ਮਨੋਰੰਜਨ ਜਗਤ ‘ਚ ਸੋਗ ਦਾ ਮਾਹੌਲ, ਇਸ ਮਸ਼ਹੂਰ ਰੈਪਰ ਦੀ ਹੋਈ ਮੌ/ਤ
ਨਵੀ ਦਿੱਲੀ, 13 ਫਰਵਰੀ: ਜਗਰਨਾਟ ਦੇ ਨਾਂ ਨਾਲ ਮਸ਼ਹੂਰ ਉੜੀਆ ਰੈਪਰ ਅਭਿਨਵ ਸਿੰਘ ਦਾ ਦੇਹਾਂਤ ਹੋ ਗਿਆ ਹੈ। 32 ਸਾਲਾ ਰੈਪਰ ਬੇਂਗਲੁਰੂ ਦੇ ਕਦੁਬੀਸਨਹੱਲੀ ਵਿੱਚ ਕਿਰਾਏ ਦੇ ਅਪਾਰਟਮੈਂਟ ਵਿੱਚ ਮ੍ਰਿਤਕ ਪਾਇਆ ਗਿਆ ਹੈ। ਰੈਪਰ ਦੀ ਮੌਤ ਦਾ ਮਾਮਲਾ ਮਰਾਠਾਹੱਲੀ ਥਾਣੇ ‘ਚ ਦਰਜ ਕੀਤਾ ਗਿਆ ਹੈ। ਮੁੱਢਲੀ ਜਾਂਚ ਅਨੁਸਾਰ ਉਸ ਦੀ ਮੌਤ ਦਾ ਕਾਰਨ ਖ਼ੁਦਕੁਸ਼ੀ ਦੱਸਿਆ ਜਾ ਰਿਹਾ ਹੈ।
ਡੂੰਘੇ ਸਦਮੇ ‘ਚ ਪਰਿਵਾਰ, ਦੋਸਤ ਅਤੇ ਪ੍ਰਸ਼ੰਸਕ
ਰੈਪਰ ‘ਜਗਰਨਾਟ’ ਯਾਨੀ ਅਭਿਨਵ ਸਿੰਘ ਦੇ ਦੇਹਾਂਤ ਤੋਂ ਬਾਅਦ ਉਸ ਦਾ ਪਰਿਵਾਰ, ਦੋਸਤ ਅਤੇ ਪ੍ਰਸ਼ੰਸਕ ਡੂੰਘੇ ਸਦਮੇ ‘ਚ ਹਨ। ਇਸ ਦੇ ਨਾਲ ਹੀ ਰੈਪਰ ਦੇ ਮਾਪਿਆਂ ਨੇ ਕੁਝ ਅਜਿਹੇ ਦਾਅਵੇ ਕੀਤੇ ਹਨ ਜੋ ਹੈਰਾਨ ਕਰਨ ਵਾਲੇ ਹਨ। ਉਨ੍ਹਾਂ ਨੇ ਰੈਪਰ ਦੀ ਪਤਨੀ ਅਤੇ ਕਈ ਲੋਕਾਂ ‘ਤੇ ਜਗਰਨਾਟ ਨੂੰ ਮਾਨਸਿਕ ਤੌਰ ‘ਤੇ ਪਰੇਸ਼ਾਨ ਕਰਨ ਦਾ ਦੋਸ਼ ਲਗਾਇਆ ਹੈ। ਉਨ੍ਹਾਂ ਇਸ ਮਾਮਲੇ ਦੀ ਜਾਂਚ ਦੀ ਮੰਗ ਵੀ ਕੀਤੀ ਹੈ। ਫਿਲਹਾਲ ਰੈਪਰ ਦੀ ਮੌਤ ਦਾ ਮਾਮਲਾ ਪੁਲਿਸ ਸਟੇਸ਼ਨ ‘ਚ ਦਰਜ ਕਰ ਲਿਆ ਗਿਆ ਹੈ।
ਮਣੀਪੁਰ ‘ਚ ਰਾਸ਼ਟਰਪਤੀ ਸ਼ਾਸਨ ਲਾਗੂ, ਮੁੱਖ ਮੰਤਰੀ ਬੀਰੇਨ ਸਿੰਘ ਨੇ ਪਿਛਲੇ ਹਫਤੇ ਅਹੁਦੇ ਤੋਂ ਦਿੱਤਾ ਸੀ ਅਸਤੀਫਾ