ਅੰਮ੍ਰਿਤਸਰ- ਪ੍ਰਵਾਸੀ ਭਾਰਤੀ ਮਾਮਲਆਿਂ ਦੇ ਮੰਤਰੀ ਕੁਲਦੀਪ ਸਿੰਘ ਧਾਲੀਵਾਲ ਵਲੋਂ ਹਲਕਾ ਰਾਜਾਸਾਂਸੀ ਦੇ ਪਿੰਡ ਅਦਲੀਵਾਲ/ ਮੁਗਲਾਨੀਕੋਟ ਵਿਖੇ ਉਨ੍ਹਾਂ 5 ਗੁੱਜਰ ਪੀੜਤ ਪਰਿਵਾਰਾਂ ਨੂੰ ਰੈੱਡ ਕਰਾਸ ਫੰਡ ‘ਚੋਂ 5 ਲੱਖ ਰੁਪਏ ਰਾਸ਼ੀ ਦੇ ਚੈੱਕ ਭੇਂਟ ਕੀਤੇ ਗਏ , ਜਿੰਨ੍ਹਾਂ ਦੇ ਪਸ਼ੂ ਅਤੇ ਡੇਰੇ ਬੀਤੇ ਦਿਨੀ ਅੱਗ ਲੱਗਣ ਕਾਰਨ ਸੜ ਕੇ ਸੁਆਹ ਹੋ ਗਏ ਸਨ।
ਤਰਨ ਤਾਰਨ ਦੇ ਸਮੂਹ ਵਿੱਦਿਅਕ ਅਦਾਰੇ 11 ਮਈ ਤੱਕ ਰਹਿਣਗੇ ਬੰਦ
ਉਨ੍ਹਾਂ ਨੇ ਪੀੜਤ 5 ਗੁੱਜਰ ਪਰਿਵਾਰਾਂ ਨੂੰ ਪ੍ਰਤੀ ਪਰਿਵਾਰ 1-1 ਲੱਖ ਰੁਪਏ ਦੇ ਹਮਦਰਦੀ ਨਾਲ ਚੈੱਕ ਭੇਂਟ ਕਰਦਿਆਂ ਇਹ ਭਰੋਸਾ ਵੀ ਦਿੱਤਾ ਕਿ ਉਹ ਨਿੱਜੀ ਤੌਰ ‘ਤੇ ਮੁੱਖ ਮੰਤਰੀ ਪੰਜਾਬ ਭਗਵੰਤ ਸਿੰਘ ਮਾਨ ਕੋਲ ਇਨ੍ਹਾਂ ਪੀੜਤਾਂ ਦਾ ਮਾਮਲਾ ਉਠਾ ਕੇ ਮੁੱਖ ਮੰਤਰੀ ਰਾਹਤ ਫੰਡ ‘ਚੋਂ ਯੋਗ ਵਿੱਤੀ ਸਹਾਇਤਾ ਵੀ ਦਿਵਾਉਣਗੇ।
ਉਨ੍ਹਾਂ ਨੇ ਕਿਹਾ ਕਿ ਗੁਜਰ ਭਾਈਚਾਰਾ ਵੀ ਪੰਜਾਬ ਦੇ ਹੋਰਨਾਂ ਭਾਈਚਾਰਿਆਂ ਵਾਂਗ ਅਮਨ ਪਸੰਦ ਭਾਈਚਾਰਾ ਹੈ ਅਤੇ ਇਨ੍ਹਾਂ ਦੇ ਜਾਨ ਮਾਲ ਦੀ ਸੁਰੱਖਆਿ ਨੂੰ ਪੰਜਾਬ ਸਰਕਾਰ ਹੋਰਨਾਂ ਵਰਗਾਂ ਦੇ ਬਰਾਬਰ ਹੀ ਸੁਰੱਖਿਆ ਦੇਣ ਲਈ ਵਚਣਬੱਧ ਹੈ। ਮੰਤਰੀ ਧਾਲੀਵਾਲ ਨੇ ਕਿਹਾ ਕਿ ਗੁੱਜਰ ਭਾਈਚਾਰੇ ਦੀ ਪੰਜਾਬ ਦੇ ਦੁੱਧ ਉਤਪਾਦਨ ‘ਚ ਪੰਜਾਬ ਦੇ ਕਿਸਾਨਾਂ/ਦੁੱਧ ਉਤਪਾਦਕਾਂ ਵਾਂਗ ਹੀ ਪ੍ਰਸੰਸਾਯੋਗ ਹੈ।
