ਮਸ਼ਹੂਰ ਗਾਇਕਾ ਪਲਕ ਮੁੱਛਲ ਨੇ 3000 ਮਾਸੂਮਾਂ ਨੂੰ ਦਿੱਤੀ ਨਵੀਂ ਜ਼ਿੰਦਗੀ , ਕਰਵਾਈ ਦਿਲ ਦੀ ਸਰਜਰੀ
ਲੋੜਵੰਦਾਂ ਦੀ ਮਦਦ ਕਰਨ ਵਾਲੇ ਬਹੁਤ ਹੀ ਘੱਟ ਪਾਏ ਜਾਂਦੇ ਹਨ ਪਰ ਅਜਿਹਾ ਵੀ ਨਹੀਂ ਹੈ ਕਿ ਕੋਈ ਲੋੜਵੰਦਾਂ ਦੀ ਮਦਦ ਲਈ ਅੱਗੇ ਹੀ ਨਹੀਂ ਆਉਂਦਾ | ਬਾਲੀਵੁੱਡ ਦੇ ਸਿਤਾਰੇ ਹਮੇਸ਼ਾ ਹੀ ਮਦਦ ਲਈ ਅੱਗੇ ਆਉਂਦੇ ਹਨ | ਉਹ ਚਾਹੇ ਸਲਮਾਨ ਖਾਨ ਹੋਣ ਜਾਂ ਸੋਨੂੰ ਸੂਦ ਇਹਨਾਂ ਨੂੰ ਹਮੇਸ਼ਾ ਲੋੜਵੰਦਾਂ ਦੀ ਮਦਦ ਕਰਦੇ ਹੋਏ ਦੇਖਿਆ ਜਾਂਦਾ ਹੈ | ਜਿਸਦੇ ਚੱਲਦਿਆਂ ਹੁਣ ਇਸ ਲਿਸਟ ‘ਚ ਇਕ ਹੋਰ ਬਾਲੀਵੁੱਡ ਸੈਲੀਬ੍ਰਿਟੀ ਦਾ ਨਾਂ ਜੁੜ ਗਿਆ ਹੈ। ਇਹ ਨਾਂ ਹੈ ਮਸ਼ਹੂਰ ਗਾਇਕਾ ਪਲਕ ਮੁੱਛਲ ਦਾ।
ਢਾਈ ਸਾਲ ਦੀ ਉਮਰ ਵਿੱਚ ਗਾਉਣਾ ਕੀਤਾ ਸੀ ਸ਼ੁਰੂ
ਗਾਇਕਾ ਨੇ ਢਾਈ ਸਾਲ ਦੀ ਉਮਰ ਵਿੱਚ ਗਾਉਣਾ ਸ਼ੁਰੂ ਕਰ ਦਿੱਤਾ ਸੀ। ਪਲਕ ਮੁੱਛਲ ਪਲੇਬੈਕ ਸਿੰਗਰ ਹੋਣ ਦੇ ਨਾਲ-ਨਾਲ ਸਮਾਜਿਕ ਕੰਮਾਂ ਵਿੱਚ ਵੀ ਬਹੁਤ ਦਿਲਚਸਪੀ ਰੱਖਦੀ ਹੈ। ਉਹ ਹੁਣ ਤੱਕ 3 ਹਜ਼ਾਰ ਬੱਚਿਆਂ ਦੀ ਜਾਨ ਬਚਾ ਚੁੱਕੀ ਹੈ। ਇਹ ਉਹ ਬੱਚੇ ਹਨ ਜੋ ਦਿਲ ਦੀਆਂ ਬਿਮਾਰੀਆਂ ਤੋਂ ਪੀੜਤ ਹਨ।
ਦਰਅਸਲ , ਹਾਲ ਹੀ ‘ਚ ਪਲਕ ਨੇ ਇਕ ਹੋਰ ਬੱਚੇ ਦੀ ਸਰਜਰੀ ਕਰਵਾਈ ਹੈ, ਜਿਸ ਦਾ ਨਾਂ ਆਲੋਕ ਹੈ। ਆਲੋਕ ਦੀ ਸਰਜਰੀ ਸਫਲ ਰਹੀ ਅਤੇ ਹੁਣ ਉਹ ਬਿਲਕੁਲ ਠੀਕ ਹੈ। ਆਲੋਕ ਦੇ ਨਾਲ, ਪਲਕ ਮੁੱਛਲ ਵੱਲੋਂ ਦਿਲ ਦੀਆਂ ਸਮੱਸਿਆਵਾਂ ਤੋਂ ਠੀਕ ਹੋਏ ਗਰੀਬ ਬੱਚਿਆਂ ਦੀ ਗਿਣਤੀ 3000 ਤੱਕ ਪਹੁੰਚ ਗਈ ਹੈ। ਜਿਸ ਕਰਕੇ ਹਰ ਪਾਸੇ ਉਸਦੇ ਨੇਕ ਕੰਮ ਲਈ ਹਰ ਪਾਸੇ ਸ਼ਲਾਘਾ ਹੋ ਰਹੀ ਹੈ |
