ਚੋਣਾਂ ਤੋਂ ਪਹਿਲਾਂ ਸਮਾਜਵਾਦੀ ਪਾਰਟੀ ਦੇ ਕੌਮੀ ਪ੍ਰਧਾਨ ਅਖਿਲੇਸ਼ ਯਾਦਵ ਨੇ ਆਪਣੇ ਚੋਣ ਮਨੋਰਥ ਪੱਤਰ ਵਿੱਚ ਵੱਡੇ ਐਲਾਨ ਕੀਤੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਯੂਪੀ ਵਿੱਚ ਸਪਾ ਦੀ ਸਰਕਾਰ ਬਣਨ ’ਤੇ ਲੋਕਾਂ ਨੂੰ 300 ਯੂਨਿਟ ਤੱਕ ਬਿਜਲੀ ਮੁਫ਼ਤ ਦਿੱਤੀ ਜਾਵੇਗੀ। ਇਸ ਤੋਂ ਇਲਾਵਾ ਕਿਸਾਨਾਂ ਨੂੰ ਸਿੰਚਾਈ ਲਈ ਮੁਫ਼ਤ ਬਿਜਲੀ ਮਿਲੇਗੀ। ਅਖਿਲੇਸ਼ ਯਾਦਵ ਨੇ ਟਵੀਟ ਕੀਤਾ, ਨਵੇਂ ਸਾਲ ਦੀਆਂ ਹਾਰਦਿਕ ਵਧਾਈਆਂ ਅਤੇ ਸ਼ੁੱਭਕਾਮਨਾਵਾਂ! ਹੁਣ 2022 ‘ਚ ” ਨਿਊ ਯੂਪੀ” ‘ਚ ਨਵੀਂ ਰੋਸ਼ਨੀ ਨਾਲ ਨਵਾਂ ਸਾਲ ਹੋਵੇਗਾ, ਨਵਾਂ ਸਾਲ ਸਭ ਨੂੰ ਸ਼ਾਂਤੀ ਅਤੇ ਖੁਸ਼ਹਾਲੀ ਦੇਵੇ। ਵਰਕਰਾਂ ਵੱਲੋਂ ਗੁਲਦਸਤੇ ਭੇਂਟ ਕਰਨ ‘ਤੇ ਅਖਿਲੇਸ਼ ਨੇ ਕਿਹਾ ਕਿ ਜਿਹੜੇ ਲੋਕ ਗੁਲਦਸਤੇ ਲੈ ਕੇ ਆਏ ਹਨ, ਉਹ ਪਾਰਟੀ ਨੂੰ ਆਪਣੇ ਬੂਥਾਂ ‘ਤੇ ਜਿਤਾਉਣ ਦੀ ਜ਼ਿੰਮੇਵਾਰੀ ਲੈਣ, 2022 ਸੂਬੇ ਲਈ ਬਦਲਾਅ ਦਾ ਸਾਲ ਸਾਬਤ ਹੋਵੇਗਾ।
ਜ਼ਿਲ੍ਹਾ ਸਿੱਖਿਆ ਅਫਸਰ ਦੇ ਗਲ ‘ਚ ਕਿਉਂ ਪਾਇਆ ਜੁੱਤੀਆਂ ਦਾ ਹਾਰ ? ਖੁਦ ਚੱਲਕੇ ਆਇਆ ਮੀਡੀਆ ਕੋਲ, ਦੱਸੀ ਹਕੀਕਤ
ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਭਾਜਪਾ ਸਰਕਾਰ ‘ਤੇ ਹਮਲਾ ਕਰਦਿਆਂ ਕਿਹਾ ਕਿ ਜਦੋਂ ਭਾਜਪਾ ਮੁਕਾਬਲਾ ਨਹੀਂ ਕਰ ਸਕੀ ਤਾਂ ਸਾਲ ਦੇ ਜਾਂਦੇ- ਜਾਂਦੇ ਲੋਕਾਂ ਦੇ ਘਰਾਂ ‘ਤੇ ਆਈ.ਟੀ. ਛਾਪੇਮਾਰੀ ਸ਼ੁਰੂ ਕਰ ਦਿੱਤੀ। ਉਨ੍ਹਾਂ ਨੇ ਕਿਹਾ ਕਿ ਉਨ੍ਹਾਂ ਦੇ ਲੋਕ ਇਹ ਝੂਠ ਫੈਲਾਅ ਰਹੇ ਹਨ ਕਿ ਜਿਸ ਵਪਾਰੀ ਦੇ ਘਰ ਛਾਪਾ ਮਾਰਿਆ ਗਿਆ ਹੈ, ਉਸ ਨੇ ਸਮਾਜਵਾਦੀ ਅਤਰ ਬਣਾਇਆ ਹੈ, ਉਨ੍ਹਾਂ ਨੇ ਸਮਾਜਵਾਦੀਆਂ ਦੇ ਟਿਕਾਣੇ ‘ਤੇ ਛਾਪਾ ਮਾਰਨਾ ਸੀ, ਪਰ ਗਲਤੀ ਨਾਲ ਆਪਣੇ ਹੀ ਆਦਮੀ ਦੇ ਘਰ ਛਾਪਾ ਮਾਰ ਦਿੱਤਾ। ਅਖਿਲੇਸ਼ ਨੇ ਕਿਹਾ ਕਿ ਤੁਹਾਡੇ ਪੇਟ ‘ਚ ਦਰਦ ਕਿਉਂ ਹੈ, ਜਿਸ ਵਿਅਕਤੀ ਦੀ ਜਗ੍ਹਾ ‘ਤੇ ਪਹਿਲਾਂ ਛਾਪਾ ਮਾਰਿਆ ਗਿਆ ਉਹ ਭਾਜਪਾ ਦਾ ਬੰਦਾ ਨਿਕਲਿਆ, ਜੋ ਪੈਸਾ ਨਿਕਲਿਆ ਹੈ ਉਹ ਭਾਜਪਾ ਵਰਕਰਾਂ ਦਾ ਹੈ।
