ਮਹਾਰਾਸ਼ਟਰ ਵਿੱਚ GB ਸਿੰਡਰੋਮ ਦੇ 7 ਨਵੇਂ ਮਾਮਲੇ: ਮਰੀਜ਼ਾਂ ਦੀ ਗਿਣਤੀ 180 ਹੋਈ, 22 ਵੈਂਟੀਲੇਟਰ ‘ਤੇ ਅਤੇ 58 ਆਈ.ਸੀ.ਯੂ. ਵਿੱਚ, 6 ਮੌਤਾਂ
ਮਹਾਰਾਸ਼ਟਰ, 8 ਫਰਵਰੀ 2025 – ਮਹਾਰਾਸ਼ਟਰ ਦੇ ਪੁਣੇ ਜ਼ਿਲ੍ਹੇ ਵਿੱਚ ਸ਼ੁੱਕਰਵਾਰ ਨੂੰ ਗੁਇਲੇਨ-ਬੈਰੇ ਸਿੰਡਰੋਮ (GBS) ਦੇ ਸੱਤ ਨਵੇਂ ਮਾਮਲੇ ਸਾਹਮਣੇ ਆਏ। ਇਸ ਦੇ ਨਾਲ, ਜੀਬੀ ਸਿੰਡਰੋਮ ਦੇ ਕੁੱਲ ਮਾਮਲਿਆਂ ਦੀ ਗਿਣਤੀ 180 ਹੋ ਗਈ ਹੈ। ਇਸ ਕਾਰਨ ਹੁਣ ਤੱਕ 6 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ।
ਮਹਾਰਾਸ਼ਟਰ ਸਿਹਤ ਵਿਭਾਗ ਦੇ ਅਨੁਸਾਰ, 58 ਮਰੀਜ਼ ਆਈਸੀਯੂ ਵਿੱਚ ਹਨ ਅਤੇ 22 ਵੈਂਟੀਲੇਟਰ ਸਪੋਰਟ ‘ਤੇ ਹਨ, ਜਦੋਂ ਕਿ 79 ਨੂੰ ਹਸਪਤਾਲ ਤੋਂ ਛੁੱਟੀ ਦੇ ਦਿੱਤੀ ਗਈ ਹੈ। ਇਨ੍ਹਾਂ 180 ਮਾਮਲਿਆਂ ਵਿੱਚੋਂ 123 ਪੁਣੇ ਤੋਂ, 25 ਪਿੰਪਰੀ-ਚਿੰਚਵਾੜ ਤੋਂ, 24 ਪੁਣੇ ਦਿਹਾਤੀ ਤੋਂ ਅਤੇ 8 ਹੋਰ ਜ਼ਿਲ੍ਹਿਆਂ ਤੋਂ ਹਨ।
ਇਹ ਵੀ ਪੜ੍ਹੋ: ਅਮਰੀਕਾ 487 ਹੋਰ ਗੈਰ-ਕਾਨੂੰਨੀ ਭਾਰਤੀ ਪ੍ਰਵਾਸੀ ਭੇਜੇਗਾ ਵਾਪਸ, ਸਰਕਾਰ ਨੂੰ 298 ਦੀ ਦਿੱਤੀ ਲਿਸਟ
ਇੱਕ ਅਧਿਕਾਰੀ ਨੇ ਦੱਸਿਆ ਕਿ ਨੰਦੇੜ ਨੇੜੇ ਇੱਕ ਹਾਊਸਿੰਗ ਸੋਸਾਇਟੀ ਤੋਂ ਜੀਬੀ ਸਿੰਡਰੋਮ ਦੇ ਸਭ ਤੋਂ ਵੱਧ ਮਾਮਲੇ ਸਾਹਮਣੇ ਆਏ ਹਨ। ਇੱਥੋਂ ਪਾਣੀ ਦਾ ਨਮੂਨਾ ਲਿਆ ਗਿਆ, ਜਿਸ ਵਿੱਚ ਇਹ ਕੈਂਪੀਲੋਬੈਕਟਰ ਜੇਜੂਨੀ ਪਾਜ਼ੀਟਿਵ ਪਾਇਆ ਗਿਆ। ਇਹ ਪਾਣੀ ਵਿੱਚ ਪਾਇਆ ਜਾਣ ਵਾਲਾ ਬੈਕਟੀਰੀਆ ਹੈ।
ਨੈਸ਼ਨਲ ਇੰਸਟੀਚਿਊਟ ਆਫ਼ ਵਾਇਰੋਲੋਜੀ (NIV) ਨੇ ਪੁਸ਼ਟੀ ਕੀਤੀ ਹੈ ਕਿ ਨੰਦੇੜ ਅਤੇ ਆਸ ਪਾਸ ਦੇ ਇਲਾਕਿਆਂ ਵਿੱਚ ਜੀਬੀ ਸਿੰਡਰੋਮ ਦੂਸ਼ਿਤ ਪਾਣੀ ਕਾਰਨ ਹੁੰਦਾ ਹੈ। ਪੁਣੇ ਨਗਰ ਨਿਗਮ ਨੇ ਨਾਂਦੇੜ ਅਤੇ ਆਸ ਪਾਸ ਦੇ ਇਲਾਕਿਆਂ ਵਿੱਚ 11 ਨਿੱਜੀ ਆਰਓ ਸਮੇਤ 30 ਪਲਾਂਟ ਸੀਲ ਕਰ ਦਿੱਤੇ ਹਨ।
63 ਸਾਲਾ ਵਿਅਕਤੀ ਦੀ 6 ਫਰਵਰੀ ਨੂੰ ਮੌਤ ਹੋ ਗਈ। ਸਿਹਤ ਅਧਿਕਾਰੀ ਨੇ ਕਿਹਾ ਸੀ ਕਿ ਬਜ਼ੁਰਗ ਵਿਅਕਤੀ ਨੂੰ ਬੁਖਾਰ ਅਤੇ ਲੱਤਾਂ ਵਿੱਚ ਕਮਜ਼ੋਰੀ ਦੀ ਸ਼ਿਕਾਇਤ ਤੋਂ ਬਾਅਦ ਸਿੰਹਗੜ੍ਹ ਰੋਡ ਇਲਾਕੇ ਦੇ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਸੀ। ਜਾਂਚ ਕਰਨ ‘ਤੇ ਪਤਾ ਲੱਗਾ ਕਿ ਉਸਨੂੰ ਜੀਬੀ ਸਿੰਡਰੋਮ ਸੀ। ਉਸਦੀ ਮੌਤ ਇਸਕੇਮਿਕ ਸਟ੍ਰੋਕ ਕਾਰਨ ਹੋਈ।