ਪਲਕ ਦਾ ਨਾਂ ‘ਗਿਨੀਜ਼ ਬੁੱਕ ਆਫ ਵਰਲਡ ਰਿਕਾਰਡ’ ਵਿੱਚ ਦਰਜ
ਦੱਸ ਦਈਏ ਕਿ ਪਲਕ ਨੂੰ ਇਸ ਕੰਮ ਲਈ ਵੱਖ-ਵੱਖ ਐਵਾਰਡਾਂ ਨਾਲ ਸਨਮਾਨਿਤ ਕੀਤਾ ਜਾ ਚੁੱਕਾ ਹੈ। ਪਲਕ ਦਾ ਨਾਂ ਸਮਾਜਿਕ ਕੰਮਾਂ ਲਈ ‘ਗਿਨੀਜ਼ ਬੁੱਕ ਆਫ ਵਰਲਡ ਰਿਕਾਰਡ’ ਅਤੇ ‘ਲਿਮਕਾ ਬੁੱਕ ਆਫ ਰਿਕਾਰਡਸ’ ‘ਚ ਵੀ ਦਰਜ ਹੈ। ਪਲਕ ਨੇ ਇਕ ਇੰਟਰਵਿਊ ‘ਚ ਖੁਲਾਸਾ ਕੀਤਾ ਕਿ ਉਹ ਉਨ੍ਹਾਂ ਬੱਚਿਆਂ ਦਾ ਇਲਾਜ ਕਰ ਰਹੀ ਹੈ ਜਿਨ੍ਹਾਂ ਨੂੰ ਦਿਲ ਦੀ ਸਮੱਸਿਆ ਹੈ ਅਤੇ ਉਹ ਹੁਣ ਤੱਕ 3000 ਸਰਜਰੀਆਂ ਕਰ ਚੁੱਕੀ ਹੈ। ਅਤੇ 400 ਹੋਰ ਬੱਚਿਆਂ ਨੂੰ ਅਜੇ ਵੀ ਇਲਾਜ ਦੀ ਲੋੜ ਹੈ। ਪਲਕ ਨੇ ਕਿਹਾ ਕਿ ‘ਇਹ ਇਕ ਸੁਪਨੇ ਵਰਗਾ ਹੈ। ਇਹ ਪਹਿਲ ਇੱਕ ਛੋਟੀ ਬੱਚੀ ਤੋਂ ਸ਼ੁਰੂ ਹੋਈ ਅਤੇ ਇਹ ਉਸ ਲਈ ਇੱਕ ਮਕਸਦ ਬਣ ਗਿਆ। ਹੁਣ ਇਹ 3000 ਬੱਚੇ ਉਸ ਲਈ ਆਪਣੇ ਪਰਿਵਾਰ ਵਾਂਗ ਹਨ।
ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤੀ ਵੀਡੀਓ
ਪਲਕ ਨੇ ਸੋਸ਼ਲ ਮੀਡੀਆ ‘ਤੇ 8 ਸਾਲ ਦੇ ਬੱਚੇ ਨਾਲ ਵੀਡੀਓ ਸ਼ੇਅਰ ਕੀਤੀ ਹੈ, ਇਸ ਬੱਚੇ ਦਾ ਨਾਂ ਆਲੋਕ ਸਾਹੂ ਹੈ, ਜੋ ਇੰਦੌਰ ਦਾ ਰਹਿਣ ਵਾਲਾ ਹੈ। ਹਾਲ ਹੀ ‘ਚ ਆਲੋਕ ਦੀ ਦਿਲ ਦੀ ਸਰਜਰੀ ਹੋਈ, ਜੋ ਸਫਲ ਰਹੀ। ਇਸ ਵੀਡੀਓ ‘ਚ ਪਲਕ ਕਹਿ ਰਹੀ ਹੈ- ‘ਹੋਰ 3000 ਜਾਨਾਂ ਬਚਾਈਆਂ ਗਈਆਂ। ਆਲੋਕ ਲਈ ਤੁਹਾਡੀਆਂ ਸਾਰੀਆਂ ਪ੍ਰਾਰਥਨਾਵਾਂ ਲਈ ਧੰਨਵਾਦ। ਸਰਜਰੀ ਸਫਲ ਰਹੀ ਅਤੇ ਹੁਣ ਉਹ ਪੂਰੀ ਤਰ੍ਹਾਂ ਠੀਕ ਹੈ। ਇਸ ਵੀਡੀਓ ਤੋਂ ਬਾਅਦ ਪਲਕ ਦੇ ਇਸ ਨੇਕ ਕੰਮ ਦੀ ਹਰ ਪਾਸੇ ਤਾਰੀਫ ਹੋ ਰਹੀ ਹੈ।
