ਗੁਜਰਾਤ : ਕੋਰੋਨਾ ਕਾਲ ਦੌਰਾਨ ਜਿੱਥੇ ਬਹੁਤ ਸਾਰੇ ਲੋਕਾਂ ਦਾ ਵਪਾਰ ਠੱਪ ਹੋ ਗਿਆ ਤੇ ਬਹੁਤ ਸਾਰੇ ਲੋਕਾਂ ਦਾ ਕੰਮ ਬੰਦ ਹੋ ਗਿਆ ਸੀ। ਉਸੇ ਸਮੇਂ ਦੌਰਾਨ ਇੱਕ ਮਹਿਲਾ ਨੇ ਆਪਣੀ ਮਿਹਨਤ ਸਦਕਾ ਬਹੁਤ ਸਾਰੀ ਕਮਾਈ ਕੀਤੀ ਤੇ ਉਹ ਹੋਰਨਾਂ ਮਹਿਲਾਵਾਂ ਲਈ ਮਿਸਲ ਬਣੀ।
ਗੁਜਰਾਤ ਦੇ ਬਨਾਸਕਾਂਠਾ ਦੀ 62 ਸਾਲਾ ਇੱਕ ਮਹਿਲਾ ਹੋਰਨਾਂ ਮਹਿਲਾਵਾਂ ਲਈ ਪ੍ਰੇਰਣਾ ਬਣ ਗਈ ਹੈ। ਇਸ ਮਹਿਲਾ ਦਾ ਨਾਂ ਹੈ ਨਵਲਬੇਨ ਦਲਸੰਗਭਾਈ ਚੌਧਰੀ। ਹਾਲ ਹੀ ਵਿਚ ਨਵਲਬੇਨ ਨੇ ਇਕ ਅਜਿਹਾ ਮੁਕਾਮ ਹਾਸਲ ਕੀਤਾ ਹੈ, ਜਿਸ ਬਾਰੇ ਕਈ ਲੋਕਾਂ ਦਾ ਮੰਨਣਾ ਹੈ ਕਿ ਇਹ ਸੰਭਵ ਨਹੀਂ ਸੀ। ਉਨ੍ਹਾਂ ਨੇ ਕੋਰੋਨਾ ਦੇ ਸਮੇਂ ਦੁੱਧ ਵੇਚ ਕੇ ਹੈਰਾਨ ਕਰ ਦੇਣ ਵਾਲੀ ਮੋਟੀ ਕਮਾਈ ਕੀਤੀ।
ਨਵਲਬੇਨ ਨੂੰ ਸ਼ੁਰੂ ਤੋਂ ਹੀ ਗਾਵਾਂ-ਮੱਝਾਂ ਪਾਲਣ ਦਾ ਸ਼ੌਂਕ ਰਿਹਾ ਹੈ। ਜਦੋਂ ਕੋਰੋਨਾ ਕਾਲ ਵਿਚ ਲੋਕਾਂ ਦੀਆਂ ਨੌਕਰੀਆਂ ਖੁੱਸ ਗਈਆਂ ਸਨ ਤਾਂ ਨਵਲਬੇਨ ਦਾ ਇਹ ਸ਼ੌਂਕ ਹੀ ਕਮਾਈ ਦਾ ਜ਼ਰੀਆ ਬਣ ਗਿਆ। ਉਨ੍ਹਾਂ ਨੇ ਕੋਰੋਨਾ ਦੇ ਸਮੇਂ ਦੁੱਧ ਵੇਚ ਕੇ ਹੈਰਾਨ ਕਰ ਦੇਣ ਵਾਲੀ ਕਮਾਈ ਕੀਤੀ। ਨਵਲਬੇਨ ਨੇ 2020 ’ਚ 1.10 ਕਰੋੜ ਰੁਪਏ ਦਾ ਦੁੱਧ ਵੇਚਿਆ।
ਪਿਛਲੇ ਸਾਲ ਨਵਲਬੇਨ ਨੇ ਆਪਣੇ ਘਰ ਦੁੱਧ ਦੀ ਡੇਅਰੀ ਸ਼ੁਰੂ ਕੀਤੀ। ਅੱਜ ਉਨ੍ਹਾਂ ਕੋਲ 80 ਮੱਝਾਂ, 45 ਗਾਵਾਂ ਹਨ। ਨਵਲਬੇਨ ਨੇ 2020 ’ਚ 1.10 ਕਰੋੜ ਰੁਪਏ ਦਾ ਦੁੱਧ ਵੇਚਿਆ। ਉਨ੍ਹਾਂ ਨੂੰ ਇਸ ਤੋਂ ਹਰ ਮਹੀਨੇ 3.50 ਲੱਖ ਰੁਪਏ ਦਾ ਮੁਨਾਫ਼ਾ ਹੋਇਆ। ਇਸ ਤੋਂ ਪਹਿਲਾਂ 2019 ਵਿਚ ਉਨ੍ਹਾਂ ਨੇ 87.95 ਲੱਖ ਰੁਪਏ ਦਾ ਦੁੱਧ ਵੇਚਿਆ ਸੀ। ਨਵਲਬੇਨ ਦਾ ਕਹਿਣਾ ਹੈ ਕਿ ਇਹ ਕੰਮ 20-25 ਗਾਵਾਂ-ਮੱਝਾਂ ਨਾਲ ਸ਼ੁਰੂ ਕੀਤਾ ਸੀ। ਨਵਲਬੇਨ ਜੋ ਹਰ ਰੋਜ਼ ਦੁੱਧ ਚੋਂਧੀ ਹੈ, ਹੁਣ ਉਸ ਦੀ ਡੇਅਰੀ ਵਿਚ 15 ਕਾਮੇ ਕਰ ਰਹੇ ਹਨ। ਉਹ ਪਿੰਡ ਦੇ ਲੋਕਾਂ ਲਈ ਦੁੱਧ ਦੀ ਜ਼ਰੂਰਤ ਨੂੰ ਪੂਰਾ ਕਰਦੀ ਹੈ।
ਨਵਲਬੇਨ ਦੇ 4 ਮੁੰਡੇ ਹਨ ਜੋ ਕਿ ਪੜ੍ਹਾਈ ਕਰ ਰਹੇ ਹਨ ਅਤੇ ਸ਼ਹਿਰਾਂ ’ਚ ਕੰਮ ਕਰਨ ਜਾਂਦੇ ਹਨ। ਉਨ੍ਹਾਂ ਅਨੁਸਾਰ ਉਸ ਦੇ ਚਾਰੋਂ ਪੁੱਤਰ ਉਸ ਨਾਲੋਂ ਬਹੁਤ ਘੱਟ ਕਮਾਉਂਦੇ ਹਨ।
