ਹਿਮਾਚਲ ਪ੍ਰਦੇਸ਼ ਵਿੱਚ ਬੀਤੀ ਰਾਤ ਆਏ ਤੂਫ਼ਾਨ ਕਾਰਨ ਭਾਰੀ ਤਬਾਹੀ ਹੋਈ। ਇਸ ਦੌਰਾਨ 50 ਤੋਂ 80 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫ਼ਤਾਰ ਨਾਲ ਚੱਲ ਰਹੇ ਤੂਫ਼ਾਨ ਕਾਰਨ ਕਈ ਘਰਾਂ ਦੀਆਂ ਛੱਤਾਂ ਉੱਡ ਗਈਆਂ। ਕਈ ਥਾਵਾਂ ‘ਤੇ ਦਰੱਖਤ ਜੜ੍ਹਾਂ ਤੋਂ ਉਖੜ ਗਏ। ਤੂਫਾਨ ਕਾਰਨ ਬਿਜਲੀ ਦੀਆਂ ਤਾਰਾਂ ਨੂੰ ਵੀ ਨੁਕਸਾਨ ਪਹੁੰਚਿਆ। ਇਸ ਕਾਰਨ ਅੱਧੇ ਹਿਮਾਚਲ ਵਿੱਚ ਬਿਜਲੀ ਸਪਲਾਈ ਵੀ ਠੱਪ ਹੈ।
ਪੰਜਾਬ ਸਰਕਾਰ ਵੱਲੋਂ 5 PPS ਅਫ਼ਸਰਾਂ ਦੇ ਤਬਾਦਲੇ, ਦੇਖੋ ਸੂਚੀ
ਸ਼ਿਮਲਾ ਸ਼ਹਿਰ ਸਮੇਤ ਕਾਂਗੜਾ, ਬਰਸਰ, ਸੁਜਾਨਪੁਰ, ਊਨਾ ਅਤੇ ਚੰਬਾ ਦੇ ਸੈਂਕੜੇ ਪਿੰਡ ਅਤੇ ਘਰ ਬੀਤੀ ਰਾਤ ਤੋਂ ਹਨੇਰੇ ਵਿੱਚ ਹਨ। ਸ਼ਿਮਲਾ ਦੇ ਥਿਓਗ, ਮੰਡੀ ਦੇ ਸੇਰਾਜ, ਆਨੀ, ਕਾਂਗੜਾ, ਸਿਰਮੌਰ, ਸੋਲਨ ਵਿੱਚ ਕਈ ਘਰਾਂ ਦੀਆਂ ਛੱਤਾਂ ਉੱਡ ਗਈਆਂ। ਤੂਫਾਨ ਕਾਰਨ ਸੂਬੇ ਦੇ ਵੱਖ-ਵੱਖ ਥਾਵਾਂ ‘ਤੇ ਦਰੱਖਤ ਜੜ੍ਹਾਂ ਤੋਂ ਉੱਖੜ ਗਏ। ਇਸ ਕਾਰਨ ਕਈ ਸੜਕਾਂ ‘ਤੇ ਆਵਾਜਾਈ ਵੀ ਬੰਦ ਹੋ ਗਈ। ਤੂਫਾਨ ਨੇ ਸੂਬੇ ਵਿੱਚ ਬਹੁਤ ਨੁਕਸਾਨ ਕੀਤਾ ਹੈ। ਮੈਦਾਨੀ ਇਲਾਕਿਆਂ ਵਿੱਚ ਕਣਕ ਦੀ ਫ਼ਸਲ ਵੀ ਤਬਾਹ ਹੋ ਗਈ ਹੈ। ਮੌਸਮ ਵਿਭਾਗ ਦੇ ਅਨੁਸਾਰ ਸੂਬੇ ‘ਚ ਪੱਛਮੀ ਗੜਬੜੀ ਅਗਲੇ 4 ਦਿਨਾਂ ਤੱਕ ਸਰਗਰਮ ਰਹੇਗੀ। ਖਾਸ ਕਰਕੇ ਕੱਲ੍ਹ ਅਤੇ ਪਰਸੋਂ ਭਾਰੀ ਮੀਂਹ ਦੇ ਨਾਲ-ਨਾਲ ਤੂਫਾਨ ਲਈ ਆਰੇਂਜ ਅਲਰਟ ਜਾਰੀ ਕੀਤਾ ਗਿਆ ਹੈ।
