ਭਾਰਤੀ ਜੀਵਨ ਬੀਮਾ ਨਿਗਮ (LIC) ਧੋਖਾਧੜੀ ਤੋਂ ਬਚਣ ਲਈ ਆਪਣੇ ਗਾਹਕਾਂ ਨੂੰ ਸਮੇਂ-ਸਮੇਂ ‘ਤੇ ਅਲਰਟ ਜਾਰੀ ਕਰਦਾ ਰਹਿੰਦਾ ਹੈ। LIC ਅਨੁਸਾਰ, ਗਾਹਕਾਂ ਨੂੰ ਫੋਨ ਕਾਲ ਕਰਕੇ ਉਲਝਾਇਆ ਜਾ ਰਿਹਾ ਹੈ। ਕੁਝ ਧੋਖੇਬਾਜ਼, ਗਾਹਕਾਂ ਨੂੰ LIC ਅਧਿਕਾਰੀ, ਏਜੰਟ, ਜਾਂ ਬੀਮਾ ਰੈਗੂਲੇਟਰ IRDA ਦੇ ਅਧਿਕਾਰੀ ਬਣ ਕਾਲ ਕਰ ਰਹੇ ਹਨ। ਇਸ ਕਾਲ ਵਿੱਚ, ਉਹ ਬੀਮਾ ਪਾਲਸੀ ਦੇ ਲਾਭਾਂ ਨੂੰ ਵਧਾ-ਚੜ੍ਹਾ ਕੇ ਪੇਸ਼ ਕਰਦੇ ਹਨ। ਇਸ ਤਰ੍ਹਾਂ ਉਹ ਗਾਹਕ ਨੂੰ ਮੌਜੂਦਾ ਪਾਲਿਸੀ ਲਈ ਪ੍ਰੇਰਿਤ ਕਰਦੇ ਹਨ।
ਐਲਆਈਸੀ ਨੇ ਆਪਣੇ ਗਾਹਕਾਂ ਨੂੰ ਸੁਚੇਤ ਰਹਿਣ ਲਈ ਕਿਹਾ ਹੈ। ਗਾਹਕਾਂ ਨੂੰ ਕਿਸੇ ਵੀ ਕਿਸਮ ਦੀ ਨਿੱਜੀ ਜਾਣਕਾਰੀ ਫੋਨ ‘ਤੇ ਕਿਸੇ ਨਾਲ ਸਾਂਝੀ ਨਹੀਂ ਕਰਨੀ ਚਾਹੀਦੀ। ਨਾਲ ਹੀ, ਜੇ ਕਿਸੇ ਗਾਹਕ ਨੂੰ ਗੁੰਮਰਾਹਕੁੰਨ ਕਾਲਾਂ ਆਉਂਦੀਆਂ ਹਨ, ਤਾਂ ਉਹ spuriouscalls@licindia.com ‘ਤੇ ਈਮੇਲ ਕਰ ਸ਼ਿਕਾਇਤ ਦਰਜ ਕਰਾ ਸਕਦੇ ਹਨ।
Fake ਕਾਲਾਂ ਤੋਂ ਰਹੋ ਸਾਵਧਾਨ…
ਐਲਆਈਸੀ ਨੇ ਜਾਰੀ ਅਲਰਟ ਵਿੱਚ ਸਪੱਸ਼ਟ ਤੌਰ ‘ਤੇ ਕਿਹਾ ਹੈ ਕਿ ਗਾਹਕਾਂ ਨੂੰ ਅਣ-ਪੁਸ਼ਟ ਨੰਬਰ ਤੋਂ ਫੋਨ ਕਾਲਾਂ ਅਟੈਂਡ ਨਹੀਂ ਕਰਨੀ ਚਾਹੀਦੀ। ਐਲਆਈਸੀ ਨੇ ਗਾਹਕਾਂ ਨੂੰ ਐਲਆਈਸੀ ਦੀ ਅਧਿਕਾਰਤ ਵੈੱਬਸਾਈਟ ‘ਤੇ ਆਪਣੀ ਪਾਲਿਸੀ ਰਜਿਸਟਰ ਕਰਨ ਅਤੇ ਸਾਰੀ ਜਾਣਕਾਰੀ ਉੱਥੇ ਤੋਂ ਪ੍ਰਾਪਤ ਕਰਨ ਦਾ ਸੁਝਾਅ ਦਿੱਤਾ ਹੈ। ਇਸ ਤੋਂ ਇਲਾਵਾ ਐੱਲਆਈਸੀ ਨੇ ਆਪਣੇ ਗਾਹਕਾਂ ਨੂੰ ਕਈ ਚੀਜ਼ਾਂ ਦਾ ਧਿਆਨ ਰੱਖਣ ਦੀ ਬੇਨਤੀ ਕੀਤੀ ਹੈ।
>ਕੰਪਨੀ ਨੇ ਕਿਹਾ ਕਿ ਉਨ੍ਹਾਂ ਨੂੰ ਪਾਲਿਸੀ ਸਿਰਫ ਉਸ ਏਜੰਟ ਤੋਂ ਖਰੀਦਣੀ ਚਾਹੀਦੀ ਹੈ ਜਿਸ ਕੋਲ ਆਈਆਰਡੀਏ ਦੁਆਰਾ ਜਾਰੀ ਕੀਤਾ ਲਾਇਸੈਂਸ ਹੈ ਜਾਂ ਐਲਆਈਸੀ ਦੁਆਰਾ ਜਾਰੀ ਕੀਤਾ ਗਿਆ ਆਈਡੀ ਕਾਰਡ ਹੈ।
> ਜੇ ਕਿਸੇ ਗਾਹਕ ਨੂੰ ਗੁੰਮਰਾਹਕੁੰਨ ਕਾਲਾਂ ਆਉਂਦੀਆਂ ਹਨ, ਤਾਂ ਉਹ spuriouscalls@licindia.com ਈਮੇਲ ਕਰ ਸਕਦੇ ਹਨ ਅਤੇ ਸ਼ਿਕਾਇਤ ਦਰਜ ਕਰਵਾ ਸਕਦੇ ਹਨ।
> ਗਾਹਕਾਂ ਕੋਲ ਐਲਆਈਸੀ ਦੀ ਵੈੱਬਸਾਈਟ ‘ਤੇ ਜਾਣ ਅਤੇ ਸ਼ਿਕਾਇਤ ਨਿਵਾਰਣ ਅਧਿਕਾਰੀ ਦੇ ਵੇਰਵੇ ਪ੍ਰਾਪਤ ਕਰਨ ਅਤੇ ਉਨ੍ਹਾਂ ਨਾਲ ਸੰਪਰਕ ਕਰਨ ਦਾ ਵਿਕਲਪ ਹੈ।