ਸੋਸ਼ਲ ਮੀਡੀਆ ‘ਤੇ ਅਸ਼ਲੀਲ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ Influencer ਨੇ ਮੰਨੀ ਆਪਣੀ ਗ਼ਲਤੀ

ਸੋਸ਼ਲ ਮੀਡੀਆ ‘ਤੇ ਆਏ ਦਿਨ ਲੋਕਾਂ ਵੱਲੋਂ ਲੱਖਾਂ ਕਰੋੜਾਂ ‘ਚ ਵੀਡੀਓਜ਼ ਸ਼ੇਅਰ ਕੀਤੀਆਂ ਜਾਂਦੀਆਂ ਹਨ ਜਿਨ੍ਹਾਂ ਵਿੱਚ ਕਿਸੇ ‘ਚ Comedy ਦੇਖਣ ਨੂੰ ਮਿਲਦੀ ਹੈ ਤਾਂ ਕਿਸੇ ਵਿੱਚ ਕੁਝ ਅਲੱਗ ਹੀ ਹੈਰਾਨ ਕਰਨ ਵਾਲਾ ਪਰ ਇਸ ਦੇ ਨਾਲ -ਨਾਲ ਕਈ ਵਾਰ ਕਿਸੇ ‘ਤੇ ਇਹ ਚੀਜ਼ ਭਾਰੀ ਵੀ ਪੈ ਜਾਂਦੀ ਹੈ | ਦਰਅਸਲ , ਅਕਸਰ ਹੀ ਸਾਨੂੰ ਸੋਸ਼ਲ ਮੀਡੀਆ ‘ਤੇ ਦੇ ਬਾਜ਼ਾਰ ‘ਚ ਅਸ਼ਲੀਲ ਵੀਡੀਓਜ਼ ਵੀ ਦੇਖਣ ਨੂੰ ਮਿਲਦੀਆਂ ਹਨ ਜੋ ਕਿ ਕਿਸੇ ਦੂਜੇ ਇਨਸਾਨ ਦੇ ਮੱਥੇ ‘ਤੇ ਕਲੰਕ ਦਾ ਟਿੱਕਾ ਲਗਾਉਣ ਲਈ ਕਾਫ਼ੀ ਹਨ | ਅਜਿਹਾ ਹੀ ਮਾਮਲਾ ਪੰਜਾਬ ਦੇ ਜਲੰਧਰ ਤੋਂ ਸਾਹਮਣੇ ਆਇਆ ਹੈ ਜਿੱਥੇ ਕਿ ਸੋਸ਼ਲ ਮੀਡੀਆ ‘ਤੇ Influencer ਕੁੜੀ ਦੀ ਅਸ਼ਲੀਲ ਵੀਡੀਓ ਵਾਇਰਲ ਹੋਈ ਹੈ। ਜਿਸ ਤੋਂ ਬਾਅਦ Influencer ਨੇ ਖੁਦ ਮੰਨਿਆ ਕਿ ਇਹ ਵੀਡੀਓ ਉਸ ਦਾ ਹੈ। ਉਸ ਨੇ ਇਹ ਵੀ ਕਿਹਾ ਕਿ ਉਸ ਨੇ ਉਕਤ ਵੀਡੀਓ ਬਣਾਉਣ ਦੀ ਇਜਾਜ਼ਤ ਦਿੱਤੀ ਸੀ, ਪਰ ਉਸ ਨੂੰ ਨਹੀਂ ਪਤਾ ਸੀ ਕਿ ਉਹ ਲੜਕਾ ਉਸ ਦੀ ਵੀਡੀਓ ਵਾਇਰਲ ਕਰ ਦਵੇਗਾ।

ਵੀਡੀਓ ‘ਚ ਉਕਤ ਸੋਸ਼ਲ ਮੀਡੀਆ Influencer ਇਤਰਾਜ਼ਯੋਗ ਸਥਿਤੀ ‘ਚ ਹੈ। ਉਸ ਦੇ ਨਾਲ ਇਕ ਲੜਕਾ ਵੀ ਹੈ, ਜਿਸ ਨੇ ਉਕਤ ਵੀਡੀਓ ਬਣਾਈ ਸੀ। ਸੋਸ਼ਲ ਮੀਡੀਆ ‘ਤੇ ਇਸ ਕੁੜੀ ਦੇ ਕਰੀਬ 95 ਹਜ਼ਾਰ ਫਾਲੋਅਰਜ਼ ਹਨ।

