ਕੇਂਦਰੀ ਕੈਬਨਿਟ ਨੇ ਬੈਂਕ ਬੰਦ ਹੋਣ ‘ਤੇ ਖਾਤਾ ਧਾਰਕਾਂ ਨੂੰ 90 ਦਿਨ ਦੇ ਅੰਦਰ 5 ਲੱਖ ਰੁਪਏ ਤੱਕ ਦੀ ਆਪਣੀ ਰਕਮ ਹਾਸਲ ਕਰਨ ਦੀ ਸੁਰੱਖਿਆ ਦੇਣ ਨੂੰ ਲੈ ਕੇ ਡੀਆਈਸੀਜੀਸੀ ਐਕਟ ਵਿੱਚ ਸੋਧ ਦੇ ਪ੍ਰਸਤਾਵ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਬੁੱਧਵਾਰ ਨੂੰ ਇਹ ਜਾਣਕਾਰੀ ਦਿੱਤੀ।
ਉਨ੍ਹਾਂ ਨੇ ਦੱਸਿਆ ਕਿ ਜਮ੍ਹਾਂ ਬੀਮਾ ਅਤੇ ਕਰਜ਼ਾ ਗਾਰੰਟੀ ਨਿਗਮ (ਡੀਆਈਸੀਜੀਸੀ) ਕਾਨੂੰਨ ਵਿੱਚ ਸੋਧ ਦੇ ਨਾਲ ਜਮ੍ਹਾਂ ਬੀਮਾ ਦਾ ਦਾਇਰਾ ਵੱਧ ਜਾਵੇਗਾ ਅਤੇ ਇਸ ਦੇ ਅਨੁਸਾਰ 98.3 ਫ਼ੀਸਦੀ ਬੈਂਕ ਖਾਤਾਧਾਰਕ ਪੂਰੀ ਤਰ੍ਹਾਂ ਸੁਰੱਖਿਅਤ ਹੋਣਗੇ।