ਸਾਬਕਾ SEBI ਮੁਖੀ ਮਾਧਵੀ ਬੁਚ ਖ਼ਿਲਾਫ਼ FIR ਦਰਜ, ਪੜੋ ਕੀ ਹੈ ਪੂਰਾ ਮਾਮਲਾ
ਨਵੀ ਦਿੱਲੀ, 3 ਮਾਰਚ: ਮੁੰਬਈ ਦੀ ਵਿਸ਼ੇਸ਼ ਏਸੀਬੀ ਅਦਾਲਤ ਨੇ ਸਾਬਕਾ ਸੇਬੀ ਮੁਖੀ ਮਾਧਵੀ ਪੁਰੀ ਬੁਚ ਅਤੇ ਪੰਜ ਹੋਰ ਲੋਕਾਂ ਖ਼ਿਲਾਫ਼ ਕਥਿਤ ਧੋਖਾਧੜੀ ਅਤੇ ਸਟਾਕ ਮਾਰਕੀਟ ਵਿੱਚ ਨਿਯਮਾਂ ਦੀ ਉਲੰਘਣਾ ਦੇ ਦੋਸ਼ ਵਿੱਚ ਐਫਆਈਆਰ ਦਰਜ ਕਰਨ ਦਾ ਹੁਕਮ ਦਿੱਤਾ ਹੈ। ਅਦਾਲਤ ਨੇ ਕਿਹਾ ਕਿ ਉਹ ਜਾਂਚ ਦੀ ਨਿਗਰਾਨੀ ਕਰੇਗੀ ਅਤੇ 30 ਦਿਨਾਂ ਦੇ ਅੰਦਰ ਸਥਿਤੀ ਦੀ ਰਿਪੋਰਟ (ਮਾਮਲੇ ਦੀ) ਮੰਗੀ ਹੈ।
ਇਹ ਵੀ ਪੜੋ : Samsung ਨੇ ਇੱਕੋ ਸਮੇਂ ਲਾਂਚ ਕੀਤੇ ਤਿੰਨ ਨਵੇਂ ਸਮਾਰਟਫੋਨ, ਮਿਲੇਗੀ 256GB ਤੱਕ ਦੀ ਸਟੋਰੇਜ, ਕੀਮਤ ਕਰ ਦੇਵੇਗੀ ਹੈਰਾਨ
ਦੱਸ ਦੇਈਏ ਕਿ ਸੇਬੀ ਦੇ ਮੁਖੀ ਵਜੋਂ ਮਾਧਵੀ ਪੁਰੀ ਬੁਚ ਦਾ ਕਾਰਜਕਾਲ 28 ਫਰਵਰੀ ਨੂੰ ਖਤਮ ਹੋ ਗਿਆ ਹੈ ਅਤੇ ਉਨ੍ਹਾਂ ਦੀ ਥਾਂ ‘ਤੇ ਓਡੀਸ਼ਾ ਕੇਡਰ ਦੇ ਆਈਏਐਸ ਤੁਹਿਨ ਕਾਂਤ ਪਾਂਡੇ ਨੂੰ ਸੇਬੀ ਦਾ ਨਵਾਂ ਮੁਖੀ ਬਣਾਇਆ ਗਿਆ ਹੈ, ਜਿਨ੍ਹਾਂ ਦਾ ਕਾਰਜਕਾਲ 3 ਸਾਲ ਤੱਕ ਰਹੇਗਾ।
ਹੁਕਮਾਂ ਨੂੰ ਚੁਣੌਤੀ
ਸੇਬੀ ਦੀ ਸਾਬਕਾ ਮੁਖੀ ਮਾਧਵੀ ਪੁਰੀ ਬੁਚ ਦੇ ਖਿਲਾਫ ਏਸੀਬੀ ਕੋਰਟ ਦੁਆਰਾ ਐਫਆਈਆਰ ਦਰਜ ਕਰਨ ਦੇ ਆਦੇਸ਼ ਉੱਤੇ ਸੇਬੀ ਦੀ ਪ੍ਰਤੀਕਿਰਿਆ ਵੀ ਸਾਹਮਣੇ ਆਈ ਹੈ, ਜਿਸ ਵਿੱਚ ਸੇਬੀ ਨੇ ਸਪੱਸ਼ਟ ਕੀਤਾ ਹੈ ਕਿ ਏਸੀਬੀ ਕੋਰਟ ਦੇ ਇਸ ਆਦੇਸ਼ ਨੂੰ ਉਪਰਲੀ ਅਦਾਲਤ ਵਿੱਚ ਚੁਣੌਤੀ ਦਿੱਤੀ ਜਾਵੇਗੀ। ਨਾਲ ਹੀ, ਸੇਬੀ ਦਾ ਇਹ ਵੀ ਕਹਿਣਾ ਹੈ ਕਿ ਐਫਆਈਆਰ ਦਾ ਆਦੇਸ਼ ਦੇਣ ਵਾਲੀ ਵਿਸ਼ੇਸ਼ ਅਦਾਲਤ ਨੇ ਇਸ ਪੂਰੇ ਮਾਮਲੇ ਵਿੱਚ ਸੇਬੀ ਦਾ ਪੱਖ ਨਹੀਂ ਸੁਣਿਆ ਹੈ।
