ਚੰਡੀਗੜ੍ਹ : ਸਦਨ ‘ਚ ਅੱਜ ਸਿੱਧੂ ਅਤੇ ਬਿਕਰਮ ਸਿੰਘ ਮਜੀਠੀਆ ਦੇ ਵਿੱਚ ਤਿੱਖੀ ਬਹਿਸ ਤੋਂ ਬਾਅਦ ਸਦਨ ਦੀ ਕਾਰਵਾਈ ਨੂੰ 15 ਮਿੰਟ ਲਈ ਮੁਲਤਵੀ ਕਰ ਦਿੱਤਾ ਗਿਆ। ਇਸ ਦੌਰਾਨ ਸਿੱਧੂ ਨੇ ਪ੍ਰੈੱਸ ਕਾਨਫਰੰਸ ਕੀਤੀ ਅਤੇ ਕਿਹਾ ਕਿ ਸਦਨ ਦੀ ਕਾਰਵਾਈ ਲਾਈਵ ਹੋਣੀ ਚਾਹੀਦੀ ਹੈ। ਨਾਲ ਹੀ ਸਿੱਧੂ ਨੇ ਪੰਜਾਬ ਲਈ ਰੋਡਮੈਪ ਵੀ ਦੱਸਿਆ।
ਪੰਜਾਬ ਨੂੰ ਠੇਕੇਦਾਰੀ ਸਿਸਟਮ ਦੀ ਮਾਰ ਪਈ
ਇਸ ਦੌਰਾਨ ਪੰਜਾਬ ਦੀ ਇਨਕਮ ‘ਤੇ ਬੋਲਦੇ ਹੋਏ ਸਿੱਧੂ ਨੇ ਕਿਹਾ ਕਿ ਪੰਜਾਬ ਨੂੰ ਠੇਕੇਦਾਰੀ ਸਿਸਟਮ ਦੀ ਮਾਰ ਪਈ ਹੈ। ਸਾਨੂੰ ਇਨਕਮ ਦੇ ਸਰੋਤ ਪੈਦਾ ਕਰਨੇ ਪੈਣਗੇ। ਪੰਜਾਬ ਦੀ ਕਮਾਈ ਬਾਕੀ ਰਾਜਾਂ ਘੱਟ ਹੈ। ਅਸੀਂ ਸਿਰਫ਼ ਕਰਜਾ ਲੈ ਕੇ ਕਰਜਾ ਉਤਾਰ ਰਹੇ ਹਾਂ। ਜੇਕਰ ਅੱਜ ਇਸ ‘ਤੇ ਕੰਮ ਨਹੀਂ ਕੀਤਾ ਗਿਆ ਤਾਂ ਸੂਬਾ ਰਹਿਣ ਲਾਈਕ ਨਹੀਂ ਰਹੇਗਾ। ਅੱਜ ਜ਼ਰੂਰਤ ਹੈ ਪੰਜਾਬ ਨੂੰ ਆਰਥਿਕ ਰੂਪ ਤੋਂ ਮਜ਼ਬੂਤ ਕਰਨ ਦੀ ਲੋੜ ਹੈ। ਸਿੱਧੂ ਨੇ ਅੱਗੇ ਕਿਹਾ ਕਿ ਇੱਥੇ ਖੇਤੀਬਾੜੀ ਲਈ ਕੋਈ ਰੋਡਮੈਪ ਨਹੀਂ ਦੇ ਰਹੇ, ਰੇਤ ਮਾਈਨਿੰਗ ਅਤੇ ਕੇਬਲ ਦੇ ਬਿੱਲ ਵੀ ਇਸੇ ਤਰ੍ਹਾਂ ਪਏ ਹਨ।
ਪੰਜਾਬ 25 ਹਜ਼ਾਰ ਕਰੋੜ ਰੂਪਏ ਕਮਾ ਸਕਦਾ
ਸਿੱਧੂ ਨੇ ਅੱਗੇ ਅਕਾਲੀ ਸਰਕਾਰ ‘ਤੇ ਨਿਸ਼ਾਨਾ ਸਾਧਦੇ ਹੋਏ ਕਿਹਾ ਕਿ ਸਾਬਕਾ ਪੀਐੱਮ ਮਨਮੋਹਨ ਸਿੰਘ ਨੇ ਕਾਂਗਰਸ ਪਾਰਟੀ ਨੇ ਕਿਸ ਤਰ੍ਹਾਂ ਦੇਸ਼ ਦੀ ਆਰਥਿਕਤਾ ਮਜ਼ਬੂਤ ਬਣਾਈ? ਪੰਜਾਬ ਵੀ 25 ਹਜ਼ਾਰ ਕਰੋੜ ਰੂਪਏ ਕਮਾ ਸਕਦਾ ਹੈ। ਸਿਰਫ L – 1 ਲਾਇਸੈਂਸ ਦੇ ਨਾਲ 10 ਹਜ਼ਾਰ ਕਰੋੜ ਰੂਪਏ ਕਮਾਏ ਜਾ ਸਕਦੇ ਹਨ।
ਲਾਈਵ ਹੋਣੀ ਚਾਹੀਦੀ ਹੈ ਸਦਨ ਦੀ ਕਾਰਵਾਈ
ਸਿੱਧੂ ਨੇ ਅੱਗੇ ਕਿਹਾ ਕਿ ਅਸੀਂ ਸਦਨ ਵਿੱਚ ਸੈਸ਼ਨ ਰੱਖਿਆ ਸੀ ,ਉਸ ਵਿੱਚ ਕਿਸਾਨਾਂ ਦਾ ਮੁੱਦਾ ਚੁੱਕਣਾ ਚਾਹੀਦਾ ਹੈ। ਸਾਨੂੰ ਲੋਕ ਦੇਖ ਰਹੇ ਹਨ ਅਤੇ ਮੈਂ ਤਾਂ ਚਾਹੁੰਦਾ ਹਾਂ ਕਿ ਦ]ਸਦਨ ਦੀ ਕਾਰਵਾਈ ਲਾਈਵ ਹੋਣੀ ਚਾਹੀਦੀ ਹੈ ਤਾਂਕਿ ਪੰਜਾਬ ਦੇ ਲੋਕਾਂ ਨੂੰ ਵੀ ਪਤਾ ਲੱਗੇ।
