ਕੇਂਦਰ ਦੀ ਮੋਦੀ ਸਰਕਾਰ ਨੇ ਦੇਸ਼ ਭਰ ਦੇ ਕਿਸਾਨਾਂ ਨੂੰ ਵੱਡਾ ਤੋਹਫ਼ਾ ਦਿੱਤਾ ਹੈ। ਸਾਉਣੀ ਦੀਆਂ ਫ਼ਸਲਾਂ ’ਤੇ ਘੱਟੋ ਘੱਟ ਸਮਰਥਨ ਮੁੱਲ ਵਿਚ ਭਾਰੀ ਵਾਧਾ ਕੀਤਾ ਹੈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਪ੍ਰਧਾਨਗੀ ਵਿਚ ਹੋਈ ਆਰਥਕ ਮਾਮਲਿਆਂ ਦੇ ਮੰਤਰੀ ਮੰਡਲ ਕਮੇਟੀ ਦੀ ਮੀਟਿੰਗ ਵਿਚ ਸਾਉਣੀ ਦੀਆਂ ਫਸਲਾਂ ਦੀ ਐਮਐਸਪੀ ਵਿਚ ਵਾਧਾ ਕਰਨ ਦੇ ਪ੍ਰਸਤਾਵ ਨੂੰ ਮਨਜ਼ੂਰੀ ਦਿੱਤੀ ਗਈ। ਕੇਂਦਰੀ ਸੂੁਚਨਾ ਅਤੇ ਪ੍ਰਸਾਰਣ ਮੰਤਰੀ ਨੇ ਇਕ ਪ੍ਰੈਸ ਕਾਨਫਰੰਸ ਨੂੰ ਸੰਬੋਧਤ ਕਰਦੇ ਹੋਏ ਇਸ ਗੱਲ ਦੀ ਜਾਣਕਾਰੀ ਦਿੱਤੀ।
ਕੈਬਨਿਟ ਮੀਟਿੰਗ ‘ਚ ਸਾਉਣੀ ਦੀਆਂ 17 ਫਸਲਾਂ ‘ਤੇ MSP ਦੀ ਮਨਜ਼ੂਰੀ ਮਿਲੀ ਹੈ। ਤਿਲ ਦੀ 523 ਰੁਪਏ MSP ਵਧੀ ਹੈ। ਝੋਨੇ ਦੀ ਫਸਲ ਦੀ ਪਿਛਲੇ ਸਾਲ 1940 ਰੁਪਏ ਪ੍ਰਤੀ ਕੁਇੰਟਲ MSP ਤੋਂ ਵਧਾ ਕੇ 2040 ਰੁਪਏ ਕਰ ਦਿੱਤੀ ਹੈ।। ਇਸ ਨਾਲ 100 ਰੁਪਏ ਦਾ ਵਾਧਾ ਹੋਇਆ ਹੈ। MSP ਦਾ ਬਜਟ ਵੱਧ ਕੇ 1 ਲੱਖ 26 ਹਜ਼ਾਰ ਹੋ ਗਿਆ ਹੈ। ਬਾਜਰੇ ਦੀ ਫਸਲ ‘ਚ ਵੀ MSP 100 ਰੁਪਏ ਵਧੀ ਹੈ। ਇਸਦੇ ਨਾਲ ਹੀ ਮੱਕੀ ਦੀ ਫਸਲ ‘ਚ 92 ਰੁਪਏ ਦੀ MSP ਵਧੀ ਹੈ। ਇਸ ਤੋਂ ਇਲਾਵਾ ਸੋਇਆਬੀਨ ਦਾ ਸਮਰਥਨ ਮੁੱਲ 3950 ਰੁਪਏ ਤੋਂ ਵਧਾ ਕੇ 4300 ਰੁਪਏ ਕਰ ਦਿੱਤਾ ਗਿਆ ਹੈ। ਇਸੇ ਪ੍ਰਕਾਰ ਹੋਰ ਫਸਲਾਂ ਦੀ ਵੀ MSP ਵਧੀ ਹੈ।
