ਨਵੀਂ ਦਿੱਲੀ, 18 ਜੂਨ 2025 – ਪਿਛਲੇ ਛੇ ਦਿਨਾਂ ਵਿੱਚ ਏਅਰ ਇੰਡੀਆ ਦੀਆਂ 83 ਉਡਾਣਾਂ ਰੱਦ ਕੀਤੀਆਂ ਗਈਆਂ ਹਨ। ਇਨ੍ਹਾਂ ਵਿੱਚੋਂ ਬੋਇੰਗ 787 ਸਭ ਤੋਂ ਵੱਧ ਪ੍ਰਭਾਵਿਤ ਹੈ। ਸਿਵਲ ਏਵੀਏਸ਼ਨ ਡਾਇਰੈਕਟੋਰੇਟ ਜਨਰਲ (DGCA) ਨੇ ਇਹ ਜਾਣਕਾਰੀ ਦਿੱਤੀ ਹੈ। DGCA ਨੇ ਮੰਗਲਵਾਰ ਨੂੰ ਕਿਹਾ ਕਿ 12 ਤੋਂ 17 ਜੂਨ ਦੇ ਵਿਚਕਾਰ 83 ਏਅਰ ਇੰਡੀਆ ਦੀਆਂ ਉਡਾਣਾਂ ਰੱਦ ਕੀਤੀਆਂ ਗਈਆਂ। ਇਨ੍ਹਾਂ ਵਿੱਚੋਂ 66 ਉਡਾਣਾਂ ਬੋਇੰਗ 787 ਸਨ। DGCA ਨੇ ਕਿਹਾ ਕਿ ਏਅਰ ਇੰਡੀਆ ਬੋਇੰਗ 787 ਦੀ ਨਿਗਰਾਨੀ ਵਿੱਚ ਕੋਈ ਵੱਡੀ ਸੁਰੱਖਿਆ ਚਿੰਤਾ ਨਹੀਂ ਪਾਈ ਗਈ ਹੈ।
ਦਰਅਸਲ, ਪਿਛਲੇ ਹਫ਼ਤੇ, ਅਹਿਮਦਾਬਾਦ ਵਿੱਚ ਬੋਇੰਗ 787-8 ਡ੍ਰੀਮਲਾਈਨਰ ਦੇ ਹਾਦਸੇ ਨੇ ਸੁਰੱਖਿਆ ਚਿੰਤਾਵਾਂ ਪੈਦਾ ਕੀਤੀਆਂ ਸਨ ਅਤੇ DGCA ਨੇ ਏਅਰ ਇੰਡੀਆ ਦੇ ਬੋਇੰਗ 787 ਫਲੀਟ ਦੀ ਨਿਗਰਾਨੀ ਵਧਾਉਣ ਦੇ ਆਦੇਸ਼ ਦਿੱਤੇ ਸਨ। DGCA ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਏਅਰ ਇੰਡੀਆ ਦੇ ਬੋਇੰਗ 787 ਫਲਾਈਟ ਦੀ ਹਾਲ ਹੀ ਵਿੱਚ ਨਿਗਰਾਨੀ ਵਿੱਚ ਕੋਈ ਵੱਡੀ ਸੁਰੱਖਿਆ ਚਿੰਤਾਵਾਂ ਦਾ ਖੁਲਾਸਾ ਨਹੀਂ ਹੋਇਆ।
ਜਹਾਜ਼ ਅਤੇ ਇਸਦੇ ਸੰਬੰਧਿਤ ਰੱਖ-ਰਖਾਅ ਪ੍ਰਣਾਲੀ ਮੌਜੂਦਾ ਸੁਰੱਖਿਆ ਮਾਪਦੰਡਾਂ ਦੀ ਪਾਲਣਾ ਕਰਦੇ ਪਾਏ ਗਏ। ਡੀਜੀਸੀਏ ਨੇ ਕਿਹਾ ਕਿ ਏਅਰ ਇੰਡੀਆ ਨੇ 12 ਜੂਨ ਤੋਂ 17 ਜੂਨ ਦੇ ਵਿਚਕਾਰ ਬੋਇੰਗ 787 ਨਾਲ ਚੱਲਣ ਵਾਲੀਆਂ 66 ਉਡਾਣਾਂ ਰੱਦ ਕਰ ਦਿੱਤੀਆਂ ਹਨ। ਏਅਰ ਇੰਡੀਆ ਦੇ ਬੋਇੰਗ 787-8/9 ਬੇੜੇ ਵਿੱਚ 33 ਜਹਾਜ਼ ਹਨ।
ਮੰਗਲਵਾਰ ਨੂੰ, ਇੱਕ ਦਿਨ ਵਿੱਚ ਏਅਰ ਇੰਡੀਆ ਦੀਆਂ 7 ਉਡਾਣਾਂ ਰੱਦ ਕੀਤੀਆਂ ਗਈਆਂ। ਇਨ੍ਹਾਂ ਵਿੱਚ ਅਹਿਮਦਾਬਾਦ-ਲੰਡਨ, ਦਿੱਲੀ-ਪੈਰਿਸ, ਦਿੱਲੀ-ਵਿਆਨਾ, ਲੰਡਨ-ਅੰਮ੍ਰਿਤਸਰ, ਦਿੱਲੀ-ਦੁਬਈ, ਬੰਗਲੁਰੂ-ਲੰਡਨ ਅਤੇ ਮੁੰਬਈ ਤੋਂ ਸੈਨ ਫਰਾਂਸਿਸਕੋ ਦੀਆਂ ਉਡਾਣਾਂ ਸ਼ਾਮਲ ਹਨ।