Influencer ਨੇ ਸੋਸ਼ਲ ਮੀਡੀਆ ‘ਤੇ ਕੀਤਾ ਪੋਸਟ

ਅਸ਼ਲੀਲ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ Influencer ਲੜਕੀ ਨੇ ਖੁਦ ਸੋਸ਼ਲ ਮੀਡੀਆ ‘ਤੇ ਪੋਸਟ ਕਰ ਦਿੱਤੀ। ਜਿਸ ‘ਚ ਉਸ ਨੇ ਵੀਡੀਓ ‘ਚ ਖੁਦ ਹੋਣ ਦੀ ਗੱਲ ਕਬੂਲੀ ਅਤੇ ਕਿਹਾ ਕਿ ਲੜਕੇ ਨੇ ਉਸ ਦਾ ਭਰੋਸਾ ਤੋੜ ਦਿੱਤਾ ਹੈ। ਹਾਲਾਂਕਿ, ਉਸਨੇ ਸਪੱਸ਼ਟ ਕੀਤਾ ਕਿ ਉਸਨੇ ਫਾਲੋਅਰਜ਼ ਵਧਾਉਣ ਲਈ ਅਜਿਹਾ ਨਹੀਂ ਕੀਤਾ।

ਕੁਝ ਕਹਿਣ ਦੀ ਨਹੀਂ ਸੀ ਹਿੰਮਤ

ਸੋਸ਼ਲ ਮੀਡੀਆ ‘ਤੇ Influencer ਨੇ ਲਿਖਿਆ- ਪਿਛਲੇ ਕੁਝ ਦਿਨਾਂ ਤੋਂ ਮੇਰੇ ਬਾਰੇ ‘ਚ ਕਾਫੀ ਚਰਚਾ ਹੋ ਰਹੀ ਹੈ ਪਰ ਮੇਰੇ ‘ਚ ਉਕਤ ਮੁੱਦੇ ‘ਤੇ ਕੁਝ ਕਹਿਣ ਦੀ ਹਿੰਮਤ ਨਹੀਂ ਸੀ। ਪਰ ਹੁਣ ਇਹ ਬਹੁਤ ਜ਼ਿਆਦਾ ਹੋ ਗਿਆ ਸੀ | ਕੁਝ ਇੰਸਟਾਗ੍ਰਾਮ ਪੇਜ ਯੂਜ਼ਰਸ ਆਪਣੇ ਨਿੱਜੀ ਆਨੰਦ ਲਈ ਅਤੇ ਮੇਰੇ ‘ਤੇ ਆਪਣਾ ਗੁੱਸਾ ਕੱਢਣ ਅਤੇ ਆਪਣੇ ਫਾਲੋਅਰਜ਼ ਨੂੰ ਵਧਾਉਣ ਲਈ ਸੋਸ਼ਲ ਮੀਡੀਆ ‘ਤੇ ਕੁਝ ਚੀਜ਼ਾਂ ਪੋਸਟ ਕਰ ਰਹੇ ਹਨ। ਪਰ ਉਹ ਇਹ ਨਹੀਂ ਸੋਚ ਰਹੇ ਹਨ ਕਿ ਇਹ ਮੇਰੇ ਅਤੇ ਮੇਰੇ ਪਰਿਵਾਰ ਲਈ ਕਿਹੋ ਜਿਹਾ ਹੋਵੇਗਾ।

ਰਿਕਾਰਡਿੰਗ ਦੀ ਇਜਾਜ਼ਤ ਦੇਣਾ ਮੇਰੀ ਗਲਤੀ

ਸੋਸ਼ਲ ਮੀਡੀਆ Influencer ਨੇ ਅੱਗੇ ਲਿਖਿਆ- ਮੇਰੀ ਗਲਤੀ ਸਿਰਫ ਇਹ ਸੀ ਕਿ ਮੈਂ ਇੱਕ ਵਿਅਕਤੀ ‘ਤੇ ਭਰੋਸਾ ਕੀਤਾ ਅਤੇ ਉਸਨੂੰ ਰਿਕਾਰਡ ਕਰਨ ਦੀ ਇਜਾਜ਼ਤ ਦਿੱਤੀ। ਇਹ ਸਿਰਫ ਇਸ ਲਈ ਹੋਇਆ ਕਿਉਂਕਿ ਮੈਂ ਉਸ ਸਮੇਂ ਉਸ ਵਿਅਕਤੀ ‘ਤੇ ਵਿਸ਼ਵਾਸ ਕੀਤਾ ਸੀ। ਮੈਨੂੰ ਨਹੀਂ ਪਤਾ ਸੀ ਕਿ ਭਵਿੱਖ ਵਿੱਚ ਮੇਰੇ ਨਾਲ ਅਜਿਹਾ ਹੋ ਸਕਦਾ ਹੈ। ਪਰ ਮੇਰੇ ਨਾਲ ਜੋ ਹੋਣਾ ਸੀ ਉਹ ਹੋ ਗਿਆ।

