ਮਸ਼ਹੂਰ ਗਾਇਕ ਸਿੱਧੂ ਮੂਸੇਵਾਲਾ ਦੇ ਕਤਲ ਕੇਸ ਵਿੱਚ ਨਾਮਜ਼ਦ ਗੈਂਗਸਟਰ ਲਾਰੈਂਸ ਬਿਸ਼ਨੋਈ ਨੂੰ ਅੱਜ ਪੁਲਿਸ ਜਲੰਧਰ ਲੈ ਕੇ ਆਵੇਗੀ। ਲਾਰੈਂਸ ਦੀ ਅੱਜ ਲੁਧਿਆਣਾ ‘ਚ ਪੇਸ਼ੀ ਹੈ, ਉਸ ਤੋਂ ਬਾਅਦ ਜਲੰਧਰ ਪੁਲਿਸ ਉਸ ਨੂੰ ਟਰਾਂਜ਼ਿਟ ਰਿਮਾਂਡ ‘ਤੇ ਲੈ ਜਾਵੇਗੀ। ਇਸ ਤੋਂ ਬਾਅਦ ਪੁਲਿਸ ਉਸ ਨੂੰ ਜਲੰਧਰ ਲੈ ਕੇ ਆਵੇਗੀ ਅਤੇ ਪੁਰਾਣੇ ਕੇਸ ਵਿੱਚ ਜ਼ਿਲ੍ਹਾ ਤੇ ਸੈਸ਼ਨ ਅਦਾਲਤ ਵਿੱਚ ਪੇਸ਼ ਕਰਕੇ ਰਿਮਾਂਡ ਹਾਸਲ ਕਰਨ ਦੀ ਕੋਸ਼ਿਸ਼ ਕਰੇਗੀ।
ਇਹ ਵੀ ਪੜ੍ਹੋ: ਰੋਹਤਕ ‘ਚ ਵਾਪਰਿਆ ਵੱਡਾ ਹਾਦਸਾ, ਘਰ ‘ਚ ਸਿਲੰਡਰ ਫੱਟਣ ਨਾਲ 7 ਲੋਕ ਝੁਲਸੇ
ਲਾਰੈਂਸ ਥਾਣਾ ਡਵੀਜ਼ਨ ਨੰਬਰ ਪੰਜ ਵਿੱਚ ਦਰਜ ਇੱਕ ਪੁਰਾਣੇ ਕਤਲ ਅਤੇ ਹਥਿਆਰਾਂ ਦੇ ਕੇਸ ਵਿੱਚ ਪੁਲਿਸ ਨੂੰ ਲੋੜੀਂਦਾ ਸੀ। ਪਿਛਲੀ ਵਾਰ ਵੀ ਬਠਿੰਡਾ ਵਿੱਚ ਪੇਸ਼ੀ ਦੌਰਾਨ ਸੀਆਈਏ ਸਟਾਫ ਜਲੰਧਰ ਤੋਂ ਲਾਰੈਂਸ ਨੂੰ ਟਰਾਂਜ਼ਿਟ ਰਿਮਾਂਡ ’ਤੇ ਲਿਆਉਣ ਲਈ ਗਿਆ ਸੀ ਪਰ ਅਦਾਲਤ ਨੇ ਲਾਰੈਂਸ ਨੂੰ ਜਲੰਧਰ ਪੁਲਿਸ ਹਵਾਲੇ ਕਰਨ ਦੀ ਬਜਾਏ ਸਿੱਧੇ 14 ਦਿਨਾਂ ਲਈ ਨਿਆਂਇਕ ਹਿਰਾਸਤ ਵਿੱਚ ਭੇਜ ਦਿੱਤਾ ਸੀ।
