ਛਾਤੀ ਵਿੱਚ ਜਲਣ ਦੀ ਸਮੱਸਿਆ ਅੱਜਕਲ ਆਮ ਹੋ ਗਈ ਹੈ। ਇਸ ਵਿੱਚ ਵਿਅਕਤੀ ਛਾਤੀ ਦੇ ਮੱਧ ਵਿੱਚ ਤੇਜ਼ ਜਲਣ ਮਹਿਸੂਸ ਕਰਦਾ ਹੈ। ਇਹ ਸਮੱਸਿਆ ਕੁੱਝ ਮਿੰਟਾਂ ਤੋਂ ਕਈ ਘੰਟਿਆਂ ਤੱਕ ਰਹਿ ਸਕਦੀ ਹੈ। ਇਹ ਕਈ ਵਾਰ ਗਰਭ ਅਵਸਥਾ, ਗੈਸਟਰੋਇਸੋਫੇਗਲ ਰੀਫਲਕਸ ਬਿਮਾਰੀ ਜਾਂ ਐਂਟੀ ਇਨਫਲਾਮੇਟਰੀ ਦਵਾਈਆਂ ਲੈਣ ਦੇ ਕਾਰਨ ਹੋ ਸਕਦਾ ਹੈ।ਪਰ ਇਸ ਦੇ ਨਾਲ ਹੀ ਛਾਤੀ ਵਿੱਚ ਜਲਣ ਦੇ ਕੁੱਝ ਮਾਮਲਿਆਂ ਵਿੱਚ ਕਈ ਗੰਭੀਰ ਬਿਮਾਰੀਆਂ ਦੇ ਲੱਛਣ ਵੀ ਸਾਹਮਣੇ ਆਏ ਹਨ। ਹਾਲ ਹੀ ਵਿੱਚ ਹੋਏ ਇੱਕ ਅਧਿਐਨ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਸੀਨੇ ਵਿੱਚ ਜਲਣ ਦੀ ਸਮੱਸਿਆ ਨੂੰ ਕੈਂਸਰ ਅਤੇ ਦਿਲ ਦੇ ਦੌਰੇ ਦੇ ਵਧੇ ਹੋਏ ਜੋਖਮ ਨਾਲ ਵੀ ਜੋੜਿਆ ਜਾ ਸਕਦਾ ਹੈ।
ਇਸ ਲਈ ਛਾਤੀ ‘ਚ ਦਰਦ ਮਹਿਸੂਸ ਹੁੰਦੇ ਹੀ ਤੁਹਾਨੂੰ ਤੁਰੰਤ ਡਾਕਟਰ ਨਾਲ ਸੰਪਰਕ ਕਰਨਾ ਚਾਹੀਦਾ ਹੈ। ਕਈ ਘੰਟਿਆਂ ਤੱਕ ਛਾਤੀ ਵਿੱਚ ਲਗਾਤਾਰ ਜਲਣ ਮਹਿਸੂਸ ਕਰਨਾ, ਗੰਭੀਰ ਜਾਂ ਨਿਰੰਤਰ ਜਲਣ, ਨਿਗਲਣ ਵਿੱਚ ਮੁਸ਼ਕਲ ਜਾਂ ਦਰਦ ਮਹਿਸੂਸ ਕਰਨਾ, ਸੀਨੇ ਵਿੱਚ ਜਲਣ ਦੇ ਕਾਰਨ ਉਲਟੀਆਂ ਆਉਣੀਆਂ, ਸਰੀਰ ਦੇ ਭਾਰ ਦਾ ਅਚਾਨਕ ਘਟਨਾ, ਗੰਭੀਰ ਰੂਪ ਵਿੱਚ ਗਲੇ ਵਿੱਚ ਖਰਾਸ਼ ਜਾਂ ਘਬਰਾਹਟ ਮਹਿਸੂਸ ਕਰਨਾ ਇਹ ਕੁੱਝ ਕਾਰਨ ਹਨ ਜਿਨਾਂ ਨੂੰ ਨਜ਼ਰ ਅੰਦਾਜ਼ ਨਹੀਂ ਕਰਨਾ ਚਾਹੀਦਾ।
