ਅਕਸਰ ਬਾਰਸ਼ ਦੇ ਮੌਸਮ ‘ਚ ਕੁਝ ਅਜਿਹੀਆਂ ਬਿਮਾਰੀਆਂ ਹੁੰਦੀਆਂ ਹਨ, ਜਿਹਨਾਂ ਦੇ ਆਉਣ ਦਾ ਅੰਦਾਜ਼ਾ ਕਈ ਵਾਰ ਸਾਨੂੰ ਨਹੀਂ ਰਹਿੰਦਾ ਹੁਣ ਡੇਂਗੂ ਤੇ ਚਿਕਨਗੁਨੀਆਂ ਵਰਗੀਆਂ ਸੰਕ੍ਰਾਮਕ ਬਿਮਾਰੀਆਂ ਨੂੰ ਹੀ ਲੈ ਲਓ ਇਨ੍ਹਾਂ ਵਿਚ ਚੰਗਾ-ਭਲਾ ਸਿਹਤਮੰਦ ਵਿਅਕਤੀ ਵੀ ਇਕ ਮੱਛਰ ਦੇ ਕੱਟਣ ਨਾਲ ਬਿਮਾਰ ਪੈ ਸਕਦਾ ਹੈ ਡੇਂਗੂ ਹੋਣ ‘ਮਰੀਜ਼ ਨੂੰ ਤੇਜ਼ ਬੁਖਾਰ ਹੁੰਦਾ ਹੈ। ਇਸ ਤੋਂ ਇਲਾਵਾ ਮਾਸਪੇਸ਼ੀਆਂ ਤੇ ਜੋੜਾਂ ’ਚ ਦਰਦ, ਸਿਰ ਦਰਦ, ਅੱਖਾਂ ਪਿੱਛੇ ਦਰਦ, ਉਲਟੀਆਂ ਤੇ ਘਬਰਾਹਟ ਮਹਿਸੂਸ ਹੋਣਾ ਆਦਿ ਵਰਗੇ ਲੱਛਣ ਵੀ ਦਿਖਾਈ ਦਿੰਦੇ ਹਨ। ਜੇਕਰ ਕਿਸੇ ਨੂੰ ਡੇਂਗੂ ਨੇ ਆਪਣੀ ਗ੍ਰਿਫ਼ਤ ’ਚ ਲੈ ਲਿਆ ਹੈ ਤਾਂ ਉਸ ਨੂੰ ਹੇਠਾਂ ਦਿੱਤੀਆਂ ਗਈਆਂ ਚੀਜ਼ਾਂ ਦਾ ਸੇਵਨ ਕਰਨਾ ਚਾਹੀਦਾ ਹੈ।
ਡੇਂਗੂ ਤੋਂ ਪੀੜਤ ਵਿਅਕਤੀ ਨੂੰ ਨਾਰੀਅਲ ਪਾਣੀ ਜ਼ਰੂਰ ਪੀਣਾ ਚਾਹੀਦਾ ਹੈ। ਅਸਲ ਵਿਚ ਡੇਂਗੂ ਕਾਰਨ ਡੀਹਾਈਡ੍ਰੇਸ਼ਨ ਹੁੰਦਾ ਹੈ ਅਜਿਹੇ ਵਿਚ ਮਰੀਜ਼ ਲਈ ਨਾਰੀਅਲ ਪਾਣੀ ਫਾਇਦੇਮੰਦ ਹੁੰਦਾ ਹੈ। ਇਹ ਮਿਨਰਲਜ਼ ਤੇ ਇਲੈਕਟ੍ਰੋਲਾਈਟਸ ਦਾ ਇਕ ਨੈਚੁਰਲ ਸ੍ਰੋਤ ਹੈ ਜੇ ਕੋਈ ਡੇਂਗੂ ਤੋਂ ਜਲਦ ਰਿਕਵਰੀ ਚਾਹੁੰਦਾ ਹੈ ਤੇ ਪਲੇਟਲੈਟਸ ਵਧਾਉਣਾ ਚਾਹੁੰਦਾ ਹੈ ਤਾਂ ਉਸ ਨੇ ਰਸੇਦਾਰ ਤੇ ਖੱਟੇ ਫਲ਼ਾਂ ਨੂੰ ਆਪਣੇ ਖਾਣ-ਪੀਣ ’ਚ ਸ਼ਾਮਲ ਕਰਨਾ ਚਾਹੀਦਾ ਹੈ। ਨਾਰੀਅਲ ਪਾਣੀ ਪੀਣ ਨਾਲ ਨਾ ਸਿਰਫ਼ ਚਿਹਰੇ ’ਤੇੇ ਤਾਜ਼ਗੀ ਆਉਂਦੀ ਹੈ, ਸਗੋਂ ਇਸ ਨਾਲ ਕਬਜ਼ ਦੀ ਸਮੱਸਿਆ ਤੋਂ ਵੀ ਛੁਟਕਾਰਾ ਮਿਲਦਾ ਹੈ।
