ਮਸ਼ਹੂਰ ਟੀਵੀ ਅਦਾਕਾਰਾ ਦੀਪਿਕਾ ਕੱਕੜ ਇਨ੍ਹੀਂ ਦਿਨੀਂ ਆਪਣੀ ਸਿਹਤ ਨੂੰ ਲੈ ਕੇ ਮੁਸ਼ਕਲ ਦੌਰ ਵਿੱਚੋਂ ਗੁਜ਼ਰ ਰਹੀ ਹੈ। ਟੀਵੀ ਅਦਾਕਾਰਾ ਦੀਪਿਕਾ ਕੱਕੜ ਨੂੰ ਲੀਵਰ ਦੇ ਟਿਊਮਰ ਦਾ ਪਤਾ ਲੱਗਿਆ ਹੈ, ਜਿਸ ਬਾਰੇ ਜਾਣਕਾਰੀ ਅਦਾਕਾਰਾ ਦੇ ਪਤੀ ਸ਼ੋਏਬ ਇਬਰਾਹਿਮ ਨੇ ਯੂਟਿਊਬ ਚੈਨਲ ‘ਤੇ ਆਪਣੇ ਨਵੇਂ ਵਲੌਗ ਰਾਹੀਂ ਦਿੱਤੀ ਅਤੇ ਅਦਾਕਾਰਾ ਦੀ ਸਿਹਤ ਬਾਰੇ ਦੱਸਿਆ।
ਅਦਾਕਾਰ ਨੇ ਦੱਸਿਆ ਕਿ ਦੀਪਿਕਾ ਨੂੰ ਪੇਟ ਵਿੱਚ ਬਹੁਤ ਦਰਦ ਹੋ ਰਿਹਾ ਸੀ ਅਤੇ ਉਸਨੂੰ ਦਵਾਈ ਲੈਣ ਲਈ ਕਿਹਾ ਗਿਆ ਸੀ। ਸਾਨੂੰ ਲੱਗਿਆ ਕਿ ਪੇਟ ਦੀ ਇਨਫੈਕਸ਼ਨ ਹੈ। ਪਰ ਦਰਦ ਦੂਰ ਨਹੀਂ ਹੋਇਆ ਅਤੇ ਉਸਨੇ ਕੁਝ ਸਕੈਨ ਕਰਵਾਏ ਅਤੇ ਰਿਪੋਰਟ ਤੋਂ ਪਤਾ ਲੱਗਾ ਕਿ ਉਸਦੇ ਜਿਗਰ ਵਿੱਚ ਟਿਊਮਰ ਹੈ।
ਅਦਾਕਾਰ ਨੇ ਅੱਗੇ ਕਿਹਾ ਕਿ ਡਾਕਟਰਾਂ ਨੇ ਟਿਊਮਰ ਦੇ ਕੈਂਸਰ ਦਾ ਪਤਾ ਲਗਾਉਣ ਲਈ ਹੋਰ ਟੈਸਟਾਂ ਦੀ ਸਲਾਹ ਦਿੱਤੀ ਪਰ ਸ਼ੁਕਰ ਹੈ ਕਿ ਰਿਪੋਰਟ ਨੈਗੇਟਿਵ ਆਈ ਅਤੇ ਕੋਈ ਕੈਂਸਰ ਸੈੱਲ ਨਹੀਂ ਮਿਲੇ। ਸ਼ੁਰੂਆਤੀ ਰਿਪੋਰਟਾਂ ਤੋਂ ਪਤਾ ਲੱਗਾ ਹੈ ਕਿ ਟਿਊਮਰ ਸ਼ਾਇਦ ਬੇਨਾਇਨ (ਗੈਰ-ਕੈਂਸਰ ਵਾਲਾ) ਹੈ, ਪਰ ਕੁਝ ਹੋਰ ਟੈਸਟ ਅਜੇ ਕੀਤੇ ਜਾਣੇ ਬਾਕੀ ਹਨ, ਅਤੇ ਉਸਨੂੰ ਕੋਕੀਲਾਬੇਨ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਜਾਵੇਗਾ।
ਸ਼ੋਏਬ ਨੇ ਇਹ ਵੀ ਕਿਹਾ ਕਿ ਟਿਊਮਰ ਦਾ ਇਲਾਜ ਸਰਜਰੀ ਤੋਂ ਬਿਨਾਂ ਨਹੀਂ ਕੀਤਾ ਜਾ ਸਕਦਾ ਅਤੇ ਇਸਨੂੰ ਉਸਦੇ ਸਰੀਰ ਤੋਂ ਕੱਢਣਾ ਪਵੇਗਾ।
