ਅਦਰਕ ਦਾ ਸੇਵਨ ਕਰਨਾ ਚਾਹੇ ਕਿਸੇ ਨੂੰ ਪਸੰਦ ਹੋਵੇ ਜਾਂ ਨਾ ਹੋਵੇ ਪਰ ਇਸ ਦੇ ਫਾਇਦੇ ਤੁਹਾਨੂੰ ਵੀ ਹੈਰਾਨ ਕਰ ਦੇਣਗੇ। ਅਦਰਕ ‘ਚ ਬਹੁਤ ਸਾਰੇ ਪੋਸ਼ਕ ਤੱਤ ਮੌਜੂਦ ਹੁੰਦੇ ਹਨ ਜੋ ਸਰੀਰ ਲਈ ਜ਼ਰੂਰੀ ਹਨ। ਇਹੀ ਨਹੀਂ ਸਗੋਂ ਅਦਰਕ ਵਿੱਚ 2.5% ਰੇਸ਼ੇ, 81%ਪਾਣੀ, 1% ਚਰਬੀ, 13% ਕਾਰਬੋਹਾਈਡਰੈਟ ਅਤੇ 2.5% ਪ੍ਰੋਟੀਨ ਹੁੰਦਾ ਹੈ, ਅਦਰਕ ‘ਚ ਆਇਓਡੀਨ, ਆਇਰਨ, ਵਿਟਾਮਿਨ, ਕੈਲਸ਼ੀਅਮ, ਕਲੋਰੀਨ ਜਿਹੇ ਪੋਸ਼ਕ ਤੱਤ ਪਾਏ ਜਾਂਦੇ ਹਨ। ਜੇਕਰ ਤੁਹਾਨੂੰ ਵੀ ਅਦਰਕ ਖਾਣਾ ਨਹੀਂ ਹੈ ਪਸੰਦ ਤਾਂ ਚੱਲੋ ਇਸ ਦੇ ਫਾਇਦੇ ਦੇ ਬਾਰੇ ਵਿੱਚ ਤੁਹਾਨੂੰ ਵਿਸਥਾਰ ਨਾਲ ਦਸਦੇ ਹਨ।
1. ਅਦਰਕ ਦਾ ਨਿਯਮਤ ਸੇਵਨ ਕਰਨ ਨਾਲ ਚਮੜੀ ਗਲੋਇੰਗ ਹੁੰਦੀ ਹੈ। ਅਦਰਕ ਦੇ ਇੱਕ ਟੁਕੜੇ ਨੂੰ ਇੱਕ ਗਲਾਸ ਕੋਸੇ ਪਾਣੀ ਨਾਲ ਸਵੇਰੇ ਖਾਲੀ ਪੀਣ ਨਾਲ ਚਮੜੀ ਵਿੱਚ ਨਿਖਾਰ ਆਉਂਦਾ ਹੈ ਅਤੇ ਤੁਸੀ ਜਵਾਨ ਵੀ ਦਿਖਦੇ ਹੋ।
2. ਖੰਘ ਵਿੱਚ ਅਦਰਕ ਬਹੁਤ ਲਾਭਦਾਇਕ ਹੁੰਦਾ ਹੈ । ਖੰਘ ਆਉਣ ‘ਤੇ ਅਦਰਕ ਦੇ ਛੋਟੇ ਟੁਕੜੇ ਨੂੰ ਬਰਾਬਰ ਮਾਤਰਾ ਵਿੱਚ ਸ਼ਹਿਦ ਦੇ ਨਾਲ ਗਰਮ ਕਰਕੇ ਦਿਨ ਵਿੱਚ ਦੋ ਵਾਰ ਸੇਵਨ ਕਰੋ। ਇਸ ਤੋਂ ਖੰਘ ਆਉਣੀ ਬੰਦ ਹੋ ਜਾਵੇਗੀ।
