ਜਲੰਧਰ ਦੇ ਰਿਹਾਇਸ਼ੀ ਇਲਾਕੇ ‘ਚ ਵੜ੍ਹਿਆ ਜੰਗਲੀ ਜਾਨਵਰ; ਮਚਿਆ ਹੜਕੰਪ, ਵਾਹਨਾਂ ਨੂੰ ਵੀ ਪਹੁੰਚਾਇਆ ਨੁਕਸਾਨ
ਜਲੰਧਰ,23 ਦਸੰਬਰ: ਜਲੰਧਰ ਦੇ ਸੰਤੋਖਪੁਰਾ ਇਲਾਕੇ ‘ਚ ਉਸ ਸਮੇ ਹਫੜਾ-ਦਫੜੀ ਦਾ ਮਾਹੌਲ ਪੈਦਾ ਹੋ ਗਿਆ ਜਦ ਇਕ ਜੰਗਲੀ ਜਾਨਵਰ (ਸਾਂਬਰ) ਰਿਹਾਇਸ਼ੀ ਖੇਤਰ ਵਿੱਚ ਦਾਖਲ ਹੋਇਆ। ਲੋਕਾਂ ਨੇ ਅਚਾਨਕ ਸਾਂਬਰ ਨੂੰ ਸੜਕ ‘ਤੇ ਭੱਜਦੇ ਦੇਖਿਆ ਤਾਂ ਉਹ ਵੀ ਆਪਣੀ ਜਾਨ ਬਚਾਉਣ ਲਈ ਇਧਰ-ਉਧਰ ਭੱਜਣ ਲੱਗੇ।
ਖੜ੍ਹੇ ਵਾਹਨਾਂ ਨੂੰ ਵੀ ਪਹੁੰਚਾਇਆ ਨੁਕਸਾਨ
ਇਸ ਦੌਰਾਨ ਸੈਂਬਰ ਨੇ ਕਈ ਵਾਹਨਾਂ ਨੂੰ ਵੀ ਟੱਕਰ ਮਾਰ ਦਿੱਤੀ। ਸਾਂਭਰ ਨੇ ਇਕ ਪਲਾਟ ਵਿੱਚ ਖੜ੍ਹੇ ਵਾਹਨਾਂ ਨੂੰ ਵੀ ਨੁਕਸਾਨ ਪਹੁੰਚਾਇਆ। ਜਿਸ ਤੋਂ ਬਾਅਦ ਲੋਕਾਂ ਨੇ ਇਸ ਸਬੰਧੀ ਜੰਗਲਾਤ ਵਿਭਾਗ ਨੂੰ ਸੂਚਿਤ ਕੀਤਾ। ਜੰਗਲਾਤ ਵਿਭਾਗ ਦੇ ਕਰਮਚਾਰੀ ਮੌਕੇ ‘ਤੇ ਪਹੁੰਚੇ ਅਤੇ ਕਾਫੀ ਮੁਸ਼ੱਕਤ ਤੋਂ ਬਾਅਦ ਸਾਂਭਰ ਨੂੰ ਫੜ ਲਿਆ। ਵਿਭਾਗ ਦੀ ਟੀਮ ਨੇ ਇਸ ਨੂੰ ਫੜ ਕੇ ਵਾਪਸ ਹੁਸ਼ਿਆਰਪੁਰ ਦੇ ਜੰਗਲ ਵਿੱਚ ਭੇਜ ਦਿੱਤਾ ਹੈ। ਇਹ ਘਟਨਾ ਐਤਵਾਰ ਦੀ ਦੱਸੀ ਜਾ ਰਹੀ ਹੈ।
ਸਾਨਵੀ ਭਾਰਗਵ ਨੇ ਚਮਕਾਇਆ ਬਰਨਾਲਾ ਦਾ ਨਾਮ, ਜਿੱਤਿਆ ਗੋਲਡ ਮੈਡਲ
ਜੰਗਲਾਤ ਵਿਭਾਗ ਅਨੁਸਾਰ ਇਹ ਦੱਖਣੀ ਏਸ਼ੀਆ ਦੇ ਜ਼ਿਆਦਾਤਰ ਹਿੱਸਿਆਂ ਵਿੱਚ ਪਾਇਆ ਜਾਂਦਾ ਹੈ। ਭਾਰਤ ਵਿੱਚ, ਸਾਂਬਰ ਹਿਮਾਲਿਆ ਦੀਆਂ ਦੱਖਣ-ਮੁਖੀ ਢਲਾਣਾਂ ਤੋਂ ਲੈ ਕੇ ਬਰਮਾ, ਥਾਈਲੈਂਡ, ਇੰਡੋਚੀਨ ਅਤੇ ਮਾਲੇ ਪ੍ਰਾਇਦੀਪ ਤੱਕ ਪਾਇਆ ਜਾਂਦਾ ਹੈ। 2008 ਤੋਂ, ਸਾਂਬਰ ਨੂੰ IUCN ਲਾਲ ਸੂਚੀ ਵਿੱਚ ਸੰਕਟਗ੍ਰਸਤ ਪ੍ਰਜਾਤੀ ਵਜੋਂ ਸੂਚੀਬੱਧ ਕੀਤਾ ਗਿਆ ਹੈ। ਅੱਜ-ਕੱਲ੍ਹ ਠੰਢ ਦੇ ਨਾਲ-ਨਾਲ ਹੋ ਰਹੀ ਬਰਫ਼ਬਾਰੀ ਕਾਰਨ ਜੰਗਲੀ ਜਾਨਵਰ ਕੋਈ ਹੋਰ ਟਿਕਾਣਾ ਲੱਭਣ ਲਈ ਬਾਹਰ ਨਿਕਲਦੇ ਹਨ, ਪਰ ਆਪਣਾ ਰਸਤਾ ਭੁੱਲ ਕੇ ਰਿਹਾਇਸ਼ੀ ਇਲਾਕਿਆਂ ਵਿੱਚ ਦਾਖ਼ਲ ਹੋ ਜਾਂਦੇ ਹਨ। ਜੰਗਲਾਤ ਵਿਭਾਗ ਅਨੁਸਾਰ ਲੋਕਾਂ ਨੂੰ ਉਸ ਦਾ ਪਿੱਛਾ ਨਹੀਂ ਕਰਨਾ ਚਾਹੀਦਾ। ਇਸ ਨਾਲ ਉਸ ਨੂੰ ਫੜਨਾ ਹੋਰ ਵੀ ਮੁਸ਼ਕਲ ਹੋ ਜਾਂਦਾ ਹੈ।
