ਨਾਭਾ, 25 ਨਵੰਬਰ 2025 : ਪੰਜਾਬ ਪਬਲਿਕ ਸਕੂਲ ਨਾਭਾ (Punjab Public School Nabha) ਵਿਖੇ ਬਹੁਤ ਉਤਸ਼ਾਹ ਨਾਲ ਆਲ ਇੰਡੀਆ ਆਈ. ਪੀ. ਐਸ. ਸੀ. ਘੋੜਸਵਾਰੀ ਚੈਂਪੀਅਨਸਿ਼ਪ (Equestrian Championship) ਸ਼ੁਰੂ ਹੋਈ । ਡਾ. ਡੀ. ਸੀ. ਸ਼ਰਮਾ ਹੈੱਡਮਾਸਟਰ ਪੰਜਾਬ ਪਬਲਿਕ ਸਕੂਲ ਨੇ ਪਹਿਲੇ ਦਿਨ ਦੀ ਕਾਰਵਾਈ ਦੀ ਪ੍ਰਧਾਨਗੀ ਕੀਤੀ ।
ਵੱਕਾਰੀ ਚੈਂਪੀਅਨਸਿ਼ਪ ਵਿੱਚ ਕੁੱਲ ਸੱਤ ਟੀਮਾਂ ਲੈ ਰਹੀਆਂ ਹਨ ਹਿੱਸਾ
ਇਸ ਵੱਕਾਰੀ ਚੈਂਪੀਅਨਸਿ਼ਪ ਵਿੱਚ ਕੁੱਲ ਸੱਤ ਟੀਮਾਂ (Seven teams) ਹਿੱਸਾ ਲੈ ਰਹੀਆਂ ਹਨ । ਭਾਗ ਲੈਣ ਵਾਲੇ ਸਕੂਲਾਂ ਵਿੱਚ ਦਿੱਲੀ ਪਬਲਿਕ ਸਕੂਲ, ਨਵੀਂ ਦਿੱਲੀ; ਮਾਡਰਨ ਸਕੂਲ, ਨਵੀਂ ਦਿੱਲੀ; ਮੋਤੀਲਾਲ ਨਹਿਰੂ ਸਕੂਲ ਆਫ਼ ਸਪੋਰਟਸ, ਰਾਏ ਸੇਲਾਕੁਈ ਇੰਟਰਨੈਸ਼ਨਲ ਸਕੂਲ, ਦੇਹਰਾਦੂਨ; ਡੇਲੀ ਕਾਲਜ, ਇੰਦੌਰ; ਯਾਦਵਿੰਦਰਾ ਪਬਲਿਕ ਸਕੂਲ ਪਟਿਆਲਾ ਅਤੇ ਪੰਜਾਬ ਪਬਲਿਕ ਸਕੂਲ, ਨਾਭਾ ਸ਼ਾਮਲ ਹਨ ।
ਚੈਂਪੀਅਨਸਿ਼ਪ ਹੋਵੇਗੀ 28 ਨਵੰਬਰ ਨੂੰ ਸਮਾਪਤ
ਚਾਰ ਦਿਨਾਂ ਦੀ ਇਸ ਚੈਂਪੀਅਨਸਿ਼ਪ ਵਿੱਚ ਸ਼ੋਅ ਜੰਪਿੰਗ ਨਾਰਮਲ (Show jumping normal) (ਵਿਅਕਤੀਗਤ/ਟੀਮ), ਜਿਮਖਾਨਾ ਈਵੈਂਟਸ, ਡਰੈਸੇਜ (ਵਿਅਕਤੀਗਤ/ਟੀਮ), ਸ਼ੋਅ ਜੰਪਿੰਗ ਟੌਪਸਕੋਰ, ਟੈਂਟ ਪੈਗਿੰਗ (ਵਿਅਕਤੀਗਤ), ਕੁੜੀਆਂ ਦੇ ਹੈਕਸ, ਸ਼ੋਅ ਜੰਪਿੰਗ ਐਕਿਊਮੂਲੇਟਰ, ਸ਼ੋਅ ਜੰਪਿੰਗ ਫਾਲਟ ਐਂਡ ਆਊਟ ਅਤੇ ਸਿਕਸ ਬਾਰ ਵਰਗੇ ਮੁਕਾਬਲੇ ਸ਼ਾਮਲ ਹਨ । ਚੈਂਪੀਅਨਸਿ਼ਪ 28 ਨਵੰਬਰ 2025 ਨੂੰ ਸਮਾਪਤ ਹੋਵੇਗੀ ।
Read More : ਫਿੱਡੇ ਦਿੱਤੀ ਦੋਹਾ ਵਿਸ਼ਵ ਰੈਪਿਡ ਤੇ ਬਲਿੱਟਜ਼ ਚੈਂਪੀਅਨਸਿ਼ਪ ਲਈ `ਡਰੈੱਸ ਕੋਡ` ਵਿਚ ਢਿੱਲ
