ਸਿਓਲ, 20 ਮਾਰਚ 2026 : ਦੱਖਣੀ ਕੋਰੀਆ (South Korea) ਦੇ ਮੱਧ ਸ਼ਹਿਰ ਡੇਜੇਓਨ ਵਿੱਚ ਪਾਰਟਸ ਫੈਕਟਰੀ (Parts factory) ਵਿੱਚ ਅੱਗ ਲੱਗਣ (Fire) ਕਾਰਨ ਕਈਆਂ ਦੇ ਜ਼ਖਮੀ ਹੋਣ ਦਾ ਸਮਾਚਾਰ ਹੈ।
ਐਨ. ਐਫ. ਏ. ਨੇ ਕੀ ਆਖਿਆ
ਨੈਸ਼ਨਲ ਫਾਇਰ ਏਜੰਸੀ (ਐਨ. ਐਫ. ਏ.) ਨੇ ਆਖਿਆ ਹੈ ਕਿ 35 ਲੋਕ ਗੰਭੀਰ ਜ਼ਖਮੀ (Seriously injured) ਹੋਏ ਹਨ, ਪਰ ਤੁਰੰਤ ਇਹ ਪੁਸ਼ਟੀ ਨਹੀਂ ਕਰ ਸਕੇ ਕਿ ਕੀ ਕੋਈ ਜਾਨਲੇਵਾ ਹਾਲਤ ਵਿੱਚ ਹੈ । ਘਟਨਾ ਸਥਾਨ ਤੋਂ ਵੀਡੀਓ ਵਿੱਚ ਇਮਾਰਤ ਤੋਂ ਸੰਘਣਾ ਧੂੰਆਂ ਉੱਠਦਾ ਦਿਖਾਈ ਦੇ ਰਿਹਾ ਹੈ । ਅਧਿਕਾਰੀਆਂ ਨੇ ਆਖਿਆ ਹੈ ਕਿ ਇਹ ਤੁਰੰਤ ਸਪੱਸ਼ਟ ਨਹੀਂ ਹੋ ਸਕਿਆ ਕਿ ਪਲਾਂਟ ਦੇ ਅੰਦਰ ਕਿੰਨੇ ਕਾਮੇ ਫਸੇ ਹੋਏ ਹਨ । ਏਜੰਸੀ ਨੇ ਚੇਤਾਵਨੀ ਦਿੱਤੀ ਕਿ ਮੌਤਾਂ ਦੀ ਗਿਣਤੀ ਵੱਧ ਸਕਦੀ ਹੈ । ਅੱਗ ਲੱਗਣ ਦੀ ਸੂਚਨਾ ਦੁਪਹਿਰ 1:17 ਵਜੇ ਦੇ ਕਰੀਬ ਮਿਲੀ । ਅਧਿਕਾਰੀਆਂ ਨੇ ਅੱਗ ਲੱਗਣ ਦੇ ਅਸਲ ਕਾਰਨਾਂ ਬਾਰੇ ਤੁਰੰਤ ਕੋਈ ਟਿੱਪਣੀ ਨਹੀਂ ਕੀਤੀ ।
ਅੱਗ ਬੁਝਾਉਣ ਲਈ ਕਿੰਨੇ ਵਾਹਨ ਤੇ ਕਿੰਨੇ ਫਾਇਰ ਫਾਈਟਰ ਕੀਤੇ ਹਨ ਤਾਇਨਾਤ
ਏਜੰਸੀ ਨੇ ਕਿਹਾ ਕਿ ਅੱਗ ਬੁਝਾਉਣ (Fire extinguisher) ਲਈ 200 ਤੋਂ ਵੱਧ ਫਾਇਰਫਾਈਟਰ (Firefighter) ਅਤੇ 70 ਵਾਹਨ ਤਾਇਨਾਤ ਕੀਤੇ ਗਏ ਹਨ । ਰਾਸ਼ਟਰਪਤੀ ਲੀ ਜੇ-ਮਯੁੰਗ ਤੋਂ ਬਾਅਦ ਦੂਜੇ ਸਭ ਤੋਂ ਉੱਚੇ ਸਰਕਾਰੀ ਅਧਿਕਾਰੀ, ਪ੍ਰਧਾਨ ਮੰਤਰੀ ਕਿਮ ਮਿਨ-ਸਿਓਕ ਨੇ ਅੱਗ ‘ਤੇ ਕਾਬੂ ਪਾਉਣ ਅਤੇ ਬਚਾਅ ਕਾਰਜਾਂ ਨੂੰ ਅੰਜਾਮ ਦੇਣ ਲਈ ਕਰਮਚਾਰੀਆਂ ਅਤੇ ਉਪਕਰਣਾਂ ਦੀ ਪੂਰੀ ਤਾਇਨਾਤੀ ਦਾ ਸੱਦਾ ਦਿੱਤਾ ।
Read More : ਰਿਹਾਇਸ਼ੀ ਬਿਲਡਿੰਗ ਵਿਚ ਅੱਗ ਲੱਗਣ ਕਾਰਨ 9 ਪਰਿਵਾਰਕ ਮੈਂਬਰ ਸੜੇ
