ਨਵੀ ਦਿੱਲੀ : ਦਿੱਲੀ ਵਿੱਚ ਸ਼ੁੱਕਰਵਾਰ ਨੂੰ ਹਵਾ ਦੀ ਗੁਣਵੱਤਾ ਫਿਰ ਵਿਗੜ ਗਈ ਹੈ। ਹਵਾ ਗੁਣਵੱਤਾ ਸੂਚਕਾਂਕ (AQI) 301 ਤੱਕ ਪਹੁੰਚ ਗਿਆ, ਜੋ ਕਿ ‘ਬਹੁਤ ਮਾੜੀ’ ਸ਼੍ਰੇਣੀ ਵਿੱਚ ਆਉਂਦਾ ਹੈ। ਧੂੜ ਪ੍ਰਦੂਸ਼ਣ ਵਿੱਚ ਅਚਾਨਕ ਵਾਧਾ ਹੋਣ ਕਾਰਨ ਹਵਾ ਦੀ ਗੁਣਵੱਤਾ ਵਿਗੜ ਰਹੀ ਹੈ।
ਕੇਂਦਰੀ ਪ੍ਰਦੂਸ਼ਣ ਕੰਟਰੋਲ ਬੋਰਡ ਦੇ ਅਨੁਸਾਰ, ਅੱਜ ਸਵੇਰੇ 7 ਵਜੇ ਦਿੱਲੀ ਦਾ ਕੁੱਲ AQI 301 ਦਰਜ ਕੀਤਾ ਗਿਆ। 301 ਅਤੇ 400 ਦੇ ਵਿਚਕਾਰ AQI ਨੂੰ ਬਹੁਤ ਮਾੜਾ ਮੰਨਿਆ ਜਾਂਦਾ ਹੈ। ਅਨੰਤ ਵਿਹਾਰ, ਅਸ਼ੋਕ ਵਿਹਾਰ ਅਤੇ ਆਇਆ ਨਗਰ ਵਿੱਚ ਕ੍ਰਮਵਾਰ 352, 322 ਅਤੇ 333 ਦਾ AQI ਦਰਜ ਕੀਤਾ ਗਿਆ।
