ਕਲਾਕਾਰ ਹਮੇਸ਼ਾ ਆਪਣੀ ਕਲਾ ਦੀ ਕੋਈ ਨਾ ਕੋਈ ਨਵੀਂ ਮਿਸਾਲ ਪੈਦਾ ਕਰਦੇ ਹਨ।ਉਹ ਆਪਣੀ ਕਲਾ ਨਾਲ ਵੱਖ- ਵੱਖ ਤਰ੍ਹਾਂ ਦੀਆਂ ਤਸਵੀਰਾਂ ਬਣਾਉਂਦੇ ਹਨ। ਕੋਈ ਰੇਤ ਨਾਲ ਕਲਾਕਾਰੀ ਕਰ ਰਿਹਾ ਹੈ ਅਤੇ ਕੋਈ ਕੁੱਝ ਵੱਖਰੇ ਢੰਗ ਨਾਲ ਖੂਬਸੂਰਤ ਚੀਜ਼ਾਂ ਨੂੰ ਬਣਾ ਰਿਹਾ ਹੈ। ਰੇਤ ਕਲਾਕਾਰ ਸੁਦਰਸ਼ਨ ਪਟਨਾਇਕ ਦੀ ਰੇਤ ਕਲਾਕ੍ਰਿਤੀ ਕਿਸੇ ਤੋਂ ਲੁੱਕੀ ਨਹੀਂ ਹੈ। ਹੁਣ ਉਨ੍ਹਾਂ ਨਾਲ ਇੱਖ ਹੋਰ ਕਲਾਕਾਰ ਦਾ ਨਾਂ ਵੀ ਜੁੜ ਗਿਆ ਹੈ।
ਨਰਾਤਿਆਂ ਮੌਕੇ ਪੁਰੀ ਦੇ ਇੱਕ ਕਲਾਕਾਰ ਨੇ 275 ਆਈਸਕ੍ਰੀਮ ਸਟਿਕ ਦੇ ਇਸਤੇਮਾਲ ਨਾਲ ਦੇਵੀ ਦੁਰਗਾ ਦੀ ਇਕ ਮੂਰਤੀ ਬਣਾਈ ਹੈ। ਓਡੀਸ਼ਾ ਦੇ ਪੁਰੀ ’ਚ ਰਹਿਣ ਵਾਲੇ ਕਲਾਕਾਰ ਬਿਸਵਾਜੀਤ ਨਾਇਕ ਨੇ ਦੱਸਿਆ ਕਿ ਇਸ ਕਲਾਕ੍ਰਿਤੀ ਨੂੰ ਪੂਰਾ ਕਰਨ ’ਚ ਉਸ ਨੂੰ 6 ਦਿਨਾਂ ਦਾ ਸਮਾਂ ਲੱਗਾ ਹੈ।
ਬਿਸਵਾਜੀਤ ਨਾਇਕ ਨੇ 275 ਆਈਸਕ੍ਰੀਮ ਸਟਿਕ ਨਾਲ ਮਾਂ ਦੁਰਗਾ ਦੇ ਚਿਹਰੇ ਦਾ ਅਕਸ ਬਣਾਇਆ ਹੈ। ਇਸ ਆਕਰਸ਼ਿਤ ਕਲਾਕ੍ਰਿਤੀ ਨੂੰ ਬਣਾਉਣ ’ਚ ਨਾਇਕ ਨੂੰ 6 ਦਿਨ ਲੱਗੇ। ਪੁਰੀ ਕੁਮੁਤੀ ਪਟਨਾ ਦੇ ਬਲਰਾਮ ਨਾਇਕ ਦੇ ਪੁੱਤਰ ਬਿਸਵਾਜੀਤ ਨਾਇਕ ਪਹਿਲਾਂ ਵੀ ਅਜਿਹੇ ਕੰਮਾਂ ਲਈ ਕਈ ਪੁਰਸਕਾਰ ਜਿੱਤ ਚੁੱਕੇ ਹਨ।
