ਕਾਰਗਿਲ ‘ਚ ਸ਼ਹੀਦ ਹੋਏ ਹਿਮਾਚਲ ਪ੍ਰਦੇਸ਼ ਦੇ ਕਾਂਗੜਾ ਜ਼ਿਲ੍ਹੇ ਦੇ ਅਗਨੀਵੀਰ ਨਵੀਨ ਕੁਮਾਰ (25) ਦੀ ਮ੍ਰਿਤਕ ਦੇਹ ਅੱਜ ਦੁਪਹਿਰ ਤੱਕ ਉਨ੍ਹਾਂ ਦੇ ਜੱਦੀ ਪਿੰਡ ਪਹੁੰਚ ਜਾਵੇਗੀ। ਸ਼ਹੀਦ ਨਵੀਨ ਦਾ ਅੰਤਿਮ ਸਸਕਾਰ ਉਨ੍ਹਾਂ ਦੇ ਜੱਦੀ ਪਿੰਡ ਥੁਰਾਲ ਦੇ ਹਾਲੂ ਵਿੱਚ ਫੌਜੀ ਸਨਮਾਨਾਂ ਨਾਲ ਕੀਤਾ ਜਾਵੇਗਾ। ਇਸ ਤੋਂ ਪਹਿਲਾਂ, ਮ੍ਰਿਤਕ ਦੇਹ ਨੂੰ ਅੰਤਿਮ ਦਰਸ਼ਨਾਂ ਲਈ ਘਰ ਵਿੱਚ ਰੱਖਿਆ ਜਾਵੇਗਾ।
ਦੱਸ ਦੇਈਏ ਕਿ ਨਵੀਨ ਕੁਮਾਰ ਭਾਰਤੀ ਫੌਜ ਦੀ ਜੰਮੂ-ਕਸ਼ਮੀਰ ਰਾਈਫਲ ਯੂਨਿਟ ਵਿੱਚ ਸੇਵਾ ਨਿਭਾ ਰਿਹਾ ਸੀ। ਉਹ 20 ਮਈ ਦੀ ਰਾਤ ਨੂੰ ਕਾਰਗਿਲ ਦੇ ਦਰਾਸ ਸੈਕਟਰ ਵਿੱਚ ਡਿਊਟੀ ਦੌਰਾਨ ਜ਼ਮੀਨ ਖਿਸਕਣ ਕਾਰਨ ਸ਼ਹੀਦ ਹੋ ਗਿਆ। ਉਹ ਸਿਰਫ਼ 2 ਸਾਲ ਪਹਿਲਾਂ ਹੀ ਅਗਨੀਵੀਰ ਸਕੀਮ ਰਹੀ ਭਰਤੀ ਹੋਇਆ ਸੀ।
ਨਵੀਨ ਆਪਣੀ ਭੈਣ ਸ਼ਿਵਾਨੀ ਦਾ ਇਕਲੌਤਾ ਭਰਾ ਸੀ। ਭੈਣ ਸ਼ਿਵਾਨੀ ਵਿਆਹੀ ਹੋਈ ਹੈ ਜਦੋਂ ਕਿ ਨਵੀਨ ਅਜੇ ਅਣਵਿਆਹਿਆ ਸੀ। ਹੁਣ ਪਰਿਵਾਰ ਵਿੱਚ ਸਿਰਫ਼ ਵਿਧਵਾ ਮਾਂ ਅਯੋਧਿਆ ਦੇਵੀ, ਦਾਦਾ ਭੂਮੀ ਰਾਮ ਅਤੇ ਦਾਦੀ ਚੰਪਾ ਦੇਵੀ ਹਨ। ਇਨ੍ਹਾਂ ਤਿੰਨਾਂ ਦਾ ਇੱਕੋ-ਇੱਕ ਸਹਾਰਾ ਵੀ ਸਰਹੱਦਾਂ ਦੀ ਰਾਖੀ ਕਰਦੇ ਹੋਏ ਸ਼ਹੀਦ ਹੋ ਗਿਆ।
