12ਵੀਂ ਪਾਸ ਲਈ ਸਰਕਾਰੀ ਨੌਕਰੀ ਦਾ ਸੁਨਹਿਰੀ ਮੌਕਾ, ਪੰਜਾਬ ਤੇ ਹਰਿਆਣਾ ਹਾਈਕੋਰਟ ‘ਚ ਭਰਤੀ

12ਵੀਂ ਪਾਸ ਲਈ ਸਰਕਾਰੀ ਨੌਕਰੀ ਦਾ ਸੁਨਹਿਰੀ ਮੌਕਾ ਹੈ। ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਨੇ ਚਪੜਾਸੀ ਦੀਆਂ 300 ਖਾਲੀ ਅਸਾਮੀਆਂ ਲਈ ਅਰਜ਼ੀਆਂ ਮੰਗੀਆਂ ਹਨ। ਇਸ ਲਈ ਅਪਲਾਈ ਕਰਨ ਦੀ ਆਖਰੀ ਮਿਤੀ 20 ਸਤੰਬਰ ਹੈ। ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਦੀ ਵੈੱਬਸਾਈਟ https://highcourtchd.gov.in/ ‘ਤੇ ਜਾ ਕੇ ਅਪਲਾਈ ਕਰ ਸਕਦੇ ਹੋ।

ਇਹ ਵੀ ਪੜ੍ਹੋ – ਮਲਿਆਲਮ ਐਕਟਰ ਬਾਬੂਰਾਜ ‘ਤੇ ਲੱਗੇ ਜਿਨਸੀ ਸ਼ੋਸ਼ਣ ਦੇ ਇਲਜ਼ਾਮ, ਜਾਣੋ ਪੂਰਾ ਮਾਮਲਾ

ਭਰਤੀ ਲਿਖਤੀ ਪ੍ਰੀਖਿਆ ਅਤੇ ਸਰੀਰਕ ਟੈਸਟ ਦੇ ਆਧਾਰ ‘ਤੇ ਹੋਵੇਗੀ। ਇਸ ਭਰਤੀ ਲਈ ਆਨਲਾਈਨ ਅਰਜ਼ੀ 25 ਅਗਸਤ ਤੋਂ ਸ਼ੁਰੂ ਹੋ ਗਈ ਹੈ। ਨੋਟੀਫਿਕੇਸ਼ਨ ਦੇ ਅਨੁਸਾਰ, ਚਪੜਾਸੀ ਦੀਆਂ 300 ਖਾਲੀ ਅਸਾਮੀਆਂ ਵਿੱਚੋਂ, 243 ਅਸਾਮੀਆਂ ਜਨਰਲ ਸ਼੍ਰੇਣੀ ਦੇ ਉਮੀਦਵਾਰਾਂ ਲਈ ਹਨ। ਜਦੋਂ ਕਿ SC/ST/BC ਲਈ 30 ਅਤੇ ਸਾਬਕਾ ਸੈਨਿਕਾਂ ਲਈ 15 ਅਸਾਮੀਆਂ ਹਨ।

ਭਰਤੀ ਲਈ ਉਮਰ ਸੀਮਾ
ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਵਿੱਚ ਚਪੜਾਸੀ ਦੀ ਭਰਤੀ ਲਈ ਉਮੀਦਵਾਰਾਂ ਦੀ ਉਮਰ ਹੱਦ 18 ਤੋਂ 35 ਸਾਲ ਹੈ। ਅਪਾਹਜ ਉਮੀਦਵਾਰਾਂ ਨੂੰ 10 ਸਾਲ ਦੀ ਛੋਟ ਮਿਲੇਗੀ ਅਤੇ ਸਾਬਕਾ ਸੈਨਿਕਾਂ ਨੂੰ ਰੱਖਿਆ ਸੇਵਾ ਦੇ ਬਰਾਬਰ ਤਿੰਨ ਸਾਲ ਦੀ ਛੋਟ ਮਿਲੇਗੀ।

ਐਪਲੀਕੇਸ਼ਨ ਫੀਸ

ਹੋਰ ਰਾਜਾਂ ਦੇ ਜਨਰਲ ਅਤੇ SC/ST/BC ਉਮੀਦਵਾਰ – 700 ਰੁਪਏ
ਪੰਜਾਬ, ਹਰਿਆਣਾ ਅਤੇ ਚੰਡੀਗੜ੍ਹ ਦੇ SC/ST ਅਤੇ BC ਉਮੀਦਵਾਰ – 600 ਰੁਪਏ
ਸਾਬਕਾ ਫੌਜੀ- 600 ਰੁਪਏ, ਅਪਾਹਜ ਉਮੀਦਵਾਰ – 600 ਰੁਪਏ ਹੈ।

ਚੋਣ ਪ੍ਰਕਿਰਿਆ

ਭਰਤੀ ਲਈ ਪਹਿਲਾਂ 100 ਅੰਕਾਂ ਦੀ ਲਿਖਤੀ ਪ੍ਰੀਖਿਆ ਹੋਵੇਗੀ। ਜਿਸ ਵਿੱਚ 50 ਬਹੁ-ਚੋਣ ਵਾਲੇ ਸਵਾਲ ਪੁੱਛੇ ਜਾਣਗੇ। ਇਹ ਸਵਾਲ ਜਨਰਲ ਨਾਲੇਜ, ਜਨਰਲ ਅਵੇਅਰਨੈੱਸ, ਕਰੰਟ ਅਫੇਅਰਜ਼ ਅਤੇ ਨਿਊਮੈਰਿਕਲ ਐਬਿਲਟੀ ਨਾਲ ਸਬੰਧਤ ਹੋਣਗੇ।

ਪ੍ਰਸ਼ਨ ਪੱਤਰ ਹਿੰਦੀ ਅਤੇ ਅੰਗਰੇਜ਼ੀ ਦੋਨਾਂ ਵਿੱਚ ਹੋਵੇਗਾ। ਇਸਦੇ ਲਈ ਤੁਹਾਨੂੰ 90 ਮਿੰਟ ਦਾ ਸਮਾਂ ਮਿਲੇਗਾ। ਇਮਤਿਹਾਨ ਪਾਸ ਕਰਨ ਲਈ ਜਨਰਲ ਕੈਟਾਗਰੀ ਦੇ ਉਮੀਦਵਾਰਾਂ ਨੂੰ 50 ਫੀਸਦੀ ਅੰਕ ਅਤੇ ਹੋਰ ਵਰਗ ਦੇ ਉਮੀਦਵਾਰਾਂ ਨੂੰ 45 ਫੀਸਦੀ ਅੰਕ ਪ੍ਰਾਪਤ ਕਰਨੇ ਹੋਣਗੇ।

ਸਰੀਰਕ ਟੈਸਟ

ਲਿਖਤੀ ਪ੍ਰੀਖਿਆ ਤੋਂ ਬਾਅਦ ਸਰੀਰਕ ਟੈਸਟ ਵੀ ਹੋਵੇਗਾ। ਜਿਸ ਵਿੱਚ 800 ਮੀਟਰ ਦੌੜ, ਉੱਚੀ ਛਾਲ ਅਤੇ ਲੰਬੀ ਛਾਲ ਦੇ ਮੁਕਾਬਲੇ ਹੋਣਗੇ। ਹੋਰ ਜਾਣਕਾਰੀ ਲਈ ਸੂਚਨਾ ਵੇਖੋ।