ਲਾਈਵ ਸ਼ੋਅ ਦੌਰਾਨ ਸਟੇਜ ਉਤੇ ਡਿੱਗੇ Diljit Dosanjh, VIDEO ਹੋ ਰਹੀ ਵਾਇਰਲ

ਪੰਜਾਬੀ ਗਾਇਕ ਤੇ ਅਦਾਕਾਰ ਦਿਲਜੀਤ ਦੋਸਾਂਝ ਇਨੀ ਦਿਨੀ ਆਪਣੇ ਦਿਲ Illuminati ਟੂਰ ਨੂੰ ਲੈ ਕੇ ਸੁਰਖੀਆਂ ਦੇ ਵਿੱਚ ਹਨ | ਕੁਝ ਦਿਨ ਪਹਿਲਾਂ ਹੀ ਦਿਲਜੀਤ ਦੇ ਸ਼ਰਾਬ ਵਾਲੇ ਗੀਤਾਂ ਨੂੰ ਲੈ ਕੇ ਵੀ ਵਿਵਾਦ ਦੇਖਣ ਨੂੰ ਮਿਲਿਆ ਸੀ ਕਿ ਉਹ ਕੰਸਰਟ ਦੌਰਾਨ ਕੋਈ ਵੀ ਸ਼ਰਾਬ ਦੇ ਨਾਲ ਜੁੜਿਆ ਗੀਤ ਨਾ ਗਾਉਣ | ਪਰ ਇਸ ਸਭ ਤੋਂ ਬਾਅਦ ਉਹਨਾਂ ਨਾਲ ਜੁੜੀ ਇਕ ਹੋਰ ਖ਼ਬਰ ਸਾਹਮਣੇ ਆ ਰਹੀ ਹੈ ਜਿੱਥੇ ਕਿ ਉਹ ਲਾਈਵ ਸ਼ੋਅ ਦੌਰਾਨ ਸਟੇਜ ਉਤੇ ਡਿੱਗ ਗਏ |

ਉਨ੍ਹਾਂ ਦਾ ਰਿਹਾ ਬਚਾਅ

ਹਾਲਾਂਕਿ ਉਨ੍ਹਾਂ ਦਾ ਬਚਾਅ ਰਿਹਾ ਹੈ ਅਤੇ ਉਨ੍ਹਾਂ ਨੇ ਆਪਣਾ ਸ਼ੋਅ ਜਾਰੀ ਰੱਖਿਆ। ਇਸ ਦੀ ਵੀਡੀਓ ਵੀ ਸਾਹਮਣੇ ਆਈ ਹੈ, ਜਿਸ ਵਿਚ ਵੇਖਿਆ ਜਾ ਸਕਦਾ ਹੈ ਕਿ ਉਹ ਗਾਣਾ ਗਾਉਂਦੇ ਹੋਏ ਅਚਾਨਕ ਸਟੇਜ ਉਤੇ ਡਿੱਗ ਗਏ। ਇਹ ਵੀਡੀਓ ਖੂਬ ਵਾਇਰਲ ਹੋ ਰਹੀ ਹੈ ਤੇ ਉਹਨਾਂ ਦੇ ਡਿੱਗਣ ਦਾ ਕਾਰਨ ਵੀ ਪਤਾ ਲੱਗਿਆ ਹੈ | ਦਰਅਸਲ ਜੋ ਸਟੇਜ ਤੇ ਲਾਈਟਸ ਦੇ ਨਾਲ ਫਾਇਰ ਕਰੈਕਰਸ ਲੱਗੇ ਹੁੰਦੇ ਹਨ ਉਹਨਾਂ ‘ਚੋਂ ਜੋ ਤੇਲ ਨਿਕਲਦਾ ਹੈ ਉਸਤੇ ਪੈਰ ਤਿਲਕਣ ਕਾਰਨ ਉਹ ਡਿੱਗ ਪਏ |

ਇਹ ਵੀ ਪੜ੍ਹੋ : ਪੰਜਾਬ ’ਚ ਪੈਦਾ ਹੋ ਸਕਦਾ ਹੈ ਬਿਜਲੀ ਤੇ ਪਾਣੀ ਦਾ ਸੰਕਟ, ਡੈਮਾਂ ’ਚ ਘਟਿਆ ਪਾਣੀ ਦਾ ਪੱਧਰ

ਜਿਸ ਤੋਂ ਬਾਅਦ ਉਹਨਾਂ ਨੇ ਸ਼ੋਅ ਨੂੰ ਰੋਕ ਕੇ ਖਾਸ ਤੌਰ ‘ਤੇ ਪਿਆਰ ਦੇ ਨਾਲ ਕਿਹਾ ਕਿ ਭਾਈ! ਤੁਸੀਂ ਜੋ ਇਹ ਫ਼ਾਈਰ ਛੱਡਦੇ ਹੋ ਕਿਰਪਾ ਉਹਨੂੰ ਇੱਥੇ ਨਾ ਛੱਡਿਆ ਕਰੋ ਇਸ ਨਾਲ ਇੱਥੇ ਤੇਲ ਆਉਂਦਾ | ਬਾਕੀ ਰਹੀ ਗੱਲ ਦੁਸਾਂਝਾਂ ਵਾਲੇ ਦੀ ਉਹਨਾਂ ਨੇ ਆਪਣਾ ਸ਼ੋਅ ਉਵੇਂ ਹੀ ਪੂਰੇ ਜੋਸ਼ ਦੇ ਨਾਲ ਜਾਰੀ ਰੱਖਿਆ |