ਆਉਣ ਵਾਲਾ 1 ਅਗਸਤ ਤੁਹਾਡੇ ਜੀਵਨ ‘ਤੇ ਪ੍ਰਭਾਵ ਪਾਉਣ ਵਾਲਾ ਹੈ, ਇਸ ਦੀ ਵਜ੍ਹਾ ਇਹ ਹੈ ਕਿ 1 ਅਗਸਤ ਤੋਂ ਹੋ ਰਹੇ ਨਿਯਮਾਂ ਦੇ ਬਦਲਾਵ ਦੀ ਵਜ੍ਹਾ ਨਾਲ ਹੁਣ ਤੁਹਾਡੀ ਸੈਲਰੀ ਮਹੀਨੇ ਦੀ ਪਹਿਲੀ ਤਾਰੀਖ ਨੂੰ ਹੀ ਤੁਹਾਡੇ ਖਾਤੇ ਵਿੱਚ ਆ ਜਾਵੇਗੀ। ਇਸ ਤੋਂ ਤੁਹਾਡੀ ਈਐਮਆਈ, ਸੈਲਰੀ ਅਤੇ ਪੈਨਸ਼ਨ ਪਾਉਣ ਵਾਲੇ ਲੋਕਾਂ ਲਈ ਵੱਡਾ ਬਦਲਾਵ ਦੇਖਣ ਨੂੰ ਮਿਲੇਗਾ। ਅਜਿਹਾ ਇਸ ਲਈ ਕਿ ਕਿਸੇ ਨੂੰ ਸੈਲਰੀ ਕਦੋਂ ਮਿਲੇਗੀ, ਇਹ ਸਵਾਲ ਜੇਕਰ ਨੌਕਰੀ ਪੇਸ਼ਾ ਵਿਅਕਤੀ ਤੋਂ ਪੁੱਛਿਆ ਜਾਵੇ ਤਾਂ ਉਸ ਦਾ ਜਵਾਬ ਰਹਿੰਦਾ ਹੈ ਕਿ ਜਦੋਂ ਬੈਂਕ ਖੁੱਲਣਗੇ ਤੱਦ ਪੈਸਾ ਅਕਾਊਂਟ ‘ਚ ਕਰੈਡਿਟ ਹੋਵੇਗਾ। ਪਰ ਜਦੋਂ ਮਹੀਨੇ ਦੀ ਸ਼ੁਰੂਆਤ ਛੁੱਟੀਆਂ ਤੋਂ ਹੁੰਦੀ ਹੈ ਤਾਂ ਸੈਲਰੀ ਲਈ ਲੰਬਾ ਇੰਤਜ਼ਾਰ ਕਰਨਾ ਪੈਂਦਾ ਸੀ ਪਰ ਹੁਣ ਅਜਿਹਾ ਨਹੀਂ ਹੋਵੇਗਾ।
ਰਿਜ਼ਰਵ ਬੈਂਕ ਆਫ ਇੰਡੀਆ ਦੀ ਘੋਸ਼ਣਾ ਦੇ ਅਨੁਸਾਰ 1 ਅਗਸਤ ਤੋਂ ਸੈਲਰੀ, ਪੈਨਸ਼ਨ ਅਤੇ EMI ਦਾ ਭੁਗਤਾਨ 24×7 ਯਾਨੀ ਕਦੇ ਵੀ ਕੀਤਾ ਜਾ ਸਕਦਾ ਹੈ। ਇਸ ਸਾਲ ਜੂਨ ਵਿੱਚ RBI ਗਵਰਨਰ ਨੇ ਦੋ-ਮਹੀਨਾਵਾਰ ਮੁਦਰਾ ਨੀਤੀ ਸਮੀਖਿਆ ਦੌਰਾਨ ਕਿਹਾ ਸੀ ਕਿ ਰਾਸ਼ਟਰੀ ਆਟੋਮੈਟਿਕ ਕਲੀਅਰਿੰਗ ਹਾਊਸ (National Automated Clearing House- NACH) ਦੀ ਸਹੂਲਤ ਹੁਣ ਹਫ਼ਤੇ ਦੇ ਸਾਰੇ ਦਿਨ ਉਪਲੱਬਧ ਰਹੇਗੀ। ਦੱਸ ਦਈਏ ਕਿ ਹੁਣੇ ਇਹ ਸਹੂਲਤ ਬੈਂਕਾਂ ਦੇ ਕੰਮਕਾਜੀ ਦੇ ਦਿਨ ਹੀ ਉਪਲੱਬਧ ਹੁੰਦੀ ਹੈ।
ਜੂਨ ਵਿੱਚ ਰਿਜ਼ਰਵ ਬੈਂਕ ਆਫ ਇੰਡੀਆ ਦੇ ਗਵਰਨਰ ਸ਼ਕਤੀਕਾਂਤ ਦਾਸ ਨੇ ਦੋ-ਮਹੀਨਾਵਾਰ ਮੁਦਰਾ ਨੀਤੀ ਸਮੀਖਿਆ ਦੀ ਘੋਸ਼ਣਾ ਕਰਦੇ ਹੋਏ ਕਿਹਾ ਸੀ ਕਿ ਗਾਹਕਾਂ ਨੂੰ ਸਹੂਲਤਾਂ ਦੇ ਵਿਸਥਾਰ ਅਤੇ 24 ਘੰਟੇ ਉਪਲੱਬਧ ਰਹਿਣ ਵਾਲੀ ਰੀਅਲ-ਟਾਈਮ ਗ੍ਰਾਸ ਸੈਟਲਮੈਂਟ(ਆਰਟੀਜੀਐਸ) ਦਾ ਪੂਰਾ ਮੁਨਾਫ਼ਾ ਲੈਣ ਲਈ ਐਨਏਸੀਐਚ ਨੂੰ ਇੱਕ ਅਗਸਤ, 2021 ਤੋਂ ਹਫ਼ਤੇ ਦੇ 7 ਦਿਨ ਉਪਲੱਬਧ ਕਰਵਾਉਣ ਦਾ ਪ੍ਰਸਤਾਵ ਹੈ।