3. ਜੇਕਰ ਤੁਹਾਨੂੰ ਭੁੱਖ ਨਹੀ ਲੱਗ ਰਹੀ ਹੋ ਤਾਂ ਅਦਰਕ ਦਾ ਨਿਯਮਿਤ ਤੌਰ ‘ਤੇ ਸੇਵਨ ਕਰਨ ਨਾਲ ਭੁੱਖ ਲੱਗਣੀ ਸ਼ੁਰੂ ਹੋ ਜਾਂਦੀ ਹੈ। ਇਸ ਲਈ ਅਦਰਕ ਨੂੰ ਬਰੀਕ ਕੱਟ ਲਵੋ ਅਤੇ ਇਸ ਵਿੱਚ ਥੋੜਾ ਨਮਕ ਮਿਲਾ ਕੇ ਦਿਨ ਵਿੱਚ ਇੱਕ ਵਾਰ ਖਾਓ, ਅਜਿਹਾ 8 ਦਿਨ ਤੱਕ ਕਰੋ। ਇਸ ਨਾਲ ਢਿੱਡ ਸਾਫ਼ ਹੁੰਦਾ ਹੈ ਅਤੇ ਭੁੱਖ ਵੀ ਲੱਗਦੀ ਹੈ।
4. ਅਦਰਕ ਢਿੱਡ ਅਤੇ ਕਬਜ਼ ਦੀ ਸਮੱਸਿਆ ਨੂੰ ਦੂਰ ਕਰਦਾ ਹੈ। ਇਸੀ ਲਈ ਅਜਵਾਇਨ ਅਤੇ ਨੀਂਬੂ ਦੇ ਰਸ ਦੇ ਨਾਲ ਅਦਰਕ ਵਿੱਚ ਨਮਕ ਮਿਲਾ ਕੇ ਖਾਓ। ਇਸ ਨਾਲ ਢਿੱਡ ਦਾ ਦਰਦ ਅਤੇ ਡਕਾਰ ਤੋਂ ਰਾਹਤ ਮਿਲੇਗੀ।
5. ਜੇਕਰ ਵਾਰ – ਵਾਰ ਉਲਟੀ ਨਾਲ ਪਰੇਸ਼ਾਨ ਹੋ ਤਾਂ ਅਦਰਕ ਨੂੰ ਪਿਆਜ਼ ਦੇ ਰਸ ਦੇ ਨਾਲ ਦੋ ਚੱਮਚ ਮਿਲਾਕੇ ਪੀ ਲਵੋ, ਇਸ ਨਾਲ ਬਹੁਤ ਆਰਾਮ ਮਿਲੇਗਾ।
6. ਸਰਦੀ ਅਤੇ ਜ਼ੁਖਾਮ ਵਿੱਚ ਵੀ ਅਦਰਕ ਫਾਇਦੇਮੰਦ ਸਾਬਤ ਹੋਇਆ ਹੈ। ਸਰਦੀ ਹੋਣ ‘ਤੇ ਅਦਰਕ ਦੀ ਚਾਹ ਪਿਓ ਅਤੇ ਗਰਮ ਪਾਣੀ ਦੇ ਨਾਲ ਅਦਰਕ ਦੇ ਰਸ ਨੂੰ ਸ਼ਹਿਦ ‘ਚ ਮਿਲਾਕੇ ਪੀਣ ਨਾਲ ਸਰਦੀ ਅਤੇ ਜ਼ੁਖਾਮ ਦੂਰ ਹੁੰਦਾ ਹੈ।
7 ਅਦਰਕ ਦਾ ਸੇਵਨ ਕਰਨ ਨਾਲ ਗੰਭੀਰ ਬਿਮਾਰੀਆਂ ਜਿਵੇਂ ਸਾਇਟਿਕਾ, ਗਠੀਆ, ਅਤੇ ਰੀੜ੍ਹਦੀਆਂ ਹੱਡੀਆਂ ਦੇ ਰੋਗ ਨਾਲ ਰਾਹਤ ਮਿਲਦੀ ਹੈ। ਇਸ ਦੇ ਸੇਵਨ ਨਾਲ ਔਰਤਾਂ ਦੇ ਮਾਹਵਾਰੀ ਚੱਕ ਰਵਿੱਚ ਵੀ ਲਾਭਦਾਇਕ ਮਿਲਦਾ ਹੈ।