ਪੰਜਾਬ ‘ਚ ਨਹੀਂ ਰੁਕ ਰਿਹਾ ਪ੍ਰਦੂਸ਼ਣ ਦਾ ਕਹਿਰ, ਬਠਿੰਡਾ ‘ਚ AQI ਹੋਇਆ 411
ਝੋਨੇ ਦੀ ਵਾਢੀ ਦਾ ਸੀਜ਼ਨ ਹਾਲਾਂਕਿ ਆਖ਼ਰੀ ਪੜਾਅ ਵਿਚ ਹੈ ਪਰ ਅਗਲੀ ਫ਼ਸਲ ਬੀਜਣ ਦੀ ਤਿਆਰੀ ਕਰ ਰਹੇ ਕਿਸਾਨਾਂ ਦੀ ਕਾਹਲੀ ਕਾਰਨ ਪਰਾਲੀ ਸਾੜਨ ਦਾ ਸਿਲਸਿਲਾ ਲਗਾਤਾਰ ਜਾਰੀ ਹੈ। ਅੱਜ ਐਤਵਾਰ ਨੂੰ ਵੀ ਇਹ ਸਿਲਸਿਲਾ ਜਾਰੀ ਰਿਹਾ ਹੈ। ਸੂਬੇ ਵਿਚ ਪਰਾਲੀ ਸਾੜਨ ਦੇ ਕੁਲ 404 ਕੇਸ ਸਾਹਮਣੇ ਆਏ ਹਨ। ਇਸ ਤਰ੍ਹਾਂ ਹੁਣ ਤੱਕ ਮੌਜੂਦਾ ਝੋਨੇ ਦੇ ਸੀਜ਼ਨ ਵਿਚ ਪਰਾਲੀ ਸਾੜਨ ਦੇ 8,404 ਕੇਸ ਸਾਹਮਣੇ ਆ ਚੁੱਕੇ ਹਨ।
ਸੁਖਦੇਵ ਸਿੰਘ ਢੀਂਡਸਾ ਨੇ SAD ਦੀ ਮੌਜੂਦਾ ਸਥਿਤੀ ਲਈ ਸੁਖਬੀਰ ਬਾਦਲ ਨੂੰ ਠਹਿਰਾਇਆ ਜ਼ਿੰਮੇਵਾਰ
ਫਿਰ ਵੀ ਸੂਬਾ ਸਰਕਾਰ ਇਨ੍ਹਾਂ ਕੇਸਾਂ ਦੇ ਮੱਦੇਨਜ਼ਰ ਇਹ ਕਹਿ ਕੇ ਤਸੱਲੀ ਜਾਹਰ ਕਰ ਰਹੀ ਹੈ ਕਿ ਮੌਜੂਦਾ ਸੀਜ਼ਨ ਵਿਚ ਪਿਛਲੇ ਸਾਲ ਦੇ ਮੁਕਾਬਲੇ ਕਰੀਬ 75 ਫ਼ੀਸਦ ਤੱਕ ਦੀ ਕਮੀ ਆ ਚੁੱਕੀ ਹੈ। ਦੱਸ ਦਈਏ ਕਿ ਇਸ ਸਾਲ 17 ਨਵੰਬਰ ਤੱਕ ਪਰਾਲੀ ਸਾੜਨ ਦੇ 8,404 ਦੇ ਉਲਟ ਸਾਲ 2023 ਵਿਚ 17 ਨਵੰਬਰ ਤੱਕ 33,082 ਮਾਮਲੇ ਤੇ ਸਾਲ 2022 ਵਿਚ 17 ਨਵੰਬਰ ਤੱਕ 47,768 ਮਾਮਲੇ ਸਾਹਮਣੇ ਆਏ ਸਨ।
ਅੰਮ੍ਰਿਤਸਰ ਤੋਂ 15 ਕੇਸ ਪਰਾਲੀ ਸਾੜਨ ਦੇ ਸਾਹਮਣੇ
ਪਰਾਲੀ ਸਾੜਨ ਦੇ ਕੁੱਲ 404 ਮਾਮਲਿਆਂ ਵਿਚੋਂ ਸਭ ਤੋਂ ਜ਼ਿਆਦਾ 74 ਮਾਮਲੇ ਫ਼ਿਰੋਜ਼ਪੁਰ ਵਿਚ ਸਾਹਮਣੇ ਆਏ। ਇਸ ਦੇ ਨਾਲ ਹੀ ਬਠਿੰਡਾ ਵਿਚ 70 ਕੇਸ, ਮੁਕਤਸਰ ਤੋਂ 56, ਮੋਗਾ ਤੋਂ 45, ਫ਼ਰੀਦਕੋਟ ਤੋਂ 30, ਫ਼ਾਜ਼ਿਲਕਾ ਤੋਂ 29, ਤਰਨਤਾਰਨ ਤੋਂ 24, ਸੰਗਰੂਰ ਤੋਂ 17 ਅਤੇ ਅੰਮ੍ਰਿਤਸਰ ਤੋਂ 15 ਕੇਸ ਪਰਾਲੀ ਸਾੜਨ ਦੇ ਸਾਹਮਣੇ ਆਏ ਹਨ। ਪਠਾਨਕੋਟ, ਰੋਪੜ ਤੇ ਮੋਹਾਲੀ ਤੋਂ ਪਰਾਲੀ ਸਾੜਨ ਦਾ ਕੋਈ ਕੇਸ ਸਾਹਮਣੇ ਨਹੀਂ ਆਇਆ ਹੈ।
