Reel ਬਣਾਉਂਦਿਆਂ ਨਹਿਰ ‘ਚ ਡਿੱਗੀ ਸਕਾਰਪੀਓ; ਦੋ ਦੋਸਤਾਂ ਦੀਆਂ ਲਾਸ਼ਾਂ ਬਰਾਮਦ, ਇਕ ਦੀ ਭਾਲ ਜਾਰੀ
ਗੁਜਰਾਤ ਦੇ ਅਹਿਮਦਾਬਾਦ ‘ਚ ਰੀਲ ਬਣਾਉਂਦੇ ਸਮੇਂ ਸਕਾਰਪੀਓ ਕਾਰ ਦੇ ਨਹਿਰ ‘ਚ ਡਿੱਗਣ ਦੀ ਘਟਨਾ ਸਾਹਮਣੇ ਆਈ ਹੈ। ਕਾਰ ਵਿੱਚ ਤਿੰਨ ਦੋਸਤ ਸਵਾਰ ਸਨ, ਜਿਨ੍ਹਾਂ ਵਿੱਚੋਂ ਦੋ ਦੀਆਂ ਲਾਸ਼ਾਂ ਮਿਲ ਗਈਆਂ ਹਨ ਅਤੇ ਤੀਜੇ ਦੀ ਭਾਲ ਜਾਰੀ ਹੈ। ਹਾਦਸਾ ਕੱਲ੍ਹ ਸ਼ਾਮ ਬੁੱਧਵਾਰ ਨੂੰ ਵਾਪਰਿਆ, ਜਿਸ ਦੀ ਸੀਸੀਟੀਵੀ ਫੁਟੇਜ ਹੁਣੇ ਸਾਹਮਣੇ ਆਈ ਹੈ। ਅਹਿਮਦਾਬਾਦ ਦੀ ਐਚ ਡਿਵੀਜ਼ਨ ਟਰੈਫਿਕ ਪੁਲੀਸ ਤੋਂ ਪ੍ਰਾਪਤ ਜਾਣਕਾਰੀ ਅਨੁਸਾਰ ਤਿੰਨ ਦੋਸਤ ਯਕਸ਼, ਯਸ਼, ਕ੍ਰਿਸ਼ ਸਕਾਰਪੀਓ ਵਿੱਚ ਫਤੇਵਾੜੀ ਨਹਿਰ ਕੋਲ ਰੀਲ ਬਣਾਉਣ ਪੁੱਜੇ ਸਨ। ਚਾਰ ਹੋਰ ਦੋਸਤ ਹਿਰਦੇ, ਧਰੁਵ, ਰਿਤਾਯੂ ਅਤੇ ਵਿਰਾਜ ਸਿੰਘ ਪਹਿਲਾਂ ਹੀ ਨਹਿਰ ‘ਤੇ ਮੌਜੂਦ ਸਨ।
ਨਹਿਰ ਵਿੱਚ ਜਾ ਡਿੱਗੀ ਸਕਾਰਪੀਓ
ਹਾਦਸੇ ਸਮੇਂ ਯਸ਼ ਸਕਾਰਪੀਓ ਚਲਾ ਰਿਹਾ ਸੀ। ਯਸ਼ ਨੇ ਜਿਵੇ ਹੀ ਯੂ-ਟਰਨ ਲਿਆ, ਇਸ ਦੌਰਾਨ ਪਤਾ ਨਹੀਂ ਕੀ ਹੋਇਆ ਕਿ ਕਾਰ ਮੁੜਨ ਦੀ ਬਜਾਏ ਸਿੱਧੀ ਨਹਿਰ ਵਿੱਚ ਜਾ ਡਿੱਗੀ। ਤਿੰਨੋਂ ਕਿਸੇ ਤਰ੍ਹਾਂ ਬਾਹਰ ਆ ਗਏ ਸਨ। ਬਾਕੀ ਦੋਸਤਾਂ ਅਤੇ ਆਸ-ਪਾਸ ਦੇ ਲੋਕਾਂ ਨੇ ਰੱਸੀ ਪਾ ਕੇ ਬਾਕੀਆਂ ਨੂੰ ਬਚਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਤਿੰਨੋਂ ਪਾਣੀ ਦੇ ਤੇਜ਼ ਵਹਾਅ ਵਿੱਚ ਵਹਿ ਗਏ।
ਬਚਾਅ ਟੀਮ ਮੌਕੇ ‘ਤੇ ਪਹੁੰਚੀ
ਸੂਚਨਾ ਮਿਲਦੇ ਹੀ ਪੁਲਸ ਅਤੇ ਫਾਇਰ ਬ੍ਰਿਗੇਡ ਦੀ ਬਚਾਅ ਟੀਮ ਮੌਕੇ ‘ਤੇ ਪਹੁੰਚ ਗਈ ਅਤੇ ਤਿੰਨਾਂ ਦੀ ਭਾਲ ਸ਼ੁਰੂ ਕਰ ਦਿੱਤੀ। ਸਰਚ ਆਪਰੇਸ਼ਨ ਲਈ ਰਾਤ ਨੂੰ ਨਹਿਰ ਦਾ ਪਾਣੀ ਬੰਦ ਕਰ ਦਿੱਤਾ ਗਿਆ। ਰਾਤ ਕਰੀਬ 2.30 ਵਜੇ ਤੱਕ ਚੱਲੇ ਇਸ ਆਪ੍ਰੇਸ਼ਨ ਦੌਰਾਨ ਵੀ ਤਿੰਨਾਂ ਦਾ ਸੁਰਾਗ ਨਹੀਂ ਲੱਗ ਸਕਿਆ। ਅੱਜ ਸਵੇਰੇ ਯਕਸ਼ ਅਤੇ ਯਸ਼ ਸੋਲੰਕੀ ਦੀਆਂ ਲਾਸ਼ਾਂ ਸ਼ਾਸਤਰੀ ਪੁਲ ਨੇੜੇ ਨਦੀ ਵਿੱਚ ਤੈਰਦੀਆਂ ਮਿਲੀਆਂ। ਕ੍ਰਿਸ਼ਨ ਦਵੇ ਅਜੇ ਲਾਪਤਾ ਹੈ, ਉਸ ਦੀ ਭਾਲ ਜਾਰੀ ਹੈ।
ਰਜਿਸਟਰਡ ਉਸਾਰੀ ਕਿਰਤੀ ਪਰਿਵਾਰਕ ਮੈਂਬਰਾਂ ਸਮੇਤ 5 ਲੱਖ ਰੁਪਏ ਤੱਕ ਦੀ ਮੁਫਤ ਮੈਡੀਕਲ ਸਹਾਇਤਾ ਲੈਣ ਦੇ ਯੋਗ