ਵਿਟਾਮਿਨ-ਸੀ ਨਾਲ ਭਰਪੂਰ ਸੰਤਰਾ ਡੇਂਗੂ ਰੋਗ ’ਚ ਇਕ ਲਾਭਕਾਰੀ ਫਲ਼ ਹੈ ਇਸ ਤੋਂ ਇਲਾਵਾ ਕੀਵੀ ਤੇ ਨਿੰਬੂ ਦਾ ਵੀ ਸੇਵਨ ਕੀਤਾ ਜਾ ਸਕਦਾ ਹੈ।
ਪਪੀਤੇ ’ਚ ਕਈ ਔਸ਼ਧੀ ਗੁਣ ਪਾਏ ਜਾਂਦੇ ਹਨ ਇਸ ਦਾ ਇਸਤੇਮਾਲ ਕਈ ਤਰ੍ਹਾਂ ਦੇ ਘਰੇਲੂ ਉਪਾਅ ’ਚ ਵੀ ਕੀਤਾ ਜਾਂਦਾ ਹੈ ਕਈ ਖੋਜਾਂ ਤੋਂ ਪਤਾ ਚੱਲਿਆ ਹੈ ਕਿ ਪਪੀਤੇ ਦੇ ਬੀਜ ਏਡੀਜ਼ ਮੱਛਰ ਲਈ ਦਵਾਈ ਹਨ ਕੁਝ ਹੋਰ ਰਿਸਰਚ ਦੱਸਦੀਆਂ ਹਨ ਕਿ ਪਪੀਤਾ ਡੇਂਗੂ ਰੋਗੀਆਂ ’ਚ ਤੇਜ਼ੀ ਨਾਲ ਬਲੱਡ ਪਲੇਟਲੈਟਸ ਵਧਾਉਣ ’ਚ ਮਦਦ ਕਰਦਾ ਹੈ ਤੁਸੀਂ ਬਸ ਇੰਨਾ ਕਰਨਾ ਹੈ ਕਿ ਪਪੀਤੇ ਦੇ ਪੱਤਿਆਂ ਦਾ ਜੂਸ ਬਣਾ ਲਓ ਤੇ ਉਸ ਨੂੰ ਦਿਨ ਵਿਚ ਦੋ ਵਾਰ ਪੀਓ।
ਪਾਲਕ ਆਇਰਨ ਤੇ ਓਮੈਗਾ-3 ਫੈਟੀ ਐਸਿਡ ਦਾ ਇਕ ਵਧੀਆ ਸ੍ਰੋਤ ਹੈ ਜੋ ਇਮਿਊਨ ਸਿਸਟਮ ਨੂੰ ਕਾਫ਼ੀ ਹੱਦ ਤਕ ਸੁਧਾਰਦਾ ਹੈ ਇਸ ਤੋਂ ਇਲਾਵਾ ਇਸ ਦੇ ਸੇਵਨ ਨਾਲ ਪਲੇਟਲੈਟਸ ਕਾਉਂਟ ਵਧਾਉਣ ਚ ਵੀ ਮਦਦ ਮਿਲਦੀ ਹੈ ਇਸ ਲਈ ਡੇਂਗੂ ਦੇ ਮਰੀਜ਼ ਨੂੰ ਇਸ ਦਾ ਨਿਯਮਤ ਰੂਪ ’ਚ ਸੇਵਨ ਕਰਨਾ ਚਾਹੀਦਾ ਹੈ।
ਬ੍ਰੋਕਲੀ ਵਿਟਾਮਿਨ ਕੇ ਦਾ ਇਕ ਵਧੀਆ ਸ੍ਰੋਤ ਹੈ ਜੋ ਬਲੱਡ ਪਲੇਟਲੈਟਸ ’ਚ ਸੁਧਾਰ ਕਰਨ ’ਚ ਮਦਦ ਕਰਦਾ ਹੈ ਇਹ ਐਂਟੀਆਕਸੀਡੈਂਟ ਤੇ ਖਣਿਜਾਂ ’ਚ ਵੀ ਸ਼ੁਮਾਰ ਹੈ ਜੇਕਰ ਪਲੇਟਲੈਟਸ ਕਾਉਂਟ ’ਚ ਤੇਜ਼ੀ ਨਾਲ ਗਿਰਾਵਟ ਆ ਰਹੀ ਹੈ ਤਾਂ ਡੇਂਗੂ ਦੇ ਰੋਗੀ ਨੂੰ ਆਪਣੇ ਰੋਜ਼ਾਨਾ ਦੇ ਖਾਣੇ ’ਚ ਬ੍ਰੋਕਲੀ ਨੂੰ ਸ਼ਾਮਲ ਕਰਨਾ ਚਾਹੀਦਾ ਹੈ।
