ਗੌਰਵ ਖੰਨਾ ਨੇ ‘ਸੇਲਿਬ੍ਰਿਟੀ ਮਾਸਟਰ ਸ਼ੈੱਫ’ ਟਰਾਫੀ ਜਿੱਤ ਲਈ ਹੈ। ਇਸ ਜਿੱਤ ਦੇ ਨਾਲ, ਗੌਰਵ ਖੰਨਾ ਭਾਰਤ ਦੇ ਪਹਿਲੇ ਸੇਲਿਬ੍ਰਿਟੀ ਮਾਸਟਰਸ਼ੈੱਫ ਬਣ ਗਏ ਹਨ। ਗੌਰਵ ਨੇ ‘ਸੇਲਿਬ੍ਰਿਟੀ ਮਾਸਟਰ ਸ਼ੈੱਫ’ ਦੇ ਪਹਿਲੇ ਸੀਜ਼ਨ ਦਾ ਖਿਤਾਬ ਜਿੱਤ ਲਿਆ ਹੈ। ਦੱਸ ਦਈਏ ਕਿ ਸੇਲਿਬ੍ਰਿਟੀ ਮਾਸਟਰ ਸ਼ੈੱਫ ਜੇਤੂ ਗੌਰਵ ਖੰਨਾ ਨੇ ‘ਅਨੁਪਮਾ’ ਵਿੱਚ ਅਨੁਜ ਦੀ ਭੂਮਿਕਾ ਨਾਲ ਹਰ ਘਰ ਵਿੱਚ ਆਪਣੀ ਪਛਾਣ ਬਣਾਈ ਹੈ। ‘ਸੇਲਿਬ੍ਰਿਟੀ ਮਾਸਟਰਸ਼ੈੱਫ’ ਟਰਾਫੀ ਜਿੱਤਣ ਦੇ ਨਾਲ-ਨਾਲ, ਉਸਨੇ ਵੱਡੀ ਇਨਾਮੀ ਰਾਸ਼ੀ ਵੀ ਜਿੱਤੀ ਹੈ।
13 ਅਪ੍ਰੈਲ ਨੂੰ ਹੁਸੈਨੀਵਾਲਾ ਵਿਖੇ ਵਿਸਾਖੀ ਦੇ ਮੇਲੇ ਲਈ ਚੱਲਣਗੀਆਂ ਵਿਸ਼ੇਸ਼ ਰੇਲ ਗੱਡੀਆਂ, ਪੜੋ ਸਮਾਂ ਸਾਰਣੀ
ਅਦਾਕਾਰ ਗੌਰਵ ਨੇ ਇਸ ਸੀਜ਼ਨ ਵਿੱਚ ਆਪਣੀ ਖਾਣਾ ਪਕਾਉਣ ਦੀ ਪ੍ਰਤਿਭਾ ਨਾਲ ਸਾਰਿਆਂ ਦਾ ਦਿਲ ਜਿੱਤ ਲਿਆ ਹੈ। ਗੌਰਵ ਨੇ ਆਪਣੇ ਸੁਆਦੀ ਕਟਹਲ ਡਿਸ਼ ਅਤੇ ਆਈਸ ਕਰੀਮ ਡਿਸ਼ ਨਾਲ ਜੱਜਾਂ ਨੂੰ ਪ੍ਰਭਾਵਿਤ ਕੀਤਾ। ਪਿਛਲੇ ਐਪੀਸੋਡ ਵਿੱਚ ਵੀ, ਉਸਨੇ ਆਪਣੀ ਡਿਸ਼ ਨਾਲ ਸਾਰੇ ਜੱਜਾਂ ਦਾ ਦਿਲ ਜਿੱਤ ਲਿਆ ਸੀ। ਦੱਸ ਦੇਈਏ ਕਿ ਜੇਤੂ ਟਰਾਫੀ ਦੇ ਨਾਲ ਨਾਲ ਗੌਰਵ ਨੇ 20 ਲੱਖ ਰੁਪਏ ਦੀ ਇਨਾਮੀ ਰਾਸ਼ੀ ਵੀ ਜਿੱਤੀ।
ਇਸ ਸ਼ੋਅ ਵਿੱਚ ਨਿੱਕੀ ਤੰਬੋਲੀ ਪਹਿਲੀ ਰਨਰਅੱਪ ਰਹੀ, ਜਦੋਂ ਕਿ ਤੇਜਸਵੀ ਪ੍ਰਕਾਸ਼ ਇਸ ਸੀਜ਼ਨ ਵਿੱਚ ਤੀਜੇ ਸਥਾਨ ‘ਤੇ ਰਹੀ। ਮਿਸਟਰ ਫੈਸੂ ਅਤੇ ਰਾਜੀਵ ਦੇ ਨਾਮ ਵੀ ਫਾਈਨਲਿਸਟਾਂ ਵਿੱਚ ਸ਼ਾਮਲ ਹਨ, ਪਰ ਉਹ ਟਾਪ 3 ਵਿੱਚ ਜਗ੍ਹਾ ਬਣਾਉਣ ਵਿੱਚ ਸਫਲ ਨਹੀਂ ਹੋ ਸਕੇ।