ਵਿਨੇਸ਼ ਫੋਗਾਟ ਦੀ ਪਟੀਸ਼ਨ ‘ਤੇ ਅੱਜ ਫੈਸਲਾ, ਤਗਮਾ ਮਿਲਣ ‘ਤੇ ਹੋਵੇਗਾ ਫੈਸਲਾ
ਪੈਰਿਸ ਓਲੰਪਿਕ ਤੋਂ ਜ਼ਿਆਦਾ ਭਾਰ ਕਾਰਨ ਅਯੋਗ ਕਰਾਰ ਦਿੱਤੀ ਗਈ ਵਿਨੇਸ਼ ਫੋਗਾਟ ਦੀ ਪਟੀਸ਼ਨ ‘ਤੇ ਅੱਜ ਕੋਰਟ ਆਫ ਆਰਬਿਟਰੇਸ਼ਨ ਫਾਰ ਸਪੋਰਟਸ (ਸੀਏਐਸ) ‘ਚ ਸੁਣਵਾਈ ਹੋਵੇਗੀ। ਪਹਿਲਾਂ ਇਹ ਸੁਣਵਾਈ ਵੀਰਵਾਰ ਰਾਤ 9:30 ਵਜੇ ਹੋਣੀ ਸੀ ਪਰ ਵਿਨੇਸ਼ ਦੇ ਨਾਲ ਮੌਜੂਦ ਟੀਮ ਨੇ ਭਾਰਤੀ ਵਕੀਲ ਨੂੰ ਪੇਸ਼ ਹੋਣ ਲਈ ਸਮਾਂ ਮੰਗਿਆ।
ਇਸ ਤੋਂ ਬਾਅਦ CAS ਨੇ ਕੱਲ੍ਹ ਸਵੇਰੇ 10 ਵਜੇ (ਭਾਰਤੀ ਸਮੇਂ ਅਨੁਸਾਰ ਦੁਪਹਿਰ 1:30 ਵਜੇ) ਤੱਕ ਦਾ ਸਮਾਂ ਦਿੱਤਾ ਹੈ। ਇਸ ਕੇਸ ਦਾ ਬਚਾਅ ਸੀਨੀਅਰ ਵਕੀਲ ਹਰੀਸ਼ ਸਾਲਵੇ ਕਰਨਗੇ।
ਇਹ ਵੀ ਪੜ੍ਹੋ: Paris Olympic: ਨੀਰਜ ਚੋਪੜਾ ਨੇ ਜੈਵਲਿਨ ਥਰੋਅ ‘ਚ ਜਿੱਤਿਆ ਚਾਂਦੀ ਦਾ ਤਗਮਾ, ਲਗਾਤਾਰ 2 ਓਲੰਪਿਕ ‘ਚ ਮੈਡਲ ਜਿੱਤਣ ਵਾਲੇ ਬਣੇ ਤੀਜੇ ਭਾਰਤੀ ਖਿਡਾਰੀ
ਚਾਂਦੀ ਦੇ ਤਗਮੇ ਦੀ ਮੰਗ
ਵਿਨੇਸ਼ ਨੇ ਵੀਰਵਾਰ ਰਾਤ ਨੂੰ ਹੀ CAS ਵਿੱਚ ਇੱਕ ਅਪੀਲ ਦਾਇਰ ਕਰਕੇ ਮੰਗ ਕੀਤੀ ਸੀ ਕਿ ਉਸਨੂੰ 50 ਕਿਲੋਗ੍ਰਾਮ ਭਾਰ ਵਰਗ ਵਿੱਚ ਸਾਂਝੇ ਤੌਰ ‘ਤੇ ਚਾਂਦੀ ਦਾ ਤਗਮਾ ਦਿੱਤਾ ਜਾਵੇ। ਇਸ ਤੋਂ ਬਾਅਦ ਉਸ ਦੀ ਅਪੀਲ ਸਵੀਕਾਰ ਕਰ ਲਈ ਗਈ
ਵਿਨੇਸ਼ ਫੋਗਾਟ ਓਲੰਪਿਕ ਤੋਂ ਅਯੋਗ ਹੋਣ ਤੋਂ ਬਾਅਦ ਸੰਨਿਆਸ ਲੈ ਚੁੱਕੀ ਹੈ। ਕੱਲ੍ਹ ਉਸਨੇ ਸੋਸ਼ਲ ਮੀਡੀਆ (ਐਕਸ) ‘ਤੇ ਇਸ ਦਾ ਐਲਾਨ ਕੀਤਾ।
