ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਕੱਲ੍ਹ ਯਾਨੀ ਬੁੱਧਵਾਰ ਨੂੰ ਪੰਜਾਬ ਅਤੇ ਹਰਿਆਣਾ ਦਾ ਦੌਰਾ ਕਰਨਗੇ। ਇਸ ਦੌਰਾਨ ਉਹ ਦੋਵਾਂ ਰਾਜਾਂ ‘ਚ ਇੱਕ-ਇੱਕ ਹਸਪਤਾਲ ਦਾ ਉਦਘਾਟਨ ਕਰਨਗੇ। ਉਹ ਬੁੱਧਵਾਰ ਨੂੰ ਕਰੀਬ 11:00 ਵਜੇ ਹਰਿਆਣਾ ਦੇ ਫਰੀਦਾਬਾਦ ‘ਚ ਅੰਮ੍ਰਿਤਾ ਹਸਪਤਾਲ ਦਾ ਉਦਘਾਟਨ ਕਰਨਗੇ।
ਉਸ ਤੋਂ ਬਾਅਦ ਉਹ ਦੁਪਹਿਰ ਨੂੰਲਗਭਗ 2:15 ਵਜੇ ਮੁਹਾਲੀ ਵਿਖੇ ਹੋਮੀ ਬਾਬਾ ਕੈਂਸਰ ਹਸਪਤਾਲ ਅਤੇ ਖੋਜ ਕੇਂਦਰ ਰਾਸ਼ਟਰ ਨੂੰ ਸਮਰਪਿਤ ਕਰਨਗੇ। ਮੁਹਾਲੀ ਵਿਖੇ ਬਣਨ ਵਾਲਾ ਹਸਪਤਾਲ ਪੰਜਾਬ ਵਾਸੀਆਂ ਤੇ ਗੁਆਂਢੀ ਰਾਜਾਂ ਨੂੰ ਕੈਂਸਰ ਦੀਆਂ ਵਿਸ਼ਵ ਪੱਧਰੀ ਸਹੂਲਤਾਂ ਦੇਵੇਗਾ। ਪੀਐੱਮ ਦਫਤਰ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਮੁਹਾਲੀ ‘ਚ ਇਹ ਹਸਪਤਾਲ 660 ਕਰੋੜ ਰੁਪਏ ਦੀ ਲਾਗਤ ਨਾਲ ਬਣੇਗਾ। 300 ਬਿਸਤਿਰਆਂ ਵਾਲੇ ਇਸ ਹਸਪਤਾਲ ‘ਚ ਸਰਜਰੀ, ਰੇਡੀਓਥਰੈਪੀ ਅਤੇ ਕੀਮੋ ਥਰੈਪੀ ਜਿਹੇ ਹਰ ਉਪਲੱਬਧ ਇਲਾਜ ਮੁਹੱਈਆ ਕਰਵਾਏ ਜਾਣਗੇ।
