ਕੋਰੋਨਾ ਕਾਰਨ ਸਰਕਾਰ ਨੇ ਲੋਕਾਂ ਨੂੰ ਜਾਗਰੂਕ ਕਾਰਨ ਲਈ ਕੋਵਿਡ ਸੰਬੰਧੀ ਕਾਲਰ ਟਿਊਨ ਸ਼ੁਰੂ ਕੀਤੀ ਤੇ ਲੋਕ ਅਕਸਰ ਕੋਰੋਨਾ ਕਾਲਰ ਟਿਊਨ ਨੂੰ ਲੈ ਕੇ ਚਿੰਤਤ ਰਹਿੰਦੇ ਹਨ। ਕਾਲਰ ਟਿਊਨ ਕਾਰਨ ਐਮਰਜੈਂਸੀ ਕਾਲਾਂ ‘ਚ ਦੇਰ ਹੁੰਦੀ ਹੈ। ਹੁਣ ਕਾਲਰ ਟਿਊਨ ਤੋਂ ਪਰੇਸ਼ਾਨ ਲੋਕਾਂ ਲਈ ਖੁਸ਼ਖਬਰੀ ਹੈ। ਕਰੀਬ ਦੋ ਸਾਲਾਂ ਬਾਅਦ ਲੋਕਾਂ ਨੂੰ ਕੋਰੋਨਾ ਕਾਲਰ ਟਿਊਨ ਤੋਂ ਛੁਟਕਾਰਾ ਮਿਲਣ ਜਾ ਰਿਹਾ ਹੈ। ਦਰਅਸਲ ਸਰਕਾਰ ਹੁਣ ਕੋਰੋਨਾ ਕਾਲਰ ਟਿਊਨ ਨੂੰ ਬੰਦ ਕਰਨ ਜਾ ਰਹੀ ਹੈ। ਜਾਣਕਾਰੀ ਅਨੁਸਾਰ ਜਲਦੀ ਹੀ ਫੋਨ ‘ਤੇ ਸੁਣਾਈ ਦੇਣ ਵਾਲੀ ਕੋਰੋਨਾ ਕਾਲਰ ਟਿਊਨ ਹੁਣ ਨਹੀਂ ਸੁਣਾਈ ਦੇਵੇਗੀ। ਹਾਲਾਂਕਿ ਇਹ ਕਿਸ ਦਿਨ ਤੋਂ ਬੰਦ ਹੋਵੇਗੀ ਇਸ ਬਾਰੇ ਅਜੇ ਸਪੱਸ਼ਟ ਨਹੀਂ ਕੀਤਾ ਗਿਆ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇਹ ਕਾਲਰ ਟਿਊਨ ਲੋਕਾਂ ਨੂੰ ਕੋਰੋਨਾ ਮਹਾਂਮਾਰੀ ਬਾਰੇ ਜਾਗਰੂਕ ਕਰਦੀ ਰਹੀ ਹੈ। ਕਰੀਬ ਦੋ ਸਾਲਾਂ ਬਾਅਦ ਸਰਕਾਰ ਇਸ ਨੂੰ ਬੰਦ ਕਰਨ ਜਾ ਰਹੀ ਹੈ।
