ਨਿਰਮਲਾ ਸੀਤਾਰਮਨ ਖਿਲਾਫ ਦਰਜ ਨਹੀਂ ਹੋਵੇਗੀ FIR!
ਚੋਣ ਬਾਂਡ ਮਾਮਲੇ ਵਿੱਚ ਸੋਮਵਾਰ ਨੂੰ ਕਰਨਾਟਕ ਹਾਈ ਕੋਰਟ ਨੇ ਕੇਂਦਰੀ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਅਤੇ ਹੋਰਾਂ ਵਿਰੁੱਧ ਦਰਜ ਐਫਆਈਆਰ ‘ਤੇ 22 ਅਕਤੂਬਰ ਤੱਕ ਅੰਤਰਿਮ ਰੋਕ ਲਗਾਉਣ ਦਾ ਹੁਕਮ ਦਿੱਤਾ ਹੈ।
ਇਸ ਮਾਮਲੇ ‘ਚ ਕਰਨਾਟਕ ਭਾਜਪਾ ਦੇ ਤਤਕਾਲੀ ਪ੍ਰਧਾਨ ਨਲਿਨ ਕੁਮਾਰ ਕਤੀਲ ਦੇ ਖਿਲਾਫ ਦਰਜ ਐੱਫ.ਆਈ.ਆਰ ‘ਚ ਅਗਲੇਰੀ ਜਾਂਚ ‘ਤੇ ਰੋਕ ਲਗਾ ਦਿੱਤੀ ਗਈ ਹੈ। ਉਸ ‘ਤੇ ਇਲੈਕਟੋਰਲ ਬਾਂਡ ਦੀ ਆੜ ‘ਚ ਪੈਸੇ ਹੜੱਪਣ ਦਾ ਦੋਸ਼ ਹੈ। ਇਸ ਮਾਮਲੇ ਦੀ ਅਗਲੀ ਸੁਣਵਾਈ 22 ਅਕਤੂਬਰ ਨੂੰ ਹੋਵੇਗੀ।
ਐਫਆਈਆਰ ਵਿੱਚ ਕਿਸ-ਕਿਸ ਦੇ ਨਾਂ ਸ਼ਾਮਲ ਹਨ?
ਵਿਸ਼ੇਸ਼ ਅਦਾਲਤ ਦੇ ਹੁਕਮਾਂ ਦੇ ਆਧਾਰ ‘ਤੇ ਸੀਤਾਰਮਨ, ਇਨਫੋਰਸਮੈਂਟ ਡਾਇਰੈਕਟੋਰੇਟ (ਈਡੀ) ਦੇ ਅਧਿਕਾਰੀਆਂ, ਰਾਜ ਅਤੇ ਰਾਸ਼ਟਰੀ ਪੱਧਰ ‘ਤੇ ਭਾਜਪਾ ਦੇ ਕਾਰਜਕਰਤਾਵਾਂ ਵਿਰੁੱਧ ਐਫਆਈਆਰ ਦਰਜ ਕੀਤੀ ਗਈ ਸੀ। ਐਫਆਈਆਰ ਵਿੱਚ ਭਾਜਪਾ ਕਰਨਾਟਕ ਦੇ ਮੁਖੀ ਬੀਵਾਈ ਵਿਜੇੇਂਦਰ ਅਤੇ ਪਾਰਟੀ ਆਗੂ ਨਲਿਨ ਕੁਮਾਰ ਕਤੀਲ ਦਾ ਨਾਂ ਵੀ ਸ਼ਾਮਲ ਹੈ।
ਕਰਨਾਟਕ ਹਾਈ ਕੋਰਟ ਨੇ ਕਿਹਾ ਕਿ ਜਾਂਚ ਦੀ ਇਜਾਜ਼ਤ ਦੇਣਾ, ਭਾਵੇਂ ਕਿ ਪਹਿਲੀ ਨਜ਼ਰੇ, ਜਦੋਂ ਤੱਕ ਕਿ ਬਚਾਅ ਪੱਖ ਵੱਲੋਂ ਇਤਰਾਜ਼ ਦਾਇਰ ਨਹੀਂ ਕੀਤਾ ਜਾਂਦਾ, ਕਾਨੂੰਨ ਦੀ ਪ੍ਰਕਿਰਿਆ ਦੀ ਦੁਰਵਰਤੋਂ ਦੇ ਬਰਾਬਰ ਹੋਵੇਗਾ। ਇਸ ਲਈ ਮੈਂ ਅਗਲੀ ਸੁਣਵਾਈ ਤੱਕ ਮਾਮਲੇ ਦੀ ਅਗਲੀ ਜਾਂਚ ਨੂੰ ਰੋਕਣਾ ਉਚਿਤ ਸਮਝਦਾ ਹਾਂ।
