਿਸ ਮੁਲਾਜ਼ਮਾਂ ਨੇ ਖੁਦ ਲੋਕਾਂ ਦੇ ਘਰਾਂ ‘ਚੋਂ ਪਾਣੀ ਦੀਆਂ ਪਾਈਪਾਂ ਲੈ ਕੇ ਅੱਗ ‘ਤੇ ਕਾਬੂ ਪਾਇਆ।
