ਸ਼ਹਿਤੂਤ ਇੱਕ ਮਲਟੀਵਿਟਾਮਿਨਸ ਫੂਡ ਹੈ, ਜੋ ਹਾਈ ਐਂਟੀਆਕਸੀਡੇਂਟ, ਵਿਟਾਮਿਨਸ, ਪਾਣੀ ਅਤੇ ਕਈ ਖਣਿਜ ਪਦਾਰਥਾਂ ਨਾਲ ਭਰਪੂਰ ਹੁੰਦਾ ਹੈ। ਕੁਝ ਲੋਕ ਸ਼ਹਿਤੂਤ ਨਾਲ ਬਣੇ ਸਪਲੀਮੈਂਟਸ ਜਿਵੇਂ ਜਿ ਜੈਮ ਜਾਂ ਜੂਸ ਲੈਣਾ ਵੀ ਪਸੰਦ ਕਰਦੇ ਹਨ। ਪਰ ਸ਼ਹਿਤੂਤ ਦੇ ਲਾਭ ਹੀ ਨਹੀਂ ਸਗੋਂ ਕੁਝ ਨੁਕਸਾਨ ਵੀ ਹੁੰਦੇ ਹਨ।ਸ਼ਹਿਤੂਤ ਦਾ ਵਧੇਰੇ ਮਾਤਰਾ ‘ਚ ਸੇਵਨ ਕੁਝ ਹਾਨੀਕਾਰਕ ਪ੍ਰਭਾਵ ਪਾ ਸਕਦਾ ਹੈ, ਜਿਸ ਤੋਂ ਹਰ ਕਿਸੇ ਨੂੰ ਸਾਵਧਾਨ ਰਹਿਣਾ ਚਾਹੀਦਾ ਹੈ।
ਸ਼ਹਿਤੂਤ ਦਾ ਵਧੇਰੇ ਮਾਤਰਾ ‘ਚ ਸੇਵਨ ਕਰਨ ਨਾਲ ਭੁੱਖ ‘ਚ ਕਮੀ,ਸਿਰਦਰਦ, ਧੁੰਦਲਾਪਨ, ਪਸੀਨਾ, ਚੱਕਰ ਆਉਣਾ, ਕੰਬਣ ਵਰਗੇ ਲੱਛਣ ਵੀ ਸਾਹਮਣੇ ਆ ਸਕਦੇ ਹਨ ਇਸ ਲਈ ਸਾਵਧਾਨੀ ਨਾਲ ਇਸਦੀ ਵਰਤੋਂ ਕਰਨੀ ਚਾਹੀਦੀ।
ਇਸ ਦੇ ਨਾਲ ਹੀ ਸ਼ਹਿਤੂਤ ਅਪਚ, ਉਲਟੀ, ਦਸਤ ਅਤੇ ਸੋਜ਼ ਦਾ ਕਾਰਨ ਬਣ ਸਕਦੇ ਹਨ। ਡਿਸਿਲਪਿਡੇਮੀਆ ਦੇ ਇਲਾਜ ਲਈ ਸ਼ਹਿਤੂਤ ਦੀਆਂ ਪੱਤੀਆਂ ਦੀ ਗੋਲੀਆਂ ਲੈਣ ਵਾਲੇ ਮਰੀਜ਼ਾਂ ਨੂੰ ਹਲਕੇ ਦਸਤ, ਚੱਕਰ ਆਉਣਾ ਅਤੇ ਸੋਜ਼ ਦਾ ਅਨੁਭਵ ਹੁੰਦਾ। ਸ਼ਹਿਤੂਤ ਦੇ ਪੱਤਿਆਂ ‘ਚ ਲੇਟੇਕਸ ਹੁੰਦਾ ਹੈ ਜੋ ਸਕਿਨ ‘ਚ ਹਲਕੀ ਜਲਨ ਪੈਦਾ ਕਰ ਸਕਦਾ ਹੈ।
ਇਸ ਤੋਂ ਇਲਾਵਾ ਸ਼ਹਿਤੂਤ ਖਾਣ ਨਾਲ ਕਾਰਬੋਹਾਈਡ੍ਰੇਟ ਹਜ਼ਮ ਕਰਨ ‘ਚ ਮੁਸ਼ਕਿਲ ਆਉਂਦੀ ਹੈ। ਜਿਸ ਨਾਲ ਭਾਰ ਨਿਯੰਤਰਨ ਦੇ ਇਲਾਜ ‘ਚ ਮੁਸ਼ਕਿਲ ਹੋ ਸਕਦੀ ਹੈ। ਇਸ ਦੇ ਨਾਲ ਹੀ ਇਸ ਨਾਲ ਸਰੀਰ ‘ਚ ਕਾਰਬੋਹਾਈਡ੍ਰੇਟਸ ਦਾ ਪੱਧਰ ਵੀ ਵਿਗੜ ਸਕਦਾ ਹੈ, ਜਿਸ ਨਾਲ ਤੁਹਾਨੂੰ ਕਈ ਬਿਮਾਰੀਆਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਸ਼ਹਿਤੂਤ ‘ਚ ਪੋਟਾਸ਼ੀਅਮ ਵੀ ਵਧੇਰੇ ਹੁੰਦਾ ਹੈ, ਜੋ ਡੀਹਾਈਡ੍ਰੇਸ਼ਨ, ਥਕਾਣ, ਸੁੰਨ, ਛਾਤੀ ‘ਚ ਦਰਦ,ਅਨਿਯਮਤ ਦਿਲ ਦੀ ਧੜਕਣ ਵਧਣ ਵਰਗੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ।
