ਮਾਰੂਤੀ Baleno ਹੋਈ ਮਹਿੰਗੀ! ਖਰੀਦਣ ਤੋਂ ਪਹਿਲਾਂ ਇਥੇ ਜਾਣੋ ਨਵੀਂ ਕੀਮਤ
ਨਵੀ ਦਿੱਲੀ, 12 ਫਰਵਰੀ : ਦੇਸ਼ ਦੀ ਸਭ ਤੋਂ ਵੱਡੀ ਕਾਰ ਨਿਰਮਾਤਾ ਕੰਪਨੀ ਮਾਰੂਤੀ ਸੁਜ਼ੂਕੀ ਨੇ ਇਸ ਮਹੀਨੇ ਦੇ ਸ਼ੁਰੂ ਵਿੱਚ ਹੀ ਆਪਣੀਆਂ ਕਾਰਾਂ ਦੀਆਂ ਕੀਮਤਾਂ ਵਿੱਚ ਵਾਧਾ ਕਰ ਦਿੱਤਾ ਹੈ। ਇਸ ਸੀਰੀਜ਼ ‘ਚ ਕੰਪਨੀ ਦੀ ਬਹੁਤ ਮਸ਼ਹੂਰ ਕਾਰ ਮਾਰੂਤੀ ਸੁਜ਼ੂਕੀ ਬਲੇਨੋ ਹੈਚਬੈਕ ਦੀ ਕੀਮਤ ਵੀ ਵਧ ਗਈ ਹੈ। ਮਾਰੂਤੀ ਸੁਜ਼ੂਕੀ ਨੇ ਆਪਣੀ ਪ੍ਰੀਮੀਅਮ ਹੈਚਬੈਕ ਬਲੇਨੋ ਦੀ ਕੀਮਤ 9,000 ਰੁਪਏ ਵਧਾਉਣ ਦਾ ਐਲਾਨ ਕੀਤਾ ਹੈ। ਇਸ ਮਹੀਨੇ ਤੋਂ ਗਾਹਕਾਂ ਨੂੰ ਬਲੇਨੋ ਲਈ ਜ਼ਿਆਦਾ ਪੈਸੇ ਦੇਣੇ ਪੈਣਗੇ।
ਗਾਹਕਾਂ ਨੂੰ ਚੁਕਾਉਣੀ ਪਵੇਗੀ ਵੱਧ ਕੀਮਤ
ਦੱਸਸ ਦਈਏ ਕਿ ਮਾਰੂਤੀ ਨੇ ਜਨਵਰੀ ‘ਚ ਆਪਣੀਆਂ ਕਈ ਕਾਰਾਂ ਦੀਆਂ ਕੀਮਤਾਂ ‘ਚ ਵਾਧੇ ਦਾ ਐਲਾਨ ਕੀਤਾ ਸੀ। ਹੁਣ ਬਹੁਤ ਸਾਰੀਆਂ ਮਾਰੂਤੀ ਕਾਰਾਂ ਅਰੇਨਾ ਅਤੇ ਨੈਕਸਾ ਆਊਟਲੈਟਸ ‘ਤੇ ਉੱਚੀਆਂ ਕੀਮਤਾਂ ‘ਤੇ ਉਪਲਬਧ ਹੋਣਗੀਆਂ। ਜੋ ਲੋਕ ਬਲੇਨੋ ਖਰੀਦਣ ਦੀ ਯੋਜਨਾ ਬਣਾ ਰਹੇ ਹਨ, ਉਨ੍ਹਾਂ ਨੂੰ ਕਾਰ ਲਈ ਕਿੰਨੀ ਕੀਮਤ ਅਦਾ ਕਰਨੀ ਪਵੇਗੀ? ਆਓ ਜਾਣਦੇ ਹਾਂ–
ਬਲੇਨੋ ਦੇ Delta AGS, Zeta AGS, Alpha AGS ਵੇਰੀਐਂਟ ਹੁਣ ₹9,000 ਤੱਕ ਮਹਿੰਗੇ ਹੋ ਗਏ ਹਨ। ਹੁਣ ਬਲੇਨੋ ਦੇ ਹੋਰ ਵੇਰੀਐਂਟ ਖਰੀਦਣ ਲਈ, ਤੁਹਾਨੂੰ ₹4,000 ਹੋਰ ਅਦਾ ਕਰਨੇ ਪੈਣਗੇ। ਬਲੇਨੋ ਦੀ ਕੀਮਤ ਹੁਣ ₹6.7 ਲੱਖ (ਐਕਸ-ਸ਼ੋਰੂਮ) ਤੋਂ ਸ਼ੁਰੂ ਹੋਵੇਗੀ ਅਤੇ ਇਸ ਦਾ ਟਾਪ ਵੇਰੀਐਂਟ ਮੁੰਬਈ ਅਤੇ ਦਿੱਲੀ ਵਿੱਚ ₹9.92 ਲੱਖ (ਐਕਸ-ਸ਼ੋਰੂਮ) ਦੀ ਕੀਮਤ ‘ਤੇ ਉਪਲਬਧ ਹੋਵੇਗਾ। ਹਾਲਾਂਕਿ, ਬਲੇਨੋ ਦੀ ਕੀਮਤ ਵਿੱਚ ਵਾਧਾ ਵੇਰੀਐਂਟ ਅਤੇ ਸ਼ਹਿਰ ਦੇ ਆਧਾਰ ‘ਤੇ ਥੋੜਾ-ਬਹੁਤ ਵੱਖ-ਵੱਖ ਹੋ ਸਕਦਾ ਹੈ
ਇਹ ਵੀ ਪੜੋ: ਰਾਮ ਮੰਦਰ ਦੇ ਮੁੱਖ ਪੁਜਾਰੀ ਆਚਾਰੀਆ ਸਤੇਂਦਰ ਦਾਸ ਦਾ ਦਿ.ਹਾਂ.ਤ, ਪੀਜੀਆਈ ‘ਚ ਲਏ ਆਖਰੀ ਸਾਹ