ਮੈਂ ਆਪਣੇ ਆਪ ਨੂੰ ਮਾਰਨ ਦੀ ਕੀਤੀ ਕੋਸ਼ਿਸ਼

ਮੈਂ ਕਾਫੀ ਸਮੇਂ ਤੋਂ ਇਸ ਗੱਲ ਨੂੰ ਲੈ ਕੇ ਚਿੰਤਤ ਸੀ। ਮੇਰੇ ਪਰਿਵਾਰ, ਦੋਸਤ ਅਤੇ ਨਜ਼ਦੀਕੀ ਲੋਕ ਜਾਣਦੇ ਹਨ ਕਿ ਮੇਰੇ ਹਾਲਾਤ ਕੀ ਸਨ। ਇਸ ਦੇ ਨਾਲ ਹੀ ਮੈਂ ਖੁਦ ਵੀ ਖਤਮ ਕਰਨ ਦੀ ਕੋਸ਼ਿਸ਼ ਕੀਤੀ, ਉਹ ਵੀ ਕਈ ਵਾਰ। ਪਰ ਹਰ ਵਾਰ ਮੈਨੂੰ ਬਚਾਇਆ ਗਿਆ ਸੀ.ਇਸ ਦੌਰਾਨ ਮੈਂ ਸੋਸ਼ਲ ਮੀਡੀਆ ਤੋਂ ਕਾਫੀ ਦੂਰ ਰਹੀ । ਕੁਝ ਪੇਜ ਸਿਰਫ ਆਪਣੇ ਫਾਲੋਅਰਸ ਨੂੰ ਵਧਾਉਣ ਲਈ ਅਜਿਹਾ ਕਰਨ ਵਿੱਚ ਲੱਗੇ ਹੋਏ ਹਨ। ਸੋਸ਼ਲ ਮੀਡੀਆ Influencer ਨੇ ਕਿਹਾ- ਇਹ ਕਲਿੱਪ ਨਵੰਬਰ 2022 ਦੀ ਹੈ।

ਇਹ ਵੀ ਪੜ੍ਹੋ : ਸ਼ਾਹੀ ਸ਼ਹਿਰ ਪਟਿਆਲਾ ‘ਚ ਆਇਆ ਵੱਡਾ ਖ਼ਤਰਾ , 19 ਖੇਤਰਾਂ ‘ਚ Emergency ਦੀ ਕੀਤੀ ਗਈ ਘੋਸ਼ਣਾ

ਕਿਸੇ ‘ਤੇ ਨਾ ਕਰੋ ਭਰੋਸਾ

ਸੋਸ਼ਲ ਮੀਡੀਆ Influencer ਨੇ ਕਿਹਾ- ਮੈਂ ਸਾਰੀਆਂ ਕੁੜੀਆਂ ਨੂੰ ਸੁਚੇਤ ਕਰਨਾ ਚਾਹੁੰਦੀ ਹਾਂ ਕਿ ਤੁਹਾਨੂੰ ਕਦੇ ਵੀ ਕਿਸੇ ਲੜਕੇ ‘ਤੇ ਭਰੋਸਾ ਨਹੀਂ ਕਰਨਾ ਚਾਹੀਦਾ। ਮੈਂ ਸਿਰਫ ਇਹ ਬੇਨਤੀ ਕਰ ਸਕਦੀ ਹਾਂ ਕਿ ਤੁਸੀਂ ਲੋਕ ਅਜਿਹਾ ਨਾ ਕਰੋ। ਜੇਕਰ ਤੁਹਾਨੂੰ ਕੋਈ ਵੀਡੀਓ ਮਿਲੀ ਹੈ ਅਤੇ ਅੱਗੇ ਭੇਜ ਰਹੇ ਹੋ ਤਾਂ ਤੁਸੀਂ ਕਿਸੇ ਦੀ ਜ਼ਿੰਦਗੀ ਬਰਬਾਦ ਕਰ ਰਹੇ ਹੋ। ਮੈਂ ਇਸ ਲਈ ਮੁਆਫੀ ਵੀ ਮੰਗਦੀ ਹਾਂ।