ਨਵੀਂ ਦਿੱਲੀ : ਇਨ੍ਹੀਂ ਦਿਨੀਂ ਬੈਂਕ ਧੋਖਾਧੜੀ ਦੇ ਮਾਮਲੇ ਵੱਧਦੇ ਜਾ ਰਹੇ ਹਨ। ਇੱਕ ਫਰਾਡ ਕਾਲ ਜਾਂ ਮੈਸੇਜ ਤੁਹਾਡੇ ਅਕਾਊਂਟ ਨੂੰ ਖਾਲੀ ਕਰ ਸਕਦਾ ਹੈ। ਅਜਿਹਾ ਹੀ ਇੱਕ ਮਾਮਲਾ ਸਾਹਮਣੇ ਆਇਆ ਹੈ ਜਿਸ ਵਿੱਚ ਦੇਸ਼ ਦੇ ਲੀਡ ਬੈਂਕ ਸਟੇਟ ਆਫ਼ ਇੰਡੀਆ (State Bank of India) ਨੇ ਆਪਣੇ ਗਾਹਕਾਂ ਨੂੰ ਅਲਰਟ ਰਹਿਣ ਨੂੰ ਕਿਹਾ ਹੈ। ਜੇਕਰ ਤੁਹਾਡਾ ਵੀ ਅਕਾਊਂਟ ਦੇਸ਼ ਦੇ ਸਭ ਤੋਂ ਵੱਡੇ ਸਰਕਾਰੀ ਬੈਂਕ ਭਾਰਤੀ ਸਟੇਟ ਬੈਂਕ (State Bank of India) ਵਿੱਚ ਹੈ ਤਾਂ ਸੁਚੇਤ ਹੋ ਜਾਓ।
ਇੱਕ ਛੋਟੀ ਗਲਤੀ ਅਤੇ ਲੱਖਾਂ ਦਾ ਨੁਕਸਾਨ
ਤੁਹਾਡੀ ਇੱਕ ਛੋਟੀ ਜੀ ਗਲਤੀ ਤੁਹਾਨੂੰ ਭਾਰੀ ਨੁਕਸਾਨ ਵਿੱਚ ਪਾ ਸਕਦੀ ਹੈ। ਸਿਰਫ਼ ਸਕਿੰਟਾਂ ਵਿੱਚ ਤੁਹਾਡਾ ਬੈਂਕ ਬੈਲੇਂਸ ਜ਼ੀਰੋ ਹੋ ਸਕਦਾ ਹੈ। SBI ਨੇ ਇਸ ਤਰ੍ਹਾਂ ਦੇ ਮਾਮਲਿਆਂ ਨੂੰ ਦੇਖਦੇ ਹੋਏ ਆਪਣੇ ਗਾਹਕਾਂ ਨੂੰ ਧੋਖਾਧੜੀ ਤੋਂ ਬਚਨ ਲਈ ਕਈ ਅਹਿਮ ਸੁਝਾਅ ਦਿੱਤੇ ਹਨ। ਬੈਂਕ ਅਕਾਊਂਟ (Bank account) ਨਾਲ Unauthorized Transactions ਨੂੰ ਰੋਕਣ ਲਈ ਬੈਂਕ ਨੇ ਅਲਰਟ ਕੀਤਾ ਹੈ।
ਦੱਸ ਦਈਏ ਕਿ ਇਨ੍ਹੀਂ ਦਿਨੀਂ ਐਸਬੀਆਈ ਦੇ ਗਾਹਕਾਂ ਕੋਲ ਫਰਜ਼ੀ ਮੈਸੇਜ ਆ ਰਹੇ ਹਨ। ਇਸ ਸਬੰਧੀ ਸ਼ਿਕਾਇਤ ਇਕ ਵਿਅਕਤੀ ਨੇ ਬੈਂਕ ਨੂੰ ਟੈਗ ਕਰਦੇ ਹੋਏ ਸੋਸ਼ਲ ਮੀਡੀਆ ‘ਤੇ ਕੀਤੀ ਹੈ। ਫਰਜ਼ੀ ਮੈਸੇਜ ਨੂੰ ਗਾਹਕ ਨੇ @TheOfficialSBI ਅਤੇ @Cybercellindia ਦਾ ਟੈਗ ਕਰਕੇ ਇਸ ਬਾਰੇ ਸਟੇਟ ਬੈਂਕ ਆਫ਼ ਇੰਡੀਆ ਤੋਂ ਜਾਣਕਾਰੀ ਪ੍ਰਾਪਤ ਕਰਨ ਦੀ ਕੋਸ਼ਿਸ਼ ਕੀਤੀ।
ਇਸ ਨੰਬਰ ਤੋਂ ਰਹੋ ਸਾਵਧਾਨ
ਗਾਹਕ ਦੀ ਇਸ ਸਮਝਦਾਰੀ ਤੋਂ ਪ੍ਰਭਾਵਿਤ ਹੋ ਕੇ ਬੈਂਕ ਨੇ ਉਸ ਦੀ ਜ਼ੋਰਦਾਰ ਤਾਰੀਫ ਕੀਤੀ ਅਤੇ ਅਜਿਹੇ ਸੰਦੇਸ਼ਾਂ ਤੋਂ ਬਚਣ ਲਈ ਕਿਹਾ। ਇਹ ਸ਼ੇਅਰ ਕੀਤੀ ਸਕ੍ਰੀਨ ਸ਼ਾਟ ਤੋਂ ਪਤਾ ਲੱਗਦਾ ਹੈ ਕਿ ਇੱਕ ਬੰਦ ਖਾਤੇ ਨੂੰ ਐਕਟੀਵੇਟ ਕਰਨ ਲਈ ਇੱਕ ਜਾਅਲੀ ਸੰਦੇਸ਼ ਭੇਜਿਆ ਗਿਆ ਹੈ। ਇਸ ਸੰਦੇਸ਼ ਵਿਚ ਇਕ ਨੰਬਰ 8509007591 ਦਿੱਤਾ ਗਿਆ ਹੈ। ਜਿਸ ਵਿੱਚ ਇਹ ਕਿਹਾ ਗਿਆ ਹੈ ਕਿ ਤੁਸੀਂ ਸਪੋਰਟ ਟੀਮ ਦੇ ਨੰਬਰ ਉਤੇ ਆਪਣੀ ਜਾਣਕਾਰੀ ਸਾਂਝੀ ਕਰੋ।
ਇਸ ‘ਤੇ ਬੈਂਕ ਨੇ ਵਿਅਕਤੀ ਨੂੰ ਇਸ ਤੋਂ ਦੂਰ ਰਹਿਣ ਦੀ ਸਲਾਹ ਦਿੱਤੀ ਹੈ। ਬੈਂਕ ਨੇ ਕਿਹਾ ਕਿ ਅਜਿਹੀਆਂ ਕਿਸੇ ਵੀ ਈਮੇਲ, ਐਸਐਮਐਸ, ਕਾਲ ਜਾਂ ਏਮਬੇਡਡ ਲਿੰਕ ਨੂੰ ਨਜ਼ਰਅੰਦਾਜ਼ ਕਰੋ ਅਤੇ ਉਨ੍ਹਾਂ ਦੀਆਂ ਗੱਲਾਂ ਵਿਚ ਨਾ ਫਸੋ। ਗਾਹਕਾਂ ਨੂੰ ਸਾਈਬਰ ਠੱਗਾਂ ਤੋਂ ਹਮੇਸ਼ਾ ਸਵਧਾਨ ਰਹਿਣਾ ਚਾਹੀਦਾ ਹੈ। ਗਾਹਕਾਂ ਨੂੰ ਆਪਣੇ ਬੈਂਕ ਨਾਲ ਜੁੜੀ ਨਿੱਜੀ ਜਾਣਕਾਰੀ ਨੂੰ ਕਦੇ ਵੀ ਕਿਸੇ ਨਾਲ ਸਾਂਝਾ ਨਹੀਂ ਕਰਨਾ ਚਾਹੀਦਾ। ਬੈਂਕ ਕਦੇ ਵੀ ਫੋਨ ਉਤੇ ਅਜਿਹੀ ਨਿੱਜੀ ਜਾਣਕਾਰੀ ਨਹੀਂ ਮੰਗਦਾ।