ਟੇਸਲਾ ਦੇ ਮਾਲਕ ਐਲਨ ਮਸਕ ਨੇ ਅੱਜ ਇੱਕ ਵੱਡਾ ਐਲਾਨ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਉਹ ਆਉਣ ਵਾਲੇ ਸਮੇਂ ‘ਚ ਟਵਿੱਟਰ ਦੇ ਸੀਈਓ ਦੀ ਕੁਰਸੀ ਛੱਡ ਦੇਣਗੇ। ਦੁਨੀਆ ਦੇ ਸਭ ਤੋਂ ਅਮੀਰ ਵਿਅਕਤੀ ਦੇ ਟਵੀਟ ‘ਚ ਕਿਹਾ ਗਿਆ ਹੈ ਕਿ ਜਦੋਂ ਉਨ੍ਹਾਂ ਨੂੰ ਆਪਣਾ ਰਿਪਲੇਸਮੈਂਟ ਮਿਲ ਜਾਏਗਾ ਤਾਂ ਉਹ ਆਪਣਾ ਅਹੁਦਾ ਛੱਡ ਦੇਣਗੇ। ਐਲੋਨ ਮਸਕ ਨੇ ਜਦੋਂ ਤੋਂ ਸੋਸ਼ਲ ਮੀਡੀਆ ਕੰਪਨੀ ਟਵਿੱਟਰ ਨੂੰ ਖਰੀਦਿਆ ਹੈ ਉਦੋਂ ਤੋਂ ਹੀ ਹਲਚਲ ਜਾਰੀ ਹੈ। ਛਾਂਟੀ, ਬਦਲਾਅ ਅਤੇ ਫਿਰ ਸਬਸਕ੍ਰਿਪਸ਼ਨ ਫੀਸਾਂ ਤੋਂ ਬਾਅਦ ਮਸਕ ਨੇ ਕਿਹਾ ਹੈ ਕਿ ਉਹ ਸੀਈਓ ਦੇ ਅਹੁਦੇ ਤੋਂ ਅਸਤੀਫਾ ਦੇ ਦੇਣਗੇ। ਉਨ੍ਹਾਂ ਨੇ ਕਿਹਾ ਕਿ ਟਵਿਟਰ ‘ਤੇ ਕਰਵਾਏ ਗਏ ਪੋਲ ‘ਚ ਜ਼ਿਆਦਾਤਰ ਯੂਜ਼ਰਸ ਨੇ ਉਨ੍ਹਾਂ ਨੂੰ ਸੀਈਓ ਦੇ ਅਹੁਦੇ ਤੋਂ ਹਟਾਉਣ ਦੇ ਪੱਖ ‘ਚ ਵੋਟ ਦਿੱਤਾ ਹੈ, ਜਿਸ ਤੋਂ ਬਾਅਦ ਮੈਂ ਅਸਤੀਫਾ ਦੇਣ ਬਾਰੇ ਸੋਚ ਰਿਹਾ ਹਾਂ।
I will resign as CEO as soon as I find someone foolish enough to take the job! After that, I will just run the software & servers teams.
— Elon Musk (@elonmusk) December 21, 2022
ਇਸ ਤੋਂ ਪਹਿਲਾਂ ਮਸਕ ਨੇ ਟਵਿੱਟਰ ‘ਤੇ ਹੀ ਯੂਜ਼ਰਸ ਵਿਚਾਲੇ ਇਕ ਪੋਲ ਕਰਵਾਈ ਸੀ, ਜਿਸ ‘ਚ ਉਨ੍ਹਾਂ ਨੇ ਪੁੱਛਿਆ ਸੀ ਕਿ ਕੀ ਉਨ੍ਹਾਂ ਨੂੰ ਇਸ ਕੰਪਨੀ ਦੇ ਸੀਈਓ ਦਾ ਅਹੁਦਾ ਛੱਡ ਦੇਣਾ ਚਾਹੀਦਾ ਹੈ। ਇਸ ਪੋਲ ‘ਚ ਵੱਡੀ ਗਿਣਤੀ ‘ਚ ਯੂਜ਼ਰਸ ਨੇ ਹਿੱਸਾ ਲਿਆ ਅਤੇ 58 ਫੀਸਦੀ ਯੂਜ਼ਰਸ ਨੇ ਹਾਂ ‘ਚ ਜਵਾਬ ਦਿੱਤਾ। ਯਾਨੀ ਜ਼ਿਆਦਾਤਰ ਲੋਕ ਮਸਕ ਦੇ ਸੀਈਓ ਦਾ ਅਹੁਦਾ ਛੱਡਣ ਦੇ ਪੱਖ ‘ਚ ਸਨ। 42 ਫੀਸਦੀ ਉਪਭੋਗਤਾਵਾਂ ਦਾ ਮੰਨਣਾ ਸੀ ਕਿ ਮਸਕ ਨੂੰ ਅਜੇ ਵੀ ਸੀਈਓ ਦਾ ਅਹੁਦਾ ਸੰਭਾਲਣਾ ਚਾਹੀਦਾ ਹੈ। ਫਿਲਹਾਲ ਪੋਲ ‘ਚ ਹਾਰਨ ਤੋਂ ਬਾਅਦ ਮਸਕ ਨੇ ਇਹ ਵੀ ਕਿਹਾ ਹੈ ਕਿ ਹੁਣ ਉਹ ਟਵਿਟਰ ਦੇ ਸੀਈਓ ਦਾ ਅਹੁਦਾ ਛੱਡ ਦੇਣਗੇ।
ਇਹ ਵੀ ਪੜ੍ਹੋ: ਪਤੀ ਦਾ ਕਤਲ ਕਰ ਨਾਲ ਸੁੱਤੀ ਰਹੀ ਪਤਨੀ, ਬੱਚਿਆਂ ਨੂੰ ਕਿਹਾ-‘ਪਾਪਾ ਨੂੰ ਨਾ ਜਗਾਉਣਾ…
ਮਸਕ ਨੇ ਕਿਹਾ, ਜਿਵੇਂ ਹੀ ਮੈਨੂੰ ਕੋਈ ਮਿਲਿਆ, ਮੈਂ ਇਹ ਪੋਸਟ ਛੱਡ ਦੇਵਾਂਗਾ ਜੋ ਟਵਿਟਰ ਦੇ ਸੀਈਓ ਦੇ ਕੰਮ ਨੂੰ ਸਹੀ ਢੰਗ ਨਾਲ ਸੰਭਾਲੇਗਾ। ਹੁਣ ਬਹੁਤ ਹੋ ਗਿਆ, ਇਹ ਜ਼ਿੰਮੇਵਾਰੀ ਛੱਡਣ ਦਾ ਸਮਾਂ ਆ ਗਿਆ ਹੈ। ਇਸ ਤੋਂ ਬਾਅਦ ਮੈਂ ਸਿਰਫ ਸਾਫਟਵੇਅਰ ਅਤੇ ਸਰਵਰ ਟੀਮ ਦਾ ਕੰਮ ਦੇਖਾਂਗਾ। ਇਸ ਤੋਂ ਪਹਿਲਾਂ ਮਸਕ ਨੇ ਟਵਿੱਟਰ ‘ਤੇ ਕਰਵਾਏ ਗਏ ਪੋਲ ‘ਚ ਪੁੱਛਿਆ ਸੀ ਕਿ ਕੀ ਉਨ੍ਹਾਂ ਨੂੰ ਸੀਈਓ ਬਣੇ ਰਹਿਣਾ ਚਾਹੀਦਾ ਹੈ ਜਾਂ ਨਹੀਂ ਜ਼ਿਆਦਾ ਵੋਟ ਉਨ੍ਹਾਂ ਦੇ ਖਿਲਾਫ ਗਏ।