ਮਾਧਬੀ ਬੁੱਚ ਖਿਲਾਫ ਦਰਜ ਨਹੀਂ ਹੋਵੇਗੀ FIR, ਹਾਈਕੋਰਟ ਨੇ ਲਗਾਈ ਰੋਕ
ਨਵੀ ਦਿੱਲੀ,4 ਮਾਰਚ: ਅੱਜ ਯਾਨੀ ਮੰਗਲਵਾਰ (4 ਮਾਰਚ) ਨੂੰ ਬੰਬੇ ਹਾਈ ਕੋਰਟ ਨੇ ਸੇਬੀ ਦੀ ਸਾਬਕਾ ਚੇਅਰਪਰਸਨ ਮਾਧਬੀ ਪੁਰੀ ਬੁਚ ਸਮੇਤ 6 ਅਧਿਕਾਰੀਆਂ ਖ਼ਿਲਾਫ਼ ਐਫਆਈਆਰ ਦਰਜ ਕਰਨ ਦੇ ਵਿਸ਼ੇਸ਼ ਅਦਾਲਤ ਦੇ ਹੁਕਮਾਂ ’ਤੇ ਰੋਕ ਲਾ ਦਿੱਤੀ। ਬੁੱਚ ਨੇ ਵਿਸ਼ੇਸ਼ ਅਦਾਲਤ ਦੇ ਇਸ ਹੁਕਮ ਨੂੰ ਹਾਈ ਕੋਰਟ ਵਿੱਚ ਚੁਣੌਤੀ ਦਿੱਤੀ ਸੀ, ਜਿਸ ਦੀ ਸੁਣਵਾਈ ਜਸਟਿਸ ਐਸ.ਜੀ.ਡਿਗੇ ਨੇ ਕੀਤੀ।
ਹਾਈ ਕੋਰਟ ਵਿੱਚ ਸੁਣਵਾਈ
ਹਾਈਕੋਰਟ ਨੇ ਕਿਹਾ- “ਸ਼ਿਕਾਇਤਕਰਤਾ ਨੇ ਜਵਾਬ ਦਾਇਰ ਕਰਨ ਲਈ ਸਮਾਂ ਮੰਗਿਆ ਹੈ। ਸਾਰੀਆਂ ਧਿਰਾਂ ਨੂੰ ਸੁਣਨ ਤੋਂ ਬਾਅਦ ਅਜਿਹਾ ਪ੍ਰਤੀਤ ਹੁੰਦਾ ਹੈ ਕਿ ਜੱਜ ਨੇ ਬਿਨਾਂ ਵੇਰਵਿਆਂ ਜਾਣੇ ਅਤੇ ਬਿਨੈਕਾਰਾਂ ਨੂੰ ਉਨ੍ਹਾਂ ਦੀ ਭੂਮਿਕਾ ਦੱਸੇ ਬਿਨਾਂ ਹੁਕਮ ਪਾਸ ਕਰ ਦਿੱਤਾ ਹੈ। ਇਸ ਲਈ ਹੁਕਮ ‘ਤੇ ਰੋਕ ਲਗਾਈ ਗਈ ਹੈ।” ਦੱਸ ਦਈਏ ਕਿ ਮੁੰਬਈ ਦੀ ਇੱਕ ਵਿਸ਼ੇਸ਼ ਭ੍ਰਿਸ਼ਟਾਚਾਰ ਵਿਰੋਧੀ ਅਦਾਲਤ ਨੇ ਸ਼ਨੀਵਾਰ (1 ਮਾਰਚ 2025) ਨੂੰ ਸ਼ੇਅਰ ਫਰਾਡ ਨਾਲ ਸਬੰਧਤ ਇੱਕ ਮਾਮਲੇ ਵਿੱਚ ਐਫਆਈਆਰ ਦਰਜ ਕਰਨ ਦਾ ਹੁਕਮ ਦਿੱਤਾ ਸੀ।
ਪੀਐਮ ਮੋਦੀ ਨੇ ਵੰਤਾਰਾ ਵਿੱਚ ਸ਼ੇਰ – ਚਿਤਿਆ ਨਾਲ ਬਿਤਾਇਆ ਸਮਾਂ, ਸ਼ਾਵਕਾਂ ਨੂੰ ਖੁਆਇਆ ਖਾਣਾ