ਹਾਰਟ ਅਟੈਕ : ਹਾਰਟ ਅਟੈਕ ਦੇ ਮਾਮਲੇ ਵਿੱਚ ਵੀ ਕਈ ਵਾਰ ਲੋਕ ਇਸ ਨੂੰ ਸੀਨੇ ਦੀ ਜਲਣ ਸਮਝ ਕੇ ਨਜ਼ਰ-ਅੰਦਾਜ਼ ਕਰ ਦਿੰਦੇ ਹਨ। ਉਨ੍ਹਾਂ ਦੇ ਵਿੱਚ ਅੰਤਰ ਨੂੰ ਸਮਝਣ ਲਈ, ਕੁੱਝ ਲੱਛਣਾਂ ਵੱਲ ਧਿਆਨ ਦੇਣਾ ਜ਼ਰੂਰੀ ਹੈ। ਛਾਤੀ ਵਿੱਚ ਦਰਦ, ਦਿਲ ਦੀ ਧੜਕਣ ਤੇਜ਼, ਖਰਾਬ ਚਮੜੀ, ਬਦਹਜ਼ਮੀ ਅਤੇ ਮਤਲੀ ਵਰਗੇ ਲੱਛਣ ਦਿਲ ਦੇ ਦੌਰੇ ਦੀ ਚੇਤਾਵਨੀ ਦੇ ਸੰਕੇਤ ਹੋ ਸਕਦੇ ਹਨ। ਇਸ ਤੋਂ ਇਲਾਵਾ ਸੀਨੇ ਵਿੱਚ ਜਲਣ ਦੇ ਨਾਲ ਛਾਤੀ ਵਿੱਚ ਦਰਦ, ਲੇਟਣ ਵੇਲੇ ਦਰਦ ਵਧਣਾ, ਮਸਾਲੇਦਾਰ ਭੋਜਨ ਖਾਣ ਤੋਂ ਬਾਅਦ ਗਲੇ ਤੱਕ ਜਲਨ ਹੋਣਾ ਵੀ ਇਸ ਦੇ ਲੱਛਣ ਹੋ ਸਕਦੇ ਹਨ।
ਕੈਂਸਰ : ਗਲੇ ਜਾਂ ਪੇਟ ਦੀ ਆਂਤ ਵਿੱਚ ਕੈਂਸਰ ਦੇ ਕਾਰਨ ਕਈ ਵਾਰ ਸੀਨੇ ਵਿੱਚ ਜਲਣ ਨਾਲ ਸੰਬੰਧਤ ਸਮੱਸਿਆਵਾਂ ਹੋ ਸਕਦੀਆਂ ਹਨ। ਪੇਟ ਦੀ ਆਂਤ ਵਿੱਚ ਵਗਦਾ ਐਸਿਡ ਕਈ ਵਾਰ ਟਿਸ਼ੂ ਨੂੰ ਨੁਕਸਾਨ ਪਹੁੰਚਾਉਂਦਾ ਹੈ ਤੇ ਇਸ ਨਾਲ ਐਸੋਫੈਜਲ ਐਡੀਨੋਕਾਰਸੀਨੋਮਾ ਦਾ ਵਿਕਾਸ ਹੁੰਦਾ ਹੈ। ਮਸ਼ਹੂਰ ਬੈਰੀਆਟ੍ਰਿਕ ਸਰਜਨ ਲਿਨਾਸ ਵੈਂਕਲੌਸਕਾਸ ਦੇ ਅਨੁਸਾਰ, ਜੇਕਰ ਸੀਨੇ ਵਿੱਚ ਜਲਣ ਦੇ ਕਾਰਨਾਂ ਦਾ ਸਮੇਂ ਸਿਰ ਇਲਾਜ ਨਾ ਕੀਤਾ ਗਿਆ, ਤਾਂ ਇਸ ਨਾਲ ਬੈਰੇਟ ਐਸੋਫੈਗਸ ਹੋ ਜਾਂਦਾ ਹੈ ਜੋ ਕਿ ਪਾਚਨ ਪ੍ਰਣਾਲੀ ਵਿੱਚ ਹੋਣ ਵਾਲੀ ਕੈਂਸਰ ਤੋਂ ਪਹਿਲਾਂ ਦੀ ਬਿਮਾਰੀ ਹੈ।
