ਖਤਮ ਨਹੀਂ ਹੋਈ Paytm ਦੀ ਮੁਸ਼ਕਲ , 3 ਮਹੀਨਿਆਂ ‘ਚ 550 ਕਰੋੜ ਦੇ ਘਾਟੇ ਵਿਚ ਗਈ ਕੰਪਨੀ || Latest News
ਜਦੋਂ ਤੋਂ ਆਰਬੀਆਈ ਨੇ Paytm ਕੰਪਨੀ ਖਿਲਾਫ ਸਖਤੀ ਦਿਖਾਈ ਹੈ ਉਦੋਂ ਤੋਂ ਕੰਪਨੀ ਦੀਆਂ ਮੁਸ਼ਕਲਾਂ ਵੱਧਦੀਆਂ ਹੀ ਨਜ਼ਰ ਆ ਰਹੀਆਂ ਹਨ | RBI ਦੇ ਐਕਸ਼ਨ ਦੇ ਬਾਅਦ 3 ਮਹੀਨਿਆਂ ‘ਚ ਕੰਪਨੀ 550 ਕਰੋੜ ਦੇ ਘਾਟੇ ਵਿਚ ਚਲੀ ਗਈ ਹੈ |
ਪੇਟੀਐੱਮ ਦੇ ਬਿਜ਼ਨੈੱਸ ‘ਤੇ ਕਾਫੀ ਦਬਾਅ ਦੇਖਣ ਨੂੰ ਮਿਲਿਆ ਹੈ ਪਹਿਲਾਂ ਸ਼ੇਅਰਾਂ ਵਿਚ ਭਾਰੀ ਗਿਰਾਵਟ ਹੋਣ ਦੇ ਬਾਅਦ ਕੰਪਨੀ ਦਾ ਮਾਰਕੀਟ ਕੈਪ ਗਿਰਿਆ ਤਾਂ ਹੁਣ ਕੰਪਨੀ ਨੂੰ ਵਿਕਰੀ ਘਟਣ ਨਾਲ ਨੁਕਸਾਨ ਹੋਇਆ ਹੈ। ਇਸੇ ਦੇ ਵਿਚਾਲੇ ਇਹ ਖਬਰ ਵੀ ਸਾਹਮਣੇ ਆਈ ਹੈ ਕਿ ਇਸ ਬੁਰੇ ਹਾਲਾਤ ਨਾਲ ਨਜਿੱਠਣ ਲਈ ਕੰਪਨੀ ਕਰਮਚਾਰੀਆਂ ਦੀ ਗਿਣਤੀ ਵਿਚ ਕਟੌਤੀ ਕਰ ਸਕਦੀ ਹੈ।
Paytm ਨੇ ਬਿਆਨ ਵਿੱਚ ਕੀ ਕਿਹਾ?
RBI ਦੀ ਰੈਗੂਲੇਟਰੀ ਜਾਂਚ ਤੇ ਉਸ ਦੇ ਬਾਅਦ ਆਏ ਫੈਸਲੇ ਨਾਲ ਕੰਪਨੀ ਦੇ ਸੰਚਾਲਨ ‘ਤੇ ਕਾਫੀ ਪ੍ਰਭਾਵ ਪਿਆ ਹੈ। ਫਿਨਟੈੱਕ ਕੰਪਨੀ ਵਨ97 ਕਮਿਊਨੀਕੇਸ਼ਨਲ ਦਾ ਵਿੱਤੀ ਸਾਲ 2023-24 ਦੀ ਚੌਥੀ ਤਿਮਾਹੀ ਵਿਚ ਘਾਟਾ ਵਧ ਕੇ 550 ਕਰੋੜ ਰੁਪਏ ਹੋ ਗਿਆ। ਪਿਛਲੇ ਸਾਲ ਇਸੇ ਮਿਆਦ ਵਿਚ ਘਾਟਾ 167.5 ਕਰੋੜ ਰੁਪਏ ਸੀ। ਇਸੇ ਦੇ ਨਾਲ Paytm ਨੇ ਇੱਕ ਬਿਆਨ ਵਿੱਚ ਕਿਹਾ, “ਸਾਡੇ Q4 FY 2023-24 ਦੇ ਨਤੀਜੇ UPI ਲੈਣ-ਦੇਣ ਵਿੱਚ ਅਸਥਾਈ ਰੁਕਾਵਟ ਅਤੇ PPBL ਪਾਬੰਦੀ ਕਾਰਨ ਸਥਾਈ ਵਿਘਨ ਦੁਆਰਾ ਪ੍ਰਭਾਵਿਤ ਹੋਏ ਸਨ।
ਦੱਸ ਦਈਏ ਕਿ RBI ਨੇ 15 ਮਾਰਚ ਤੋਂ ਵਪਾਰੀਆਂ ਸਮੇ ਗਾਹਕਾਂ ਦੇ ਹਿੱਤ ਨੂੰ ਧਿਆਨ ਵਿਚ ਰੱਖਦੇ ਹੋਏ ਪੇਟੀਐੱਮ ਨੂੰ ਕਿਸੇ ਵੀ ਗਾਹਕ ਖਾਤੇ, ਵਾਲੇਟ ਤੇ ਫਾਸਟੈਗ ਵਿਚ ਜਮ੍ਹਾ, ਕ੍ਰੈਡਿਟ ਲੈਣ-ਦੇਣ ਜਾਂ ਟੌਪ-ਅੱਪ ਸਵੀਕਾਰ ਕਰਨ ਤੋਂ ਰੋਕ ਦਿੱਤਾ ਸੀ। ਕੰਪਨੀ ਨੇ ਦੱਸਿਆ ਕਿ ਤਿਮਾਹੀ ਵਿਚ ਕੰਪਨੀ ਨੇ ਪੀਪੀਬੀਐੱਲ ਵਿਚ 39 ਫੀਸਦੀ ਹਿੱਸੇਦਾਰੀ ਲਈ 227 ਕਰੋੜ ਰੁਪਏ ਦੇ ਨਿਵੇਸ਼ ਨੂੰ ਬੱਟੇ ਖਾਤੇ ਵਿਚ ਪਾ ਦਿੱਤਾ।
