7.3 ਦੀ ਤੀਬਰਤਾ ਵਾਲੇ ਭੂਚਾਲ ਨੇ ਮਚਾਈ ਤ.ਬਾ.ਹੀ; ਕਾਰਾਂ ਦੱਬੀਆਂ, ਇਮਾਰਤਾਂ ਢਹਿ-ਢੇਰੀ, ਸੁਨਾਮੀ ਦੀ ਚਿਤਾਵਨੀ ਵੀ ਜਾਰੀ
ਨਵੀ ਦਿੱਲੀ : ਦੱਖਣੀ ਪ੍ਰਸ਼ਾਂਤ ਮਹਾਸਾਗਰ ‘ਚ ਵੈਨੂਆਤੂ ਦੇ ਤੱਟ ‘ਤੇ ਮੰਗਲਵਾਰ ਨੂੰ 7.3 ਤੀਬਰਤਾ ਦਾ ਭੂਚਾਲ ਆਇਆ। ਯੂਐਸਜੀਐਸ ਦੇ ਅਨੁਸਾਰ, ਭੂਚਾਲ ਦਾ ਕੇਂਦਰ ਵੈਨੂਆਤੂ ਦੇ ਸਭ ਤੋਂ ਵੱਡੇ ਸ਼ਹਿਰ ਪੋਰਟ ਵਿਲਾ ਤੋਂ 30 ਕਿਲੋਮੀਟਰ ਪੱਛਮ ਵਿੱਚ 57 ਕਿਲੋਮੀਟਰ ਦੀ ਡੂੰਘਾਈ ਵਿੱਚ ਸੀ। ਇਸ ਤੋਂ ਬਾਅਦ ਉਸੇ ਥਾਂ ਦੇ ਨੇੜੇ 5.5 ਤੀਬਰਤਾ ਦੇ ਕਈ ਝਟਕੇ ਵੀ ਮਹਿਸੂਸ ਹੋਏ।
ਕਈ ਇਮਾਰਤਾਂ ਨੂੰ ਨੁਕਸਾਨ
ਭੂਚਾਲ ਦੀਆਂ ਕਈ ਵੀਡੀਓਜ਼ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤੀਆਂ ਜਾ ਰਹੀਆਂ ਹਨ। ਕਈ ਇਮਾਰਤਾਂ ਦੀਆਂ ਹੇਠਲੀਆਂ ਮੰਜ਼ਿਲਾ ਅੰਸ਼ਕ ਤੌਰ ‘ਤੇ ਢਹਿ ਗਈਆਂ ਅਤੇ ਖਿੜਕੀਆਂ ਟੁੱਟ ਗਈਆਂ। ਇੱਕ ਵੀਡੀਓ ਵਿੱਚ ਇੱਕ ਗੈਰੇਜ ਵਿੱਚ ਕਾਰਾਂ ਨੂੰ ਹਿੱਲਦੇ ਦੇਖਿਆ ਜਾ ਸਕਦਾ ਹੈ। ਕੁਝ ਹੋਰ ਫੋਟੋਆਂ ਕਈ ਡਿਪਲੋਮੈਟਿਕ ਮਿਸ਼ਨਾਂ ਅਤੇ ਹੋਰ ਇਮਾਰਤਾਂ ਨੂੰ ਹੋਏ ਨੁਕਸਾਨ ਨੂੰ ਦਰਸਾਉਂਦੀਆਂ ਹਨ। ਕਈ ਇਮਾਰਤਾਂ ਦੀਆਂ ਖਿੜਕੀਆਂ ਟੁੱਟੀਆਂ ਅਤੇ ਕੁਝ ਹਿੱਸੇ ਟੁੱਟਦੇ ਦੇਖੇ ਜਾ ਸਕਦੇ ਹਨ।
ਸੁਨਾਮੀ ਲਹਿਰਾਂ ਲਈ ਚੇਤਾਵਨੀਆਂ ਜਾਰੀ
ਭੂਚਾਲ ਤੋਂ ਬਾਅਦ ਹੋਏ ਨੁਕਸਾਨ ਦਾ ਅਜੇ ਤੱਕ ਮੁਲਾਂਕਣ ਨਹੀਂ ਕੀਤਾ ਗਿਆ ਹੈ। ਭੂਚਾਲ ਦੀ ਤੀਬਰਤਾ ਕਾਰਨ ਭੂਚਾਲ ਤੋਂ ਬਾਅਦ ਵੈਨੂਆਤੂ ਦੀਆਂ ਸਰਕਾਰੀ ਵੈੱਬਸਾਈਟਾਂ ਬੰਦ ਹੋ ਗਈਆਂ। ਪੁਲਿਸ ਅਤੇ ਸਰਕਾਰੀ ਏਜੰਸੀਆਂ ਦੇ ਫ਼ੋਨ ਨੰਬਰ ਵੀ ਕੰਮ ਨਹੀਂ ਕਰ ਰਹੇ ਹਨ।ਭੂਚਾਲ ਤੋਂ ਬਾਅਦ ਸੰਚਾਰ ਪ੍ਰਣਾਲੀ ਵਿਚ ਵਿਘਨ ਪੈਣ ਕਾਰਨ ਰਾਹਤ ਅਤੇ ਬਚਾਅ ਵਿਚ ਮੁਸ਼ਕਲ ਆ ਸਕਦੀ ਹੈ। USGS ਨੇ ਪਾਪੂਆ ਨਿਊ ਗਿਨੀ, ਫਿਜੀ ਅਤੇ ਸੋਲੋਮਨ ਟਾਪੂ ਸਮੇਤ ਕਈ ਨੇੜਲੇ ਪ੍ਰਸ਼ਾਂਤ ਟਾਪੂ ਦੇਸ਼ਾਂ ਲਈ 0.3 ਮੀਟਰ (1 ਫੁੱਟ) ਤੋਂ ਘੱਟ ਸੁਨਾਮੀ ਲਹਿਰਾਂ ਲਈ ਚੇਤਾਵਨੀਆਂ ਵੀ ਜਾਰੀ ਕੀਤੀਆਂ ਹਨ।
ਗਾਇਕ ਬਾਦਸ਼ਾਹ ਨੂੰ ਗਲਤ ਪਾਸੇ ਗੱਡੀ ਚਲਾਉਣੀ ਪਈ ਮਹਿੰਗੀ; ਹੋਇਆ ‘ਮੋਟਾ’ ਚਲਾਨ
