ਅਡਾਨੀ ‘ਤੇ ਰਿਪੋਰਟ ਪੇਸ਼ ਕਰਨ ਵਾਲੀ ਹਿੰਡਨਬਰਗ ਰਿਸਰਚ ਕੰਪਨੀ ਬੰਦ, ਕੰਪਨੀ ਦੇ ਸੰਸਥਾਪਕ ਐਂਡਰਸਨ ਨੇ ਕੀਤਾ ਐਲਾਨ
ਅਮਰੀਕੀ ਸ਼ਾਰਟ ਸੇਲਿੰਗ ਫਰਮ ਹਿੰਡਨਬਰਗ ਰਿਸਰਚ ਬੰਦ ਹੋਣ ਵਾਲੀ ਹੈ। ਕੰਪਨੀ ਦੇ ਸੰਸਥਾਪਕ ਨਾਥਨ ਐਂਡਰਸਨ ਨੇ ਬੁੱਧਵਾਰ ਦੇਰ ਰਾਤ ਇਸ ਦਾ ਐਲਾਨ ਕੀਤਾ। ਉਨ੍ਹਾਂ ਕਿਹਾ ਕਿ ਕੰਪਨੀ ਨੂੰ ਬੰਦ ਕਰਨ ਦਾ ਫੈਸਲਾ ਕਾਫੀ ਵਿਚਾਰ-ਵਟਾਂਦਰੇ ਤੋਂ ਬਾਅਦ ਲਿਆ ਗਿਆ ਹੈ। ਹਾਲਾਂਕਿ ਐਂਡਰਸਨ ਨੇ ਕੰਪਨੀ ਬੰਦ ਕਰਨ ਦਾ ਕੋਈ ਖਾਸ ਕਾਰਨ ਨਹੀਂ ਦੱਸਿਆ। ਇਸ ਫੈਸਲੇ ਨਾਲ ਕਾਰਪੋਰੇਟ ਜਗਤ ਦੇ ਲੁਕਵੇਂ ਭੇਦ ਅਤੇ ਬੇਨਿਯਮੀਆਂ ਦਾ ਪਰਦਾਫਾਸ਼ ਕਰਨ ਵਾਲੀ ਜਾਂਚ ਦਾ ਇੱਕ ਪੜਾਅ ਖਤਮ ਹੋ ਗਿਆ ਹੈ। ਹਿੰਡਨਬਰਗ ਦੇ ਸੰਸਥਾਪਕ ਨੇ ਇੱਕ ਭਾਵਨਾਤਮਕ ਐਕਸ ਪੋਸਟ ਰਾਹੀਂ ਆਪਣੀ ਯਾਤਰਾ, ਸੰਘਰਸ਼ ਅਤੇ ਸਫਲਤਾਵਾਂ ਬਾਰੇ ਗੱਲ ਕੀਤੀ।
ਕੰਪਨੀ ਦੇ ਸੰਸਥਾਪਕ ਨਾਥਨ ਐਂਡਰਸਨ ਨੇ ਸਾਂਝੀ ਕੀਤੀ ਪੋਸਟ
ਐਂਡਰਸਨ ਨੇ ਨੋਟ ‘ਚ ਲਿਖਿਆ, ”ਯੋਜਨਾ ਇਹ ਸੀ ਕਿ ਜਿਨ੍ਹਾਂ ਵਿਚਾਰਾਂ ‘ਤੇ ਅਸੀਂ ਕੰਮ ਕਰ ਰਹੇ ਸੀ, ਇਨ੍ਹਾਂ ਦੇ ਪੂਰਾ ਹੋਣ ਤੋਂ ਬਾਅਦ ਇਸ ਨੂੰ ਬੰਦ ਕਰ ਦਿੱਤਾ ਜਾਵੇ , ਉਹ ਦਿਨ ਅੱਜ ਹੈ। 2017 ਵਿੱਚ ਇਸਦੀ ਸਥਾਪਨਾ ਤੋਂ ਬਾਅਦ, ਹਿੰਡਨਬਰਗ ਖੋਜ ਨੇ ਇੰਡਸਟਰੀ ਵਿੱਚ ਧੋਖਾਧੜੀ, ਭ੍ਰਿਸ਼ਟਾਚਾਰ ਅਤੇ ਕੁਪ੍ਰਬੰਧਨ ਦਾ ਪਰਦਾਫਾਸ਼ ਕਰਨ ਲਈ ਇੱਕ ਨਾਮਣਾ ਖੱਟਿਆ ਹੈ। ਐਂਡਰਸਨ ਨੇ ਫਰਮ ਦੀਆਂ ਪ੍ਰਾਪਤੀਆਂ ਬਾਰੇ ਸ਼ੇਅਰ ਕੀਤਾ, “ਅਸੀਂ ਕੁਝ ਸਾਮਰਾਜਾਂ ਨੂੰ ਹਿਲਾ ਦਿੱਤਾ ਹੈ ਜਿਨ੍ਹਾਂ ਨੂੰ ਹਿਲਾਏ ਜਾਣ ਦੀ ਲੋੜ ਸੀ।” ਦੱਸ ਦੇਈਏ ਕਿ ਅਡਾਨੀ ਗਰੁੱਪ ਵੀ ਇਨ੍ਹਾਂ ਵਿੱਚੋਂ ਇੱਕ ਸੀ।
