ਨਵੀਂ ਦਿੱਲੀ : ਸੁਪਰੀਮ ਕੋਰਟ ਨੇ ਸੋਸ਼ਲ ਮੀਡੀਆ ‘ਤੇ ਫੇਕ ਨਿਊਜ਼ ਨੂੰ ਲੈ ਕੇ ਚਿੰਤਾ ਪ੍ਰਗਟ ਕੀਤੀ ਹੈ। ਰਾਜਧਾਨੀ ਨਵੀਂ ਦਿੱਲੀ ‘ਚ ਸਥਿਤ ਨਿਜਾਮੁਦੀਨ ਮਕਰਜ ਦੀ ਘਟਨਾ ਦੇ ਸਬੰਧ ‘ਚ ਫੇਕ ਨਿਊਜ਼ ‘ਤੇ ਪ੍ਰੇਰਿਤ ਖ਼ਬਰਾਂ ਖ਼ਿਲਾਫ਼ ਜਮੀਯਤ ਉਲਮਾ-ਏ-ਹਿੰਦ ਪਟੀਸ਼ਨ ਦੀ ਸੁਣਵਾਈ ਦੌਰਾਨ ਕੋਰਟ ਨੇ ਤਿੱਖੀ ਟਿੱਪਣੀਆਂ ਕੀਤੀਆਂ। ਸੁਪਰੀਮ ਕੋਰਟ ਨੇ ਵੀਰਵਾਰ ਨੂੰ ਕਿਹਾ ਕਿ ਵੈੱਬ ਪੋਰਟਲਾਂ ਤੇ ਯੂਟਿਊਬ ਚੈਨਲਾਂ ‘ਤੇ ਫੇਕ ਨਿਊਜ਼ ‘ਤੇ ਕੋਈ ਵੀ ਕਾਬੂ ਨਹੀਂ ਤੇ ਜੇ ਅਜਿਹਾ ਹੀ ਚਲਦਾ ਰਿਹਾ ਤਾਂ ਦੇਸ਼ ਦਾ ਨਾਂ ਬਦਨਾਮ ਹੋਵੇਗਾ। ਯੂਟਿਊਬ ‘ਤੇ ਕੋਈ ਵੀ ਇਕ ਚੈਨਲ ਸ਼ੁਰੂ ਕਰ ਸਕਦਾ ਹੈ।
ਚੀਫ ਜਸਟਿਸ ਐੱਨਵੀ ਰਮੰਨਾ ਦੀ ਪ੍ਰਧਾਨਗੀ ਵਾਲੀ ਬੈਂਚ ਨੇ ਕਿਹਾ, ‘ਵੈੱਬ ਪੋਰਟਲ ਤੇ ਫੇਕ ਨਿਊਜ਼ ਨੂੰ ਲੈ ਕਿਸੇ ਦਾ ਕਾਬੂ ਨਹੀਂ ਹੈ। ਜੇ ਤੁਸੀਂ ਯੂਟਿਊਬ ‘ਤੇ ਜਾਂਦੇ ਹੋ ਤਾਂ ਤੁਸੀਂ ਪਾਓਗੇ ਕਿ ਕਿਵੇਂ ਫੇਕ ਨਿਊਜ਼ ਆਜ਼ਾਦੀ ਰੂਪ ਤੋਂ ਪ੍ਰਸਾਰਿਤ ਹੁੰਦੀ ਹੈ। ਇਸ ਤੋਂ ਇਲ਼ਾਵਾ ਯੂਟਿਊ ‘ਤੇ ਕੋਈ ਵੀ ਇਕ ਚੈਨਲ ਸ਼ੁਰੂ ਕਰ ਸਕਦਾ ਹੈ।’
ਚੀਫ ਜਸਟਿਸ ਨੇ ਸਾਲਿਸਿਟਰ ਜਨਰਲ ਤੁਸ਼ਾਰ ਮਹਿਤਾ ਨੂੰ ਕਿਹਾ, ‘ਫੇਕ ਨਿਊਜ਼ ਦੇ ਚੱਲਦਿਆਂ ਇਸ ਦੇਸ਼ ਦਾ ਨਾਂ ਖਰਾਬ ਹੋਣ ਵਾਲਾ ਹੈ। ਕੀ ਤੁਸੀਂ ਸਵੈ-ਨਿਯਾਮਕ ਤੰਤਰ ਲਈ ਕੋਸ਼ਿਸ਼ ਕੀਤੀ ਹੈ। ਮਹਿਤਾ ਨੇ ਬੈਂਚ ਦੇ ਸਾਹਮਣੇ ਪੇਸ਼ ਕੀਤਾ ਕਿ ਕੇਂਦਰ ਨਵੇਂ ਸੂਚਨਾ ਤੇ ਤਕਨੀਕੀ ਨਿਯਮ ਲੈ ਕੇ ਆਇਆ ਹੈ, ਜੋ ਉੱਚ ਅਦਾਲਤ ਵੱਲੋਂ ਚਿੰਨ੍ਹਿਤ ਚਿੰਤਾਵਾਂ ਨੂੰ ਦੂਰ ਕਰਦਾ ਹੈ